This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.067   திருஞானசம்பந்த சுவாமிகள்   திருக்கடைக்காப்பு திருப்பெரும்புலியூர் - காந்தாரம் லதாங்கி நவரோசு கனநப்ரியா ராகத்தில் திருமுறை அருள்தரு சவுந்தராம்பிகையம்மை உடனுறை அருள்மிகு வியாக்கிரபுரீசுவரர் திருவடிகள் போற்றி

https://www.youtube.com/watch?v=U_cokwRyphU   Add audio link

மண்ணுமோர் பாக முடையார் மாலுமோர் பாக முடையார் விண்ணுமோர் பாக முடையார் வேத முடைய விமலர் கண்ணுமோர் பாக முடையார் கங்கை சடையிற் கரந்தார் பெண்ணுமோர் பாக முடையார் பெரும்புலி யூர்பிரி யாரே.	1
துன்னு கடற்பவ ளஞ்சேர் தூயன நீண்டதிண் டோள்கள் மின்னு சுடர்க்கொடி போலும் மேனியி னாளொரு கங்கைக் கன்னி களின்புனை யோடு கலைமதி மாலை கலந்த பின்னு சடைப்பெரு மானார் பெரும்புலி யூர்பிரி யாரே.	2
கள்ள மதித்த கபாலங் கைதனி லேமிக வேந்தித் துள்ள மிதித்துநின் றாடுந் தொழில ரெழின்மிகு செல்வர் வெள்ள நகுதலை மாலை விரிசடை மேன்மிளிர் கின்ற பிள்ளை மதிப்பெரு மானார் பெரும்புலி யூர்பிரி யாரே.	3
ஆட லிலைய முடையார் அருமறை தாங்கியா றங்கம் பாட லிலைய முடையார் பன்மை யொருமைசெய் தஞ்சும் ஊட லிலைய முடையார் யோகெனும் பேரொளி தாங்கிப் பீட லிலைய முடையார் பெரும்புலி யூர்பிரி யாரே.	4
தோடுடை யார்குழைக் காதிற் சுடுபொடி யாரன லாடக் காடுடை யாரெரி வீசுங் கையுடை யார்கடல் சூழ்ந்த நாடுடை யார்பொரு ளின்ப நல்லவை நாளு நயந்த பீடுடை யார்பெரு மானார் பெரும்புலி யூர்பிரி யாரே.	5
Go to top
கற்ற துறப்பணி செய்து காண்டுமென் பாரவர் தங்கண் முற்றி தறிதுமென் பார்கண் முதலியர் வேதபு ராணர் மற்றி தறிதுமென் பார்கண் மனத்திடை யார்பணி செய்யப் பெற்றி பெரிது முகப்பார் பெரும்புலி யூர்பிரி யாரே.	6
மறையுடை யாரொலி பாடன் மாமலர்ச் சேவடி சேர்வார் குறையுடை யார்குறை தீர்ப்பார் குழக ரழகர்நஞ் செல்வர் கறையுடை யார்திகழ் கண்டங் கங்கை சடையிற் கரந்தார் பிறையுடை யார்சென்னி தன்மேற் பெரும்புலி யூர்பிரி யாரே.	7
உறவியு மின்புறு சீரு மோங்குதல் வீடெளி தாகித் துறவியுங் கூட்டமுங் காட்டித் துன்பமு மின்பமுந் தோற்றி மறவியஞ் சிந்தனை மாற்றி வாழவல் லார்தமக் கென்றும் பிறவி யறுக்கும் பிரானார் பெரும்புலி யூர்பிரி யாரே.	8
சீருடை யாரடி யார்கள் சேடரொப் பார்சடை சேரும் நீருடை யார்பொடிப் பூசு நினைப்புடை யார்விரி கொன்றைத் தாருடை யார்விடை யூர்வார் தலைவரைந் நூற்றுப்பத் தாய பேருடை யார்பெரு மானார் பெரும்புலி யூர்பிரி யாரே.	9
உரிமை யுடையடி யார்கள் உள்ளுற வுள்கவல் லார்கட் கருமை யுடையன காட்டி யருள்செயு மாதி முதல்வர் கருமை யுடைநெடு மாலுங் கடிமல ரண்ணலுங் காணாப் பெருமை யுடைப்பெரு மானார் பெரும்புலி யூர்பிரி யாரே.	10
Go to top
பிறைவள ரும்முடிச் சென்னிப் பெரும்புலி யூர்ப்பெரு மானை நறைவள ரும்பொழிற் காழி நற்றமிழ் ஞானசம் பந்தன் மறைவள ருந்தமிழ் மாலை வல்லவர் தந்துயர் நீங்கி நிறைவளர் நெஞ்சின ராகி நீடுல கத்திருப் பாரே.	11

Thevaaram Link  - Shaivam Link
Other song(s) from this location: திருப்பெரும்புலியூர்

2.067   திருஞானசம்பந்த சுவாமிகள்   திருக்கடைக்காப்பு   மண்ணும் ஓர் பாகம் உடையார்; Tune - காந்தாரம்   (திருப்பெரும்புலியூர் வியாக்கிரபுரீசுவரர் சவுந்தராம்பிகையம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.067