This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.091   திருஞானசம்பந்த சுவாமிகள்   திருக்கடைக்காப்பு திருவடகுரங்காடுதுறை - சாதாரி பவப்ரியா பந்துவராளி காஞ்சனாவதி ராகத்தில் திருமுறை அருள்தரு சடைமுடியம்மை உடனுறை அருள்மிகு குலைவணங்குநாதர் திருவடிகள் போற்றி

https://www.youtube.com/watch?v=ScheEyGSH0Q   Add audio link

கோங்கமே குரவமே கொழுமலர்ப் புன்னையே கொகுடிமுல்லை வேங்கையே ஞாழலே விம்முபா திரிகளே விரவியெங்கும் ஓங்குமா காவிரி வடகரை யடைகுரங் காடுதுறை வீங்குநீர்ச் சடைமுடி யடிகளா ரிடமென விரும்பினாரே.	1
மந்தமா யிழிமதக் களிற்றிள மருப்பொடு பொருப்பினல்ல சந்தமா ரகிலொடு சாதியின் பலங்களுந் தகையமோதி உந்துமா காவிரி வடகரை யடைகுரங் காடுதுறை எந்தையா ரிணையடி யிமையவர் தொழுதெழு மியல்பினாரே.	2
முத்துமா மணியொடு முழைவள ராரமு முகந்துநுந்தி எத்துமா காவிரி வடகரை யடைகுரங் காடுதுறை மத்தமா மலரொடு மதிபொதி சடைமுடி யடிகடம்மேல் சித்தமா மடியவர் சிவகதி பெறுவது திண்ணமன்றே.	3
கறியுமா மிளகொடு கதலியின் பலங்களுங் கலந்துநுந்தி எறியுமா காவிரி வடகரை யடைகுரங் காடுதுறை மறியுலாங் கையினர் மலரடி தொழுதெழ மருவுமுள்ளக் குறியினா ரவர்மிகக் கூடுவார் நீடுவா னுலகினூடே.	4
கோடிடைச் சொரிந்ததே னதனொடுங் கொண்டல்வாய் விண்டமுன்னீர் காடுடைப் பீலியுங் கடறுடைப் பண்டமுங் கலந்துநுந்தி ஓடுடைக் காவிரி வடகரை யடைகுரங் காடுதுறை பீடுடைச் சடைமுடி யடிகளா ரிடமெனப் பேணினாரே.	5
Go to top
கோலமா மலரொடு தூபமுஞ் சாந்தமுங் கொண்டுபோற்றி வாலியார் வழிபடப் பொருந்தினார் திருந்துமாங் கனிகளுந்தி ஆலுமா காவிரி வடகரை யடைகுரங் காடுதுறை நீலமா மணிமிடற் றடிகளை நினையவல் வினைகள்வீடே.	6
நீலமா மணிநிறத் தரக்கனை யிருபது கரத்தொடொல்க வாலினாற் கட்டிய வாலியார் வழிபட மன்னுகோயில் ஏலமோ டிலையில வங்கமே யிஞ்சியே மஞ்சளுந்தி ஆலியா வருபுனல் வடகரை யடைகுரங் காடுதுறையே.	8
பொருந்திறற் பெருங்கைமா வுரித்துமை யஞ்சவே யொருங்குநோக்கிப் பெருந்திறத்தநங்கனை யநங்கமா விழித்ததும் பெருமைபோலும் வருந்திறற் காவிரி வடகரை யடைகுரங் காடுதுறை அருந்திறத் திருவரை யல்லல்கண் டோங்கிய வடிகளாரே.	9
கட்டமண் டேரருங் கடுக்கடின் கழுக்களுங் கசிவொன்றில்லாப் பிட்டர்தம் மறவுரை கொள்ளலும் பெருவரைப் பண்டமுந்தி எட்டுமா காவிரி வடகரை யடைகுரங் காடுதுறைச் சிட்டனா ரடிதொழச் சிவகதி பெறுவது திண்ணமாமே.	10
Go to top
தாழிளங் காவிரி வடகரை யடைகுரங்காடுதுறைப் போழிள மதிபொதி புரிதரு சடைமுடிப் புண்ணியனைக் காழியா னருமறை ஞானசம் பந்தன கருதுபாடல் கோழையா வழைப்பினுங் கூடுவார் நீடுவா னுலகினூடே.	11

Thevaaram Link  - Shaivam Link
Other song(s) from this location: திருவடகுரங்காடுதுறை

3.091   திருஞானசம்பந்த சுவாமிகள்   திருக்கடைக்காப்பு   கோங்கமே, குரவமே, கொழு மலர்ப் Tune - சாதாரி   (திருவடகுரங்காடுதுறை குலைவணங்குநாதர் சடைமுடியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.091