This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.102   திருஞானசம்பந்த சுவாமிகள்   திருக்கடைக்காப்பு திருநாரையூர் - பழம்பஞ்சுரம் யாகப்பிரியா சங்கராபரணம் கலஹம்சா ராகத்தில் திருமுறை அருள்தரு திரிபுரசுந்தரியம்மை உடனுறை அருள்மிகு சௌந்தரேசர் திருவடிகள் போற்றி

https://www.youtube.com/watch?v=NL_FxOzMKtg   Add audio link

காம்பினை வென்றமென் றோளி பாகங் கலந்தா னலந்தாங்கு தேம்புனல் சூழ்திகழ் மாமடு விற்றிரு நாரை யூர்மேய பூம்புனல் சேர்புரி புன்ச டையான் புலியின் னுரிதோன்மேல் பாம்பினை வீக்கிய பண்ட ரங்கன் பாதம் பணிவோமே.	1
தீவினை யாயின தீர்க்க நின்றான் றிருநாரை யூர்மேயான் பூவினை மேவு சடைமுடி யான்புடை சூழப் பலபூதம் ஆவினி லைந்துங்கொண் டாட்டு கந்தா னடங்கார் மதின்மூன்றும் ஏவினை யெய் தழித்தான் கழலே பரவா வெழுவோமே.	2
மாயவன் சேயவன் வெள்ளி யவன் விடஞ்சேரு மைமிடற்றன் ஆயவ னாகியொ ரந்தர மும்மவ னென்று வரையாகம் தீயவ னீரவன் பூமி யவன்றிரு நாரை யூர்தன்னில் மேயவ னைத்தொழு வாரவர் மேல்வினை யாயின வீடுமே.	3
துஞ்சிரு ளாடுவர் தூமுறுவல் துளங்குமு டம்பினராய் அஞ்சுட ராரெரி யாடு வரார்அழ லார்வி ழிக்கண் நஞ்சுமிழ் நாக மரைக்கசைப் பர்நல னோங்கு நாரையூர் எஞ்சிவ னார்க்கடி மைப்படு வார்க்கினி யில்லை யேதமே.	4
பொங்கி ளங்கொன் றையினார் கடலில் விடமுண் டிமையோர்கள் தங்களை யாரிடர் தீர நின்ற தலைவர் சடைமேலோர் திங்களை வைத்தன லாட லினார்திரு நாரை யூர்மேய வெங்கனல் வெண்ணீ றணிய வல்லா ரவரே விழுமியரே.	5
Go to top
பாரு றுவாய் மையினார் பரவும் பரமேட்டி பைங்கொன்றைத் தாரு றுமார் புடையான் மலையின் றலைவன் மலைமகளைச் சீரு றுமா மறுகிற் சிறைவண் டறையுந் திருநாரை யூரு றையெம் மிறைவர்க் கிவையொன் றொடொன் றொவ்வாவே.	6
கள்ளி யிடுதலை யேந்துகை யர்கரி காடர் கண்ணுதலர் வெள்ளிய கோவண வாடை தன்மேல் மிளிரா டரவார்த்து நள்ளிரு ணட்டம தாடுவர் நன்னல னோங்கு நாரையூர் உள்ளிய போழ்தி லெம்மேல் வருவல் வினையாயின வோடுமே.	7
நாமமெ னைப்பல வும்முடை யான்நல னோங்கு நாரையூர் தாமொம் மெனப்ப றையாழ் குழல் தாளார் கழல்பயில ஈம விளக்கெரி சூழ்சு டலை யியம்பும் மிடுகாட்டில் சாம முரைக்கநின் றாடு வானுந் தழலாய சங்கரனே.	8
ஊனுடைவெண் டலைகொண் டுழல்வா னொளிர்புன் சடைமேலோர் வானிடைவெண் மதிவைத் துகந்தான் வரிவண் டியாழ்முரலத் தேனுடைமா மலரன்னம் வைகுந் திருநாரை யூர்மேய ஆனிடையைந் துகந்தா னடியே பரவா வடைவோமே.	9
தூசுபு னைதுவ ராடை மேவுந் தொழிலா ருடம்பினிலுள் மாசுபு னைந்துடை நீத்தவர்கண் மயனீர்மை கேளாதே தேசுடை யீர்கள் தெளிந்தடைமின் திருநாரை யூர்தன்னில் பூசுபொ டித்த லைவ ரடியா ரடியே பொருத்தமே.	10
Go to top
தண்மதி தாழ்பொழில் சூழ் புகலித் தமிழ்ஞான சம்பந்தன் ஒண்மதி சேர்சடை யானுறையுந் திருநாரை யூர்தன்மேல் பண்மதி யாற்சொன்ன பாடல் பத்தும் பயின்றார் வினைபோகி மண்மதி யாதுபோய் வான்புகுவர் வானோ ரெதிர்கொளவே.	11

Thevaaram Link  - Shaivam Link
Other song(s) from this location: திருநாரையூர்

2.086   திருஞானசம்பந்த சுவாமிகள்   திருக்கடைக்காப்பு   உரையினில் வந்த பாவம், உணர் Tune - பியந்தைக்காந்தாரம்   (திருநாரையூர் சௌந்தரேசர் திரிபுரசுந்தரியம்மை)

3.102   திருஞானசம்பந்த சுவாமிகள்   திருக்கடைக்காப்பு   காம்பினை வென்ற மென்தோளி பாகம் Tune - பழம்பஞ்சுரம்   (திருநாரையூர் சௌந்தரேசர் திரிபுரசுந்தரியம்மை)

3.107   திருஞானசம்பந்த சுவாமிகள்   திருக்கடைக்காப்பு   கடல் இடை வெங்கடு நஞ்சம் Tune - பழம்பஞ்சுரம்   (திருநாரையூர் சௌந்தரேசர் திரிபுரசுந்தரியம்மை)

5.055   திருநாவுக்கரசர்   தேவாரம்   வீறு தான் உடை வெற்பன் Tune - திருக்குறுந்தொகை   (திருநாரையூர் சௌந்தரேசர் திரிபுரசுந்தரியம்மை)

6.074   திருநாவுக்கரசர்   தேவாரம்   சொல்லானை, பொருளானை, சுருதியானை, சுடர் Tune - திருத்தாண்டகம்   (திருநாரையூர் சௌந்தரேசர் திரிபுரசுந்தரியம்மை)

11.031   நம்பியாண்டார் நம்பி   திருநாரையூர் விநாயகர் திருஇரட்டைமணிமாலை   திருநாரையூர் விநாயகர் திருஇரட்டைமணிமாலை Tune -   (திருநாரையூர் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.102