This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

6.078   திருநாவுக்கரசர்   தேவாரம் திருவாலங்காடு (பழையனூர்) - திருத்தாண்டகம் அருள்தரு வண்டார்குழலியம்மை உடனுறை அருள்மிகு ஊர்த்ததாண்டவேசுவரர் திருவடிகள் போற்றி

https://www.youtube.com/watch?v=jqqWSyfJW3w   Add audio link

ஒன்றா வுலகனைத்து மானார் தாமே ஊழிதோ றூழி உயர்ந்தார் தாமே நின்றாகி யெங்கும் நிமிர்ந்தார் தாமே நீர்வளிதீ யாகாச மானார் தாமே கொன்றாடுங் கூற்றை யுதைத்தார் தாமே கோலப் பழனை உடையார் தாமே சென்றாடு தீர்த்தங்க ளானார் தாமே திருவாலங் காடுறையுஞ் செல்வர் தாமே.	1
மலைமகளைப் பாக மமர்ந்தார் தாமே வானோர் வணங்கப் படுவார் தாமே சலமகளைச் செஞ்சடைமேல் வைத்தார் தாமே சரணென் றிருப்பார்கட் கன்பர் தாமே பலபலவும் வேடங்க ளானார் தாமே பழனை பதியா வுடையார் தாமே சிலைமலையா மூவெயிலும் அட்டார் தாமே திருவாலங் காடுறையுஞ் செல்வர் தாமே.	2
ஆவுற்ற ஐந்தும் உகந்தார் தாமே அளவில் பெருமை யுடையார் தாமே பூவுற்ற நாற்றமாய் நின்றார் தாமே புனிதப் பொருளாகி நின்றார் தாமே பாவுற்ற பாட லுகப்பார் தாமே பழனை பதியா வுடையார் தாமே தேவுற் றடிபரவ நின்றார் தாமே திருவாலங் காடுறையுஞ் செல்வர் தாமே.	3
நாறுபூங் கொன்றை முடியார் தாமே நான்மறையோ டாறங்கஞ் சொன்னார் தாமே மாறிலா மேனி யுடையார் தாமே மாமதியஞ் செஞ்சடைமேல் வைத்தார் தாமே பாறினார் வெண்டலையி லுண்டார் தாமே பழனை பதியா வுடையார் தாமே தேறினார் சித்தத் திருந்தார் தாமே திருவாலங் காடுறையுஞ் செல்வர் தாமே.	4
அல்லும் பகலுமாய் நின்றார் தாமே அந்தியுஞ் சந்தியு மானார் தாமே சொல்லும் பொருளெலா மானார் தாமே தோத்திரமுஞ் சாத்திரமு மானார் தாமே பல்லுரைக்கும் பாவெலா மானார் தாமே பழனை பதியா வுடையார் தாமே செல்லும் நெறிகாட்ட வல்லார் தாமே திருவாலங் காடுறையுஞ் செல்வர் தாமே.	5
Go to top
தொண்டாய்ப் பணிவார்க் கணியார் தாமே தூநீ றணியுஞ் சுவண்டர் தாமே தண்டா மரையானும் மாலுந் தேடத் தழலுருவா யோங்கி நிமிர்ந்தார் தாமே பண்டான இசைபாட நின்றார் தாமே பழனை பதியா வுடையார் தாமே திண்டோள்க ளெட்டு முடையார் தாமே திருவாலங் காடுறையுஞ் செல்வர் தாமே.	6
மையாருங் கண்ட மிடற்றார் தாமே மயானத்தி லாடல் மகிழ்ந்தார் தாமே ஐயாறும் ஆரூரூம் ஆனைக் காவும் அம்பலமுங் கோயிலாக் கொண்டார் தாமே பையா டரவ மசைத்தார் தாமே பழனை பதியா வுடையார் தாமே செய்யாள் வழிபட நின்றார் தாமே திருவாலங் காடுறையுஞ் செல்வர் தாமே.	7
விண்முழுதும் மண்முழுது மானார் தாமே மிக்கோர்க ளேத்துங் குணத்தார் தாமே கண்விழியாக் காமனையுங் காய்ந்தார் தாமே காலங்க ளூழி கடந்தார் தாமே பண்ணியலும் பாட லுகப்பார் தாமே பழனை பதியா வுடையார் தாமே திண்மழுவாள் ஏந்து கரத்தார் தாமே திருவாலங் காடுறையுஞ் செல்வர் தாமே.	8
காரார் கடல்நஞ்சை யுண்டார் தாமே கயிலை மலையை உடையார் தாமே ஊராஏ கம்ப முகந்தார் தாமே ஒற்றியூர் பற்றி யிருந்தார் தாமே பாரார் புகழப் படுவார் தாமே பழனை பதியா வுடையார் தாமே தீராத வல்வினைநோய் தீர்ப்பார் தாமே திருவாலங் காடுறையுஞ் செல்வர் தாமே.	9
மாலைப் பிறைசென்னி வைத்தார் தாமே வண்கயிலை மாமலையை வந்தி யாத நீலக் கடல்சூ ழிலங்கைக் கோனை நெரிய விரலா லடர்த்தார் தாமே பாலொத்த மேனி நிறத்தார் தாமே பழனை பதியா வுடையார் தாமே சீலத்தா ரேத்துந் திறத்தார் தாமே திருவாலங் காடுறையுஞ் செல்வர் தாமே.	10
Go to top

Thevaaram Link  - Shaivam Link
Other song(s) from this location: திருவாலங்காடு (பழையனூர்)

1.045   திருஞானசம்பந்த சுவாமிகள்   திருக்கடைக்காப்பு   துஞ்ச வருவாரும், தொழுவிப்பாரும், வழுவிப் Tune - தக்கராகம்   (திருவாலங்காடு (பழையனூர்) ஊர்த்ததாண்டவேசுரர் வண்டார்குழலியம்மை)

4.068   திருநாவுக்கரசர்   தேவாரம்   வெள்ள நீர்ச் சடையர் போலும்; Tune - திருநேரிசை   (திருவாலங்காடு (பழையனூர்) ஊர்த்ததாண்டவேசுவரர் வண்டார்குழலியம்மை)

6.078   திருநாவுக்கரசர்   தேவாரம்   ஒன்றா உலகு அனைத்தும் ஆனார் Tune - திருத்தாண்டகம்   (திருவாலங்காடு (பழையனூர்) ஊர்த்ததாண்டவேசுவரர் வண்டார்குழலியம்மை)

7.052   சுந்தரமூர்த்தி சுவாமிகள்   திருப்பாட்டு   முத்தா! முத்தி தர வல்ல Tune - பழம்பஞ்சுரம்   (திருவாலங்காடு (பழையனூர்) ஊர்த்துவதாண்டவேசுவரர் வண்டார்குழலியம்மை)

11.002   காரைக்கால் அம்மையார்    திருஆலங்காட்டு மூத்த திருப்பதிகம்-1   திருஆலங்காட்டு மூத்த திருப்பதிகம் Tune -   (திருவாலங்காடு (பழையனூர்) )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 6.078