This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.055   திருஞானசம்பந்த சுவாமிகள்   திருக்கடைக்காப்பு திருவான்மியூர் - கௌசிகம் அருள்தரு சுந்தரமாது (அ) சொக்கநாயகி உடனுறை அருள்மிகு மருந்தீசுவரர் திருவடிகள் போற்றி

https://www.youtube.com/watch?v=sw6WWvnkIic   Add audio link

விரையார் கொன்றையினாய் விடமுண்ட மிடற்றினனே உரையார் பல்புகழா யுமைநங்கையொர் பங்குடையாய் திரையார் தெண்கடல்சூழ் திருவான்மி யூருறையும் அரையா வுன்னையல்லா லடையாதென தாதரவே.	1
இடியா ரேறுடையா யிமையோர்தம் மணிமுடியாய் கொடியார் மாமதியோ டரவம்மலர்க் கொன்றையினாய் செடியார் மாதவிசூழ் திருவான்மி யூருறையும் அடிகே ளுன்னையல்லா லடையாதென தாதரவே.	2
கையார் வெண்மழுவா கனல்போற்றிரு மேனியனே மையா ரொண்கணல்லா ளுமையாள்வளர் மார்பினனே செய்யார் செங்கயல்பாய் திருவான்மி யூருறையும் ஐயா வுன்னையல்லா லடையாதென தாதரவே.	3
பொன்போ லுஞ்சடைமேற் புனல்தாங்கிய புண்ணியனே மின்போ லும்புரிநூல் விடையேறிய வேதியனே தென்பால் வையமெலாந் திகழுந்திரு வான்மிதன்னில் அன்பா வுன்னையல்லா லடையாதென தாதரவே.	4
கண்ணா ருந்நுதலாய் கதிர்சூழொளி மேனியின்மேல் எண்ணார் வெண்பொடிநீ றணிவாயெழில் வார்பொழில்சூழ் திண்ணார் வண்புரிசைத் திருவான்மி யூருறையும் அண்ணா வுன்னையல்லா லடையாதென தாதரவே.	5
Go to top
நீதி நின்னையல்லா னெறியாதும் நினைந்தறியேன் ஓதீ நான்மறைகள் மறையோன்றலை யொன்றினையும் சேதீ சேதமில்லாத் திருவான்மி யூருறையும் ஆதீ யுன்னையல்லா லடையாதென தாதரவே.	6
வானார் மாமதிசேர் சடையாய்வரை போலவரும் கானா ரானையின்றோ லுரித்தாய்கறை மாமிடற்றாய் தேனார் சோலைகள்சூழ் திருவான்மி யூருறையும் ஆனா யுன்னையல்லா லடையாதென தாதரவே.	7
பொறிவாய் நாகணையா னொடுபூமிசை மேயவனும் நெறியார் நீள்கழன்மேன் முடிகாண்பரி தாயவனே செறிவார் மாமதில்சூழ் திருவான்மி யூருறையும் அறிவே யுன்னையல்லா லடையாதென தாதரவே.	9
குண்டா டுஞ்சமணர் கொடுஞ்சாக்கிய ரென்றிவர்கள் கண்டார் காரணங்கள் கருதாதவர் பேசநின்றாய் திண்டேர் வீதியதார் திருவான்மி யூருறையும் அண்டா வுன்னையல்லா லடையாதென தாதரவே.	10
Go to top
கன்றா ருங்கமுகின் வயல்சூழ்தரு காழிதனில் நன்றான புகழான் மிகுஞானசம் பந்தனுரை சென்றார் தம்மிடர்தீர் திருவான்மி யூரதன்மேல் குன்றா தேத்தவல்லார் கொடுவல்வினை போயறுமே.	11

Thevaaram Link  - Shaivam Link
Other song(s) from this location: திருவான்மியூர்

2.004   திருஞானசம்பந்த சுவாமிகள்   திருக்கடைக்காப்பு   கரை உலாம் கடலில் பொலி Tune - இந்தளம்   (திருவான்மியூர் மருந்தீசுவரர் சுந்தரமாது (அ) சொக்கநாயகி)

3.055   திருஞானசம்பந்த சுவாமிகள்   திருக்கடைக்காப்பு   விரை ஆர் கொன்றையினாய்! விடம் Tune - கௌசிகம்   (திருவான்மியூர் மருந்தீசுவரர் சுந்தரமாது (அ) சொக்கநாயகி)

5.082   திருநாவுக்கரசர்   தேவாரம்   விண்ட மா மலர் கொண்டு Tune - திருக்குறுந்தொகை   (திருவான்மியூர் மருந்தீசுவரர் சுந்தரமாது (அ) சொக்கநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.055