This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.096   திருநாவுக்கரசர்   தேவாரம் பொது -மனத்தொகை திருக்குறுந்தொகை - திருக்குறுந்தொகை அருள்தரு உடனுறை அருள்மிகு திருவடிகள் போற்றி

https://www.youtube.com/watch?v=SaeKB96LR80   Add audio link

பொன்னுள் ளத்திரள் புன்சடை யின்புறம் மின் னுள் ளத்திரள் வெண்பிறை யாயிறை நின்னுள் ளத்தருள் கொண்டிருள் நீங்குதல் என்னுள் ளத்துள தெந்தை பிரானிரே.	1
முக்க ணும்முடை யாய்முனி கள்பலர் தொக்கெ ணுங்கழ லாயொரு தோலினோ டக்க ணம்மரை யாயரு ளேயலா தெக்க ணும்மில னெந்தை பிரானிரே.	2
பனியாய் வெங்கதிர் பாய்படர் புன்சடை முனியாய் நீயுல கம்முழு தாளினும் தனியாய் நீசரண் நீசல மேபெரி தினியாய் நீயெனக் கெந்தை பிரானிரே.	3
மறையும் பாடுதிர் மாதவர் மாலினுக் குறையு மாயினை கோளர வோடொரு பிறையுஞ் சூடினை யென்பத லாற்பிறி திறையுஞ் சொல்லிலை யெந்தை பிரானிரே.	4
பூத்தார் கொன்றையி னாய்புலி யின்னதள் ஆர்த்தா யாடர வோடன லாடிய கூத்தா நின்குரை யார்கழ லேயல தேத்தா நாவெனக் கெந்தை பிரானிரே.	5
Go to top
பைம்மா லும்மர வாபர மாபசு மைம்மால் கண்ணியோ டேறுமைந் தாவெனும் அம்மா லல்லது மற்றடி நாயினேற் கெம்மா லும்மிலே னெந்தை பிரானிரே.	6
வெப்பத் தின்மன மாசு விளக்கிய செப்பத் தாற்சிவ னென்பவர் தீவினை ஒப்பத் தீர்த்திடு மொண்கழ லாற்கல்ல தெப்பற் றும்மில னெந்தை பிரானிரே.	7
திகழுஞ் சூழ்சுடர் வானொடு வைகலும் நிகழு மொண்பொரு ளாயின நீதியென் புகழு மாறு மலானுன பொன்னடி இகழு மாறில னெந்தை பிரானிரே.	8
கைப்பற் றித்திரு மால்பிர மன்னுனை எப்பற் றியறி தற்கரி யாயருள் அப்பற் றல்லது மற்றடி நாயினேன் எப்பற் றும்மிலே னெந்தை பிரானிரே.	9
எந்தை யெம்பிரா னென்றவர் மேல்மனம் எந்தை யெம்பிரா னென்றிறைஞ் சித்தொழு தெந்தை யெம்பிரா னென்றடி யேத்துவார் எந்தை யெம்பிரா னென்றடி சேர்வரே.	10
Go to top

Thevaaram Link  - Shaivam Link
Other song(s) from this location: பொது -மனத்தொகை திருக்குறுந்தொகை

5.096   திருநாவுக்கரசர்   தேவாரம்   பொன் உள்ளத் திரள் புன்சடையின் Tune - திருக்குறுந்தொகை   (பொது -மனத்தொகை திருக்குறுந்தொகை )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.096