This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.096   திருஞானசம்பந்த சுவாமிகள்   திருக்கடைக்காப்பு திருநெல்வெண்ணெய் - சாதாரி பவப்ரியா பந்துவராளி காஞ்சனாவதி ராகத்தில் திருமுறை அருள்தரு நீலமலர்க்கண்ணம்மை உடனுறை அருள்மிகு வெண்ணையப்பர் திருவடிகள் போற்றி

https://www.youtube.com/watch?v=w_RuIZ-JSkI   Add audio link

நல்வெணெய் விழுதுபெய் தாடுதிர் நாடொறும் நெல்வெணெய் மேவிய நீரே நெல்வெணெய் மேவிய நீருமை நாடொறும் சொல்வண மிடுவது சொல்லே.	1
நிச்சலு மடியவர் தொழுதெழு நெல்வெணெய்க் கச்சிள வரவசைத் தீரே கச்சிள வரவசைத் தீருமைக் காண்பவர் அச்சமொ டருவினை யிலரே.	2
நிரைவிரி தொல்புகழ் நெல்வெணெய் மேவிய அரைவிரி கோவணத் தீரே அரைவிரி கோவணத் தீருமை யலர்கொடு உரைவிரிப் போருயர்ந் தோரே.	3
நீர்மல்கு தொல்புகழ் நெல்வெணெய் மேவிய ஊர்மல்கி யுறையவல் லீரே ஊர்மல்கி யுறையவல் லீருமை யுள்குதல் பார்மல்கு புகழவர் பண்பே.	4
நீடிளம் பொழிலணி நெல்வெணெய் மேவிய ஆடிளம் பாப்பசைத் தீரே ஆடிளம் பாப்பசைத் தீருமை யன்பொடு பாடுள முடையவர் பண்பே.	5
Go to top
நெற்றியோர் கண்ணுடை நெல்வெணெய் மேவிய பெற்றிகொள் பிறைநுத லீரே பெற்றிகொள் பிறைநுத லீருமைப் பேணுதல் கற்றறி வோர்கள்தங் கடனே.	6
நிறையவர் தொழுதெழு நெல்வெணெய் மேவிய கறையணி மிடறுடை யீரே கறையணி மிடறுடை யீருமைக் காண்பவர் உறைவதும் உம்அடிக் கீழே.	7
நெருக்கிய பொழிலணி நெல்வெணெய் மேவியன் றரக்கனை யசைவுசெய் தீரே அரக்கனை யசைவுசெய் தீருமை யன்புசெய் திருக்கவல் லாரிட ரிலரே.	8
நிரைவிரி சடைமுடி நெல்வெணெய் மேவியன் றிருவரை யிடர்கள் செய்தீரே இருவரை யிடர்கள் செய்தீருமை யிசைவொடு பரவவல் லார்பழி யிலரே.	9
நீக்கிய புனலணி நெல்வெணெய் மேவிய சாக்கியச் சமண் கெடுத் தீரே சாக்கியச் சமண்கெடுத் தீருமைச் சார்வது பாக்கிய முடையவர் பண்பே.	10
Go to top
நிலமல்கு தொல்புகழ் நெல்வெணெ யீசனை நலமல்கு ஞானசம் பந்தன் நலமல்கு ஞானசம் பந்தன் செந்தமிழ் சொலமல்கு வார்துய ரிலரே.	11

Thevaaram Link  - Shaivam Link
Other song(s) from this location: திருநெல்வெண்ணெய்

3.096   திருஞானசம்பந்த சுவாமிகள்   திருக்கடைக்காப்பு   நல் வெணெய் விழுது பெய்து Tune - சாதாரி   (திருநெல்வெண்ணெய் வெண்ணையப்பர் நீலமலர்க்கண்ணம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.096