This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.046   திருஞானசம்பந்த சுவாமிகள்   திருக்கடைக்காப்பு திருநாலூர்மயானம் - சீகாமரம் தீரசங்கராபரணம் நாதநாமக்கிரியை கஜகௌரி ராகத்தில் திருமுறை அருள்தரு பெரியநாயகியம்மை உடனுறை அருள்மிகு பலாசவனேசுவரர் திருவடிகள் போற்றி

https://www.youtube.com/watch?v=LNQ8Zrbi-nE   Add audio link

பாலூரு மலைப்பாம்பும் பனிமதியு மத்தமும் மேலூருஞ் செஞ்சடையான் வெண்ணூல்சேர் மார்பினான் நாலூர் மயானத்து நம்பான்ற னடிநினைந்து மாலூருஞ் சிந்தையர்பால் வந்தூரா மறுபிறப்பே.	1
சூடும் பிறைச்சென்னிச் சூழ்கா டிடமாக ஆடும் பறைசங் கொலியோ டழகாக நாடுஞ் சிறப்போவா நாலூர் மயானத்தைப் பாடுஞ் சிறப்போர்பாற் பற்றாவாம் பாவமே.	2
கல்லா னிழன்மேவிக் காமுறுசீர் நால்வர்க்கன் றெல்லா வறனுரையும் இன்னருளால் சொல்லினான் நல்லார் தொழுதேத்தும் நாலூர் மயானத்தைச் சொல்லா தவரெல்லாஞ் செல்லாதார் தொன்னெறிக்கே.	3
கோலத்தார் கொன்றையான் கொல்புலித்தோ லாடையான் நீலத்தார் கண்டத்தான் நெற்றியோர் கண்ணினான் ஞாலத்தார் சென்றேத்தும் நாலூர் மயானத்தில் சூலத்தா னென்பார்பாற் சூழாவாந் தொல்வினையே.	4
கறையார் மணிமிடற்றான் காபாலி கட்டங்கன் பிறையார் வளர்சடையான் பெண்பாக னண்பாய நறையார் பொழில்புடைசூழ் நாலூர் மயானத்தெம் இறையானென் றேத்துவார்க் கெய்துமா மின்பமே.	5
Go to top
கண்ணார் நுதலான் கனலா டிடமாகப் பண்ணார் மறைபாடி ஆடும் பரஞ்சோதி நண்ணார் புரமெய்தான் நாலூர் மயானத்தை நண்ணா தவரெல்லாம் நண்ணாதார் நன்னெறியே.	6
கண்பாவு வேகத்தாற் காமனைமுன் காய்ந்துகந்தான் பெண்பாவு பாகத்தான் நாகத்தோ லாகத்தான் நண்பார் குணத்தோர்கள் நாலூர் மயானத்தை எண்பாவு சிந்தையார்க் கேலா விடர்தானே.	7
பத்துத் தலையோனைப் பாதத் தொருவிரலால் வைத்து மலையடர்த்து வாளோடு நாள்கொடுத்தான் நத்தி னொலியோவா நாலூர் மயானத்தென் அத்த னடிநினைவார்க் கல்ல லடையாவே.	8
மாலோடு நான்முகனும் நேட வளரெரியாய் மேலோடு கீழ்காணா மேன்மையான் வேதங்கள் நாலோடு மாறங்கம் நாலூர் மயானத்தெம் பாலோடு நெய்யாடி பாதம் பணிவோமே.	9
துன்பாய மாசார் துவராய போர்வையார் புன்பேச்சுக் கேளாதே புண்ணியனை நண்ணுமின்கள் நண்பாற் சிவாயவெனா நாலூர் மயானத்தே இன்பா யிருந்தானை யேத்துவார்க் கின்பமே.	10
Go to top
ஞாலம் புகழ்காழி ஞானசம் பந்தன்றான் நாலு மறையோதும் நாலூர் மயானத்தைச் சீலம் புகழாற் சிறந்தேத்த வல்லாருக் கேலும் புகழ்வானத் தின்பா யிருப்பாரே.	11

Thevaaram Link  - Shaivam Link
Other song(s) from this location: திருநாலூர்மயானம்

2.046   திருஞானசம்பந்த சுவாமிகள்   திருக்கடைக்காப்பு   பால் ஊரும் மலைப்பாம்பும் பனிமதியும் Tune - சீகாமரம்   (திருநாலூர்மயானம் பலாசவனேசுவரர் பெரியநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.046