This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

3.020   திருஞானசம்பந்த சுவாமிகள்   திருக்கடைக்காப்பு திருப்பூவணம் - காந்தாரபஞ்சமம் கனகாங்கி கேதார கெளளை கர்நாடக சுத்த சவேரி ராகத்தில் திருமுறை அருள்தரு மின்னாம்பிகையம்மை உடனுறை அருள்மிகு பூவணநாதர் திருவடிகள் போற்றி

https://www.youtube.com/watch?v=1Y-GlqGJ0p8   Add audio link

மாதமர் மேனிய னாகி வண்டொடு போதமர் பொழிலணி பூவ ணத்துறை வேதனை விரவலர் அரண மூன்றெய்த நாதனை அடிதொழ நன்மை யாகுமே.	1
வானணி மதிபுல்கு சென்னி வண்டொடு தேனணி பொழிற்றிருப் பூவ ணத்துறை ஆனநல் லருமறை அங்கம் ஓதிய ஞானனை அடிதொழ நன்மை யாகுமே.	2
வெந்துயர் உறுபிணி வினைகள் தீர்வதோர் புந்தியர் தொழுதெழு பூவ ணத்துறை அந்திவெண் பிறையினோ டாறு சூடிய நந்தியை அடிதொழ நன்மை யாகுமே.	3
வாசநன் மலர்மலி மார்பில் வெண்பொடிப் பூசனைப் பொழில்திகழ் பூவ ணத்துறை ஈசனை மலர்புனைந் தேத்து வார்வினை நாசனை யடிதொழ நன்மை யாகுமே.	4
குருந்தொடு மாதவி கோங்கு மல்லிகை பொருந்திய பொழிற்றிருப் பூவ ணத்துறை அருந்திறல் அவுணர்தம் அரண மூன்றெய்த பெருந்தகை அடிதொழப் பீடை யில்லையே.	5
Go to top
வெறிகமழ் புன்னைபொன் ஞாழல் விம்மிய பொறியர வணிபொழிற் பூவ ணத்துறை கிறிபடு முடையினன் கேடில் கொள்கையன் நறுமல ரடிதொழ நன்மை யாகுமே.	6
பறைமல்கு முழவொடு பாட லாடலன் பொறைமல்கு பொழிலணி பூவ ணத்துறை மறைமல்கு பாடலன் மாதொர் கூறினன் அறைமல்கு கழல்தொழ அல்லல் இல்லையே.	7
வரைதனை யெடுத்தவல் லரக்கன் நீள்முடி விரல்தனில் அடர்த்தவன் வெள்ளை நீற்றினன் பொருபுனல் புடையணி பூவ ணந்தனைப் பரவிய அடியவர்க் கில்லை பாவமே.	8
நீர்மல்கு மலருறை வானும் மாலுமாய்ச் சீர்மல்கு திருந்தடி சேர கிற்கிலர் போர்மல்கு மழுவினன் மேய பூவணம் ஏர்மல்கு மலர்புனைந் தேத்தல் இன்பமே.	9
மண்டைகொண் டுழிதரு மதியில் தேரரும் குண்டருங் குணம்அல பேசுங் கோலத்தர் வண்டமர் வளர்பொழின் மல்கு பூவணம் கண்டவ ரடிதொழு தேத்தல் கன்மமே.	10
Go to top
புண்ணியர் தொழுதெழு பூவ ணத்துறை அண்ணலை யடிதொழு தந்தண் காழியுள் நண்ணிய அருமறை ஞானசம் பந்தன் பண்ணிய தமிழ்சொலப் பறையும் பாவமே.	11

Thevaaram Link  - Shaivam Link
Other song(s) from this location: திருப்பூவணம்

1.064   திருஞானசம்பந்த சுவாமிகள்   திருக்கடைக்காப்பு   அறை ஆர் புனலும் மா Tune - தக்கேசி   (திருப்பூவணம் பூவணநாதர் மின்னாம்பிகையம்மை)

3.020   திருஞானசம்பந்த சுவாமிகள்   திருக்கடைக்காப்பு   மாது அமர் மேனியன் ஆகி, Tune - காந்தாரபஞ்சமம்   (திருப்பூவணம் பூவணநாதர் மின்னாம்பிகையம்மை)

6.018   திருநாவுக்கரசர்   தேவாரம்   வடி ஏறு திரிசூலம் தோன்றும் Tune - திருத்தாண்டகம்   (திருப்பூவணம் பூவணநாதர் மின்னாம்பிகையம்மை)

7.011   சுந்தரமூர்த்தி சுவாமிகள்   திருப்பாட்டு   திரு உடையார், திருமால் அயனாலும் Tune - இந்தளம்   (திருப்பூவணம் பூவணநாதர் மின்னாம்பிகையம்மை)

9.014   கருவூர்த் தேவர்   திருவிசைப்பா   கருவூர்த் தேவர் - திருப்பூவணம் Tune -   (திருப்பூவணம் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 3.020