This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.068   திருஞானசம்பந்த சுவாமிகள்   திருக்கடைக்காப்பு திருக்கயிலாயம் - சாதாரி பவப்ரியா பந்துவராளி காஞ்சனாவதி ராகத்தில் திருமுறை அருள்தரு பார்வதியம்மை உடனுறை அருள்மிகு கயிலாயநாதர் திருவடிகள் போற்றி

https://www.youtube.com/watch?v=c27cbwflKjI   Add audio link

வாளவரி கோளபுலி கீளதுரி தாளின்மிசை நாளுமகிழ்வர் ஆளுமவர் வேளநகர் போளயில கோளகளி றாளிவரவில் தோளமரர் தாளமதர் கூளியெழ மீளிமிளிர் தூளிவளர்பொன் காளமுகின் மூளுமிருள் கீளவிரி தாளகயி லாயமலையே.	1
புற்றரவு பற்றியகை நெற்றியது மற்றொருக ணொற்றைவிடையன் செற்றதெயி லுற்றதுமை யற்றவர்க ணற்றுணைவ னுற்றநகர்தான் சுற்றுமணி பெற்றதொளி செற்றமொடு குற்றமில தெற்றெனவினாய்க் கற்றவர்கள் சொற்றொகையின் முற்றுமொளி பெற்றகயி லாயமலையே.	2
சிங்கவரை மங்கையர்க டங்களன செங்கைநிறை கொங்குமலர் தூய் எங்கள் வினை சங்கையவை யிங்ககல வங்கமொழி யெங்குமுளவாய்த் திங்களிரு ணொங்கவொளி விங்கிமிளிர் தொங்கலொடு தங்கவயலே கங்கையொடு பொங்குசடை யெங்களிறை தங்குகயி லாயமலையே.	3
முடியசடை பிடியதொரு வடியமழு வுடையர்செடி யுடையதலையில் வெடியவினை கொடியர்கெட விடுசில்பலி நொடியமகி ழடிகளிடமாம் கொடியகுர லுடையவிடை கடியதுடி யடியினொடு மிடியினதிரக் கடியகுர னெடியமுகின் மடியவத ரடிகொள்கயி லாயமலையே.	4
குடங்கையி னுடங்கெரி தொடர்ந்தெழ விடங்கிளர் படங்கொளரவம் மடங்கொளி படர்ந்திட நடந்தரு விடங்கன திடந்தண் முகில்போய்த் தடங்கட றொடர்ந்துட னுடங்குவ விடங்கொளமி டைந்தகுரலால் கடுங்கலின் முடங்களை நுடங்கர வொடுங்குகயி லாயமலையே.	5
Go to top
ஏதமில பூதமொடு கோதைதுணை யாதிமுதல் வேதவிகிர்தன் கீதமொடு நீதிபல வோதிமற வாதுபயி னாதனகர்தான் தாதுபொதி போதுவிட வூதுசிறை மீதுதுளி கூதனலியக் காதன்மிகு சோதிகிளர் மாதுபயில் கோதுகயி லாயமலையே.	6
சென்றுபல வென்றுலவு புன்றலையர் துன்றலொடு மொன்றியுடனே நின்றமர ரென்றுமிறை வன்றனடி சென்றுபணி கின்றநகர்தான் துன்றுமலர் பொன்றிகழ்செய் கொன்றைவிரை தென்றலொடு சென்றுகமழக் கன்றுபிடி துன்றுகளி றென்றிவைமுன் னின்றகயி லாயமலையே.	7
மருப்பிடை நெருப்பெழு தருக்கொடு செருச்செய்த பருத்தகளிறின் பொருப்பிடை விருப்புற விருக்கையை யொருக்குட னரக்கனுணரா தொருத்தியை வெருக்குற வெருட்டலு நெருக்கென நிருத்தவிரலால் கருத்தில வொருத்தனை யெருத்திற நெரித்தகயி லாயமலையே.	8
பரியதிரை யெரியபுனல் வரியபுலி யுரியதுடை பரிசையுடையான் வரியவளை யரியகணி யுருவினொடு புரிவினவர் பிரிவினகர்தான் பெரியவெரி யுருவமது தெரியவுரு பரிவுதரு மருமையதனால் கரியவனு மரியமறை புரியவனு மருவுகயி லாயமலையே.	9
அண்டர்தொழு சண்டி பணி கண்டடிமை கொண்டவிறை துண்டமதியோ டிண்டைபுனை வுண்டசடை முண்டதர சண்டவிருள் கண்டரிடமாம் குண்டமண வண்டரவர் மண்டைகையி லுண்டுளறி மிண்டுசமயம் கண்டவர்கள் கொண்டவர்கள் பண்டுமறி யாதகயி லாயமலையே.	10
Go to top
அந்தண்வரை வந்தபுன றந்ததிரை சந்தனமொ டுந்தியகிலும் கந்தமலர் கொந்தினொடு மந்திபல சிந்துகயி லாயமலைமேல் எந்தையடி வந்தணுகு சந்தமொடு செந்தமிழி சைந்தபுகலிப் பந்தனுரை சிந்தைசெய வந்தவினை நைந்துபர லோகமெளிதே.	11

Thevaaram Link  - Shaivam Link
Other song(s) from this location: திருக்கயிலாயம்

1.068   திருஞானசம்பந்த சுவாமிகள்   திருக்கடைக்காப்பு   பொடி கொள் உருவர், புலியின் Tune - தக்கேசி   (திருக்கயிலாயம் கயிலாயநாதர் பார்வதியம்மை)

3.068   திருஞானசம்பந்த சுவாமிகள்   திருக்கடைக்காப்பு   வாள வரி கோள புலி Tune - சாதாரி   (திருக்கயிலாயம் கயிலாயநாதர் பார்வதியம்மை)

4.047   திருநாவுக்கரசர்   தேவாரம்   கனகம் மா வயிரம் உந்தும் Tune - திருநேரிசை   (திருக்கயிலாயம் கயிலாயநாதர் பார்வதியம்மை)

6.055   திருநாவுக்கரசர்   தேவாரம்   வே(ற்)ற்று ஆகி விண் ஆகி Tune - குறிஞ்சி   (திருக்கயிலாயம் கயிலாயநாதர் பார்வதியம்மை)

6.056   திருநாவுக்கரசர்   தேவாரம்   பொறை உடைய பூமி, நீர், Tune - போற்றித்திருத்தாண்டகம்   (திருக்கயிலாயம் கயிலாயநாதர் பார்வதியம்மை)

6.057   திருநாவுக்கரசர்   தேவாரம்   பாட்டு ஆன நல்ல தொடையாய், Tune - போற்றித்திருத்தாண்டகம்   (திருக்கயிலாயம் கயிலாயநாதர் பார்வதியம்மை)

7.100   சுந்தரமூர்த்தி சுவாமிகள்   திருப்பாட்டு   தான் எனை முன் படைத்தான்; Tune - பஞ்சமம்   (திருக்கயிலாயம் )

11.008   சேரமான் பெருமாள் நாயனார்   திருக்கயிலாய ஞான உலா   திருக்கயிலாய ஞான உலா Tune -   (திருக்கயிலாயம் )

11.009   நக்கீரதேவ நாயனார்   கயிலைபாதி காளத்திபாதி அந்தாதி   கயிலைபாதி காளத்திபாதி அந்தாதி Tune -   (திருக்கயிலாயம் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.068