This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.025   திருஞானசம்பந்த சுவாமிகள்   திருக்கடைக்காப்பு திருந்துதேவன்குடி - கொல்லி கனகாங்கி நவரோசு கனகாம்பரி ராகத்தில் திருமுறை அருள்தரு அருமருந்துநாயகியம்மை உடனுறை அருள்மிகு கர்க்கடகேசுவரர் திருவடிகள் போற்றி

https://www.youtube.com/watch?v=uHWU2yooCmg   Add audio link

மருந்துவேண் டில்இவை மந்திரங் கள்இவை புரிந்துகேட் கப்படும் புண்ணியங் கள்இவை திருந்துதே வன்குடித் தேவர்தே வெய்திய அருந்தவத் தோர்தொழும் அடிகள்வே டங்களே.	1
வீதிபோக் காவன வினையைவீட் டுவ்வன ஓதியோர்க் கப்படாப் பொருளையோர் விப்பன தீதில்தே வன்குடித் தேவர்தே வெய்திய ஆதிஅந் தம்மிலா அடிகள்வே டங்களே.	2
மானம்ஆக் குவ்வன மாசுநீக் குவ்வன வானையுள் கச்செலும் வழிகள் காட்டுவ்வன தேனும்வண் டும்மிசை பாடுந்தே வன்குடி ஆனஞ்சா டும்முடி அடிகள்வே டங்களே.	3
செவிகளார் விப்பன சிந்தையுட் சேர்வன கவிகள்பா டுவ்வன கண்குளிர் விப்பன புவிகள்பொங் கப்புனல் பாயுந்தே வன்குடி அவிகளுய்க் கப்படும் அடிகள்வே டங்களே.	4
விண்ணுலா வும்நெறி வீடுகாட் டும்நெறி மண்ணுலா வும்நெறி மயக்கந்தீர்க் கும்நெறி தெண்ணிலா வெண்மதி தீண்டுதே வன்குடி அண்ணலா னேறுடை அடிகள்வே டங்களே.	5
Go to top
பங்கமென் னப்படர் பழிகளென் னப்படா புங்கமென் னப்படர் புகழ்களென் னப்படும் திங்கள்தோ யும்பொழில் தீண்டுதே வன்குடி அங்கம்ஆ றும்சொன்ன அடிகள்வே டங்களே.	6
கரைதல்ஒன் றும்மிலை கருதவல் லார்தமக் குரையில்ஊ னம்மிலை உலகினின் மன்னுவர் திரைகள்பொங் கப்புனல் பாயுந்தே வன்குடி அரையில்வெண் கோவணத் தடிகள்வே டங்களே.	7
உலகமுட் குந்திறல் உடையரக் கன்வலி விலகுபூ தக்கணம் வெருட்டும்வே டத்தின திலகமா ரும்பொழில் சூழ்ந்ததே வன்குடி அலர்தயங் கும்முடி அடிகள்வே டங்களே.	8
துளக்கம்இல் லாதன தூயதோற் றத்தன விளக்கம்ஆக் குவ்வன வெறிவண்டா ரும்பொழில் திளைக்குந்தே வன்குடித் திசைமுக னோடுமால் அளக்கஒண் ணாவண்ணத் தடிகள்வே டங்களே.	9
செருமரு தண்டுவர்த் தேரம ணாதர்கள் உருமரு வப்படாத் தொழும்பர்தம் உரைகொளேல் திருமரு வும்பொய்கை சூழ்ந்ததே வன்குடி அருமருந் தாவன அடிகள்வே டங்களே.	10
Go to top
சேடர்தே வன்குடித் தேவர்தே வன்றனை மாடம்ஓங் கும்பொழின் மல்குதண் காழியான் நாடவல் லதமிழ் ஞானசம் பந்தன பாடல்பத் தும்வல்லார்க் கில்லையாம் பாவமே.	11

Thevaaram Link  - Shaivam Link
Other song(s) from this location: திருந்துதேவன்குடி

3.025   திருஞானசம்பந்த சுவாமிகள்   திருக்கடைக்காப்பு   மருந்து, வேண்டில்(ல்) இவை; மந்திரங்கள்(ள்) Tune - கொல்லி   (திருந்துதேவன்குடி கர்க்கடகேசுவரர் அருமருந்துநாயகியம்மை)

This page was last modified on Sat, 06 Dec 2025 00:43:47 +0000
          send corrections and suggestions to admin-at-sivaya.org