This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.106   திருஞானசம்பந்த சுவாமிகள்   திருக்கடைக்காப்பு திருவலஞ்சுழி - பழம்பஞ்சுரம் யாகப்பிரியா சங்கராபரணம் கலஹம்சா ராகத்தில் திருமுறை அருள்தரு மங்களநாயகியம்மை உடனுறை அருள்மிகு காப்பகத்தீசுவரர் திருவடிகள் போற்றி

https://www.youtube.com/watch?v=BpD1Nqb02xo   Add audio link

பள்ளம தாய படர்சடைமேற் பயிலுந் திரைக்கங்கை வெள்ளம தார விரும்பிநின்ற விகிர்தன் விடையேறும் வள்ளல் வலஞ்சுழி வாணனென்று மருவி நினைந்தேத்தி உள்ள முருக வுணருமின்க ளுறுநோ யடையாவே.	1
காரணி வெள்ளை மதியஞ்சூடிக் கமழ்புன் சடைதன்மேல் தாரணி கொன்றையுந் தண்ணெருக்குந் தழைய நுழைவித்து வாரணி கொங்கைநல் லாள்தனோடும் வலஞ்சுழி மேவியவர் ஊரணி பெய்பலி கொண்டுகந்த வுவகை யறியோமே.	2
பொன்னிய லுந்திரு மேனிதன்மேற் புரிநூல் பொலிவித்து மின்னிய லுஞ்சடை தாழவேழ வுரிபோர்த் தரவாட மன்னிய மாமறை யோர்கள்போற்றும் வலஞ்சுழி வாணர்தம்மேல் உன்னிய சிந்தையி னீங்ககில்லார்க் குயர்வாம் பிணிபோமே.	3
விடையொரு பாலொரு பால்விரும்பு மெல்லியல் புல்கியதோர் சடையொரு பாலொரு பாலிடங்கொள் தாழ்குழல் போற்றிசைப்ப நடையொரு பாலொரு பால்சிலம்பு நாளும் வலஞ்சுழிசேர் அடையொரு பாலடை யாதசெய்யுஞ் செய்கை யறியோமே.	4
கையம ரும்மழு நாகம்வீணை கலைமான் மறியேந்தி மெய்யம ரும்பொடிப் பூசிவீசுங் குழையார் தருதோடும் பையம ரும்மர வாடவாடும் படர்சடை யார்க்கிடமாம் மையம ரும்பொழில் சூழும்வேலி வலஞ்சுழி மாநகரே.	5
Go to top
தண்டொடு சூலந் தழையவேந்தித் தையலொருபாகம் கண்டிடு பெய்பலி பேணிநாணார் கரியி னுரிதோலர் வண்டிடு மொய்பொழில் சூழ்ந்தமாட வலஞ்சுழி மன்னியவர் தொண்டொடு கூடித் துதைந்துநின்ற தொடர்பைத் தொடர்வோமே.	6
கல்லிய லும்மலை யங்கைநீங்க வளைத்து வளையாதார் சொல்லிய லும்மதின் மூன்றுஞ்செற்ற சுடரா னிடர்நீங்க மல்லிய லுந்திர டோளெம்மாதி வலஞ்சுழி மாநகரே புல்கிய வேந்தனைப் புல்கியேத்தி யிருப்பவர் புண்ணியரே.	7
வெஞ்சின வாளரக்கன் வரையை விறலா லெடுத்தான்றோள் அஞ்சுமொ ராறிரு நான்குமொன்று மடர்த்தா ரழகாய நஞ்சிருள் கண்டத்து நாதரென்று நணுகு மிடம்போலும் மஞ்சுல வும்பொழில் வண்டுகெண்டும் வலஞ்சுழி மாநகரே.	8
ஏடிய னான்முகன் சீர்நெடுமா லெனநின் றவர்காணார் கூடிய கூரெரி யாய்நிமிர்ந்த குழக ருலகேத்த வாடிய வெண்டலை கையிலேந்தி வலஞ்சுழி மேயவெம்மான் பாடிய நான்மறை யாளர்செய்யுஞ் சரிதை பலபலவே.	9
குண்டரும் புத்தருங் கூறையின்றிக் குழுவா ருரைநீத்துத் தொண்டருந் தன்றொழில் பேணநின்ற கழலா னழலாடி வண்டம ரும்பொழின் மல்குபொன்னி வலஞ்சுழி வாணனெம்மான் பண்டொரு வேள்வி முனிந்துசெற்ற பரிசே பகர்வோமே.	10
Go to top
வாழியெம் மானெனக் கெந்தைமேய வலஞ்சுழி மாநகர்மேல் காழியுண் ஞானசம் பந்தன்சொன்ன கருத்தின் றமிழ்மாலை ஆழியிவ் வையகத் தேத்தவல்லா ரவர்க்குந் தமருக்கும் ஊழி யொருபெரு மின்பமோக்கும் உருவும் முயர்வாமே.	11

Thevaaram Link  - Shaivam Link
Other song(s) from this location: திருவலஞ்சுழி

2.002   திருஞானசம்பந்த சுவாமிகள்   திருக்கடைக்காப்பு   விண்டு எலாம் மலர விரை Tune - இந்தளம்   (திருவலஞ்சுழி காப்பகத்தீசுவரர் மங்களநாயகியம்மை)

2.106   திருஞானசம்பந்த சுவாமிகள்   திருக்கடைக்காப்பு   என்ன புண்ணியம் செய்தனை நெஞ்சமே! Tune - நட்டராகம்   (திருவலஞ்சுழி சித்தீசநாதர் பெரியநாயகியம்மை)

3.106   திருஞானசம்பந்த சுவாமிகள்   திருக்கடைக்காப்பு   பள்ளம் அது ஆய படர் Tune - பழம்பஞ்சுரம்   (திருவலஞ்சுழி காப்பகத்தீசுவரர் மங்களநாயகியம்மை)

5.066   திருநாவுக்கரசர்   தேவாரம்   ஓதம் ஆர் கடலின் விடம் Tune - திருக்குறுந்தொகை   (திருவலஞ்சுழி காப்பகத்தீசுவரர் மங்களநாயகியம்மை)

6.072   திருநாவுக்கரசர்   தேவாரம்   அலை ஆர் புனல் கங்கை Tune - திருத்தாண்டகம்   (திருவலஞ்சுழி காப்பகத்தீசுவரர் மங்களநாயகியம்மை)

11.011   நக்கீரதேவ நாயனார்   திருவலஞ்சுழி மும்மணிக்கோவை   திருவலஞ்சுழி மும்மணிக்கோவை Tune -   (திருவலஞ்சுழி )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.106