This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.073   திருஞானசம்பந்த சுவாமிகள்   திருக்கடைக்காப்பு திருப்பட்டீச்சரம் - சாதாரி பவப்ரியா பந்துவராளி காஞ்சனாவதி ராகத்தில் திருமுறை அருள்தரு பல்வளைநாயகியம்மை உடனுறை அருள்மிகு பட்டீச்சரநாதர் திருவடிகள் போற்றி திருஞானசம்பந்தர், திருச்செங்குன்றூரிலிருந்து புறப்பட்டுப் பாண்டிக் கொடுமுடி, வெஞ்சமாக் கூடல், கருவூர் ஆனிலை முதலிய தலங்களைப் பணிந்து சோழ நாடு மீண்டு திருச்சிராப்பள்ளி முதலிய காவிரித் தென்கரைத் தலங்களை வணங்கிக் கொண்டு திருவலஞ்சுழி வந்தடைந்தார். அப்போது இளவேனிற் பருவம் தொடங்கியது. திருவலஞ்சுழி இறைவனை வணங்கிப் பழையாறை மேற்றளியையும் திருச்சத்தி முற்றத்தையும் பணிந்து நண்பகற்போதில் பட்டீச்சுரம் வந்தடைந்தார். சிவபூதங்கள் வானத்தில் மறைந்து நின்று பட்டீசுரர் அளித்த முத்துப் பந்தரை ஏந்தியவாறு இது சிவபெருமான் அளித்தது எனக் கூறி ஞானசம்பந்தரின் சிவிகையின் மேல் ஏந்தி நிழல் செய்தன. அடியவர் வானினின்று இழியும் அப்பந்தரை ஏந்தியவர்களாய்த் தண்ணிழலில் ஞானசம்பந்தரை ஆலயத்துக்கு அழைத்துச் சென்றனர். ஞானசம்பந்தர் இறைவனது தடங் கருணையை வியந்தவாறு பாடல் மறை பதிகம் பாடிப் பட்டீச்சுரரை வழிபட்டு மகிழ்ந்தார். திருத்தல பயணங்கள் இனிதே சிரமங்கள் இன்றி நடக்க

https://www.youtube.com/watch?v=sKE5tlWTjIk   Add audio link

பாடன்மறை சூடன்மதி பல்வளையொர் பாகமதின் மூன்றொர்கணையால் கூடவெரி யூட்டியெழில் காட்டிநிழல் கூட்டுபொழில் சூழ்பழைசையுள் மாடமழ பாடியுறை பட்டிசர மேயகடி கட்டரவினார் வேடநிலை கொண்டவரை வீடுநெறி காட்டிவினை வீடுமவரே.	1
நீரின்மலி புன்சடையர் நீளரவு கச்சையது நச்சிலையதோர் கூரின்மலி சூலமது வேந்தியுடை கோவணமு மானினுரிதோல் காரின்மலி கொன்றைவிரி தார்கடவுள் காதல்செய்து மேயநகர்தான் பாரின்மலி சீர்பழைசை பட்டிசர மேத்தவினை பற்றழியுமே.	2
காலைமட வார்கள்புன லாடுவது கௌவைகடி யார்மறுகெலாம் மாலைமண நாறுபழை யாறைமழ பாடியழ காயமலிசீர்ப் பாலையன நீறுபுனை மார்பனுறை பட்டிசர மேபரவுவார் மேலையொரு மால்கடல்கள் போல்பெருகி விண்ணுலக மாளுமவரே.	3
கண்ணின்மிசை நண்ணியிழி விப்பமுக மேத்துகமழ் செஞ்சடையினான் பண்ணின்மிசை நின்றுபல பாணிபட வாடவல பான்மதியினான் மண்ணின்மிசை நேரின்மழ பாடிமலி பட்டிசர மேமருவுவார் விண்ணின்மிசை வாழுமிமை யோரொடுட னாதலது மேவலெளிதே.	4
மருவமுழ வதிரமழ பாடிமலி மத்தவிழ வார்க்கவரையார் பருவமழை பண்கவர்செய் பட்டிசர மேயபடர் புன்சடையினான் வெருவமத யானையுரி போர்த்துமையை யஞ்சவரு வெள்விடையினான் உருவமெரி கழல்கடொழ வுள்ளமுடை யாரையடை யாவினைகளே.	5
Go to top
மறையினொலி கீதமொடு பாடுவன பூதமடி மருவிவிரவார் பறையினொலி பெருகநிகழ் நட்டமமர் பட்டிசர மேயபனிகூர் பிறையினொடு மருவியதொர் சடையினிடை யேற்றபுன றோற்றநிலையாம் இறைவனடி முறைமுறையி னேத்துமவர் தீத்தொழில்க ளில்லர்மிகவே.	6
பிறவிபிணி மூப்பினொடு நீங்கியிமை யோருலகு பேணலுறுவார் துறவியெனு முள்ளமுடை யார்கள்கொடி வீதியழ காயதொகுசீர் இறைவனுறை பட்டிசர மேத்தியெழு வார்கள்வினை யேதுமிலவாய் நறவவிரை யாலுமொழி யாலும்வழி பாடுமற வாதவவரே.	7
நேசமிகு தோள்வலவ னாகியிறை வன்மலையை நீக்கியிடலும் நீசன்விறல் வாட்டிவரை யுற்றதுண ராதநிரம் பாமதியினான் ஈசனுறை பட்டிசர மேத்தியெழு வார்கள்வினை யேதுமிலவாய் நாசமற வேண்டுதலி னண்ணலெளி தாமமரர் விண்ணுலகமே.	8
தூயமல ரானுநெடி யானுமறி யாரவன தோற்றநிலையின் ஏயவகை யானதனை யாரதறி வாரணிகொண் மார்பினகலம் பாயநல நீறதணி வானுமைத னோடுமுறை பட்டிசரமே மேயவன தீரடியு மேத்தவெளி தாகுநல மேலுலகமே.	9
தடுக்கினை யிடுக்கிமட வார்களிடு பிண்டமது வுண்டுழல்தரும் கடுப்பொடி யுடற்கவசர் கத்துமொழி காதல்செய்தி டாதுகமழ்சேர் மடைக்கயல் வயற்கொண்மழ பாடிநகர் நீடுபழை யாறையதனுள் படைக்கொரு கரத்தன்மிகு பட்டிசர மேத்தவினை பற்றறுதலே.	10
Go to top
மந்தமலி சோலைமழ பாடிநகர் நீடுபழை யாறையதனுள் பந்தமுயர் வீடுநல பட்டிசர மேயபடர் புன்சடையனை அந்தண்மறை யோரினிது வாழ்புகலி ஞானசம் பந்தனணியார் செந்தமிழ்கள் கொண்டினிது செப்பவல தொண்டர்வினை நிற்பதிலவே.	11

Thevaaram Link  - Shaivam Link
Other song(s) from this location: திருப்பட்டீச்சரம்

3.073   திருஞானசம்பந்த சுவாமிகள்   திருக்கடைக்காப்பு   பாடல் மறை, சூடல் மதி, Tune - சாதாரி   (திருப்பட்டீச்சரம் பட்டீச்சரநாதர் பல்வளைநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.073