This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.013   திருஞானசம்பந்த சுவாமிகள்   திருக்கடைக்காப்பு திருக்கோழம்பம் - இந்தளம் லதாங்கி மாயாமாளவகெளளை கீதப்ரியா ராகத்தில் திருமுறை அருள்தரு சவுந்தரியம்மை உடனுறை அருள்மிகு கோகுலேசுவரர் திருவடிகள் போற்றி

https://www.youtube.com/watch?v=skV88Ai_8sg   Add audio link

நீற்றானை நீள்சடை மேனிறை வுள்ளதோர் ஆற்றானை யழகமர் மென்முலை யாளையோர் கூற்றானைக் குளிர்பொழிற் கோழம்ப மேவிய ஏற்றானை யேத்துமின் நும்மிட ரேகவே.	1
மையான கண்டனை மான்மறி யேந்திய கையானைக் கடிபொழிற் கோழம்ப மேவிய செய்யானைத் தேனெய்பா லுந்திகழ்ந் தாடிய மெய்யானை மேவுவார் மேல்வினை மேவாவே.	2
ஏதனை யேதமி லாவிமை யோர்தொழும் வேதனை வெண்குழை தோடுவி ளங்கிய காதனைக் கடிபொழிற் கோழம்ப மேவிய நாதனை யேத்துமின் நும்வினை நையவே.	3
சடையானைத் தண்மல ரான்சிர மேந்திய விடையானை வேதமும் வேள்வியு மாயநன் குடையானைக் குளிர்பொழில் சூழ்திருக் கோழம்பம் உடையானை யுள்குமின் உள்ளங் குளிரவே.	4
காரானைக் கடிகமழ் கொன்றையம் போதணி தாரானைத் தையலொர் பான்மகிழ்ந் தோங்கிய சீரானைச் செறிபொழிற் கோழம்ப மேவிய ஊரானை யேத்துமின் நும்மிட ரொல்கவே.	5
Go to top
பண்டாலின் னீழலா னைப்பரஞ் சோதியை விண்டார்கள் தம்புர மூன்றுட னேவேவக் கண்டானைக் கடிகமழ் கோழம்பங் கோயிலாக் கொண்டானைக் கூறுமி னுள்ளங் குளிரவே.	6
சொல்லானைச் சுடுகணை யாற்புர மூன்றெய்த வில்லானை வேதமும் வேள்வியு மானானைக் கொல்லானை உரியானைக் கோழம்ப மேவிய நல்லானை யேத்துமி னும்மிடர் நையவே.	7
விற்றானை வல்லரக் கர்விறல் வேந்தனைக் குற்றானைத் திருவிர லாற்கொடுங் காலனைச் செற்றானைச் சீர்திக ழுந்திருக் கோழம்பம் பற்றானைப் பற்றுவார் மேல்வினை பற்றாவே.	8
நெடியானோ டயனறி யாவகை நின்றதோர் படியானைப் பண்டங்க வேடம் பயின்றானைக் கடியாருங் கோழம்ப மேவிய வெள்ளேற்றின் கொடியானைக் கூறுமின் உள்ளங் குளிரவே.	9
புத்தருந் தோகையம் பீலிகொள் பொய்ம்மொழிப் பித்தரும் பேசுவ பேச்சல்ல பீடுடைக் கொத்தலர் தண்பொழிற் கோழம்ப மேவிய அத்தனை யேத்துமின் அல்லல் அறுக்கவே.	10
Go to top
தண்புன லோங்குதண் ணந்தராய் மாநகர் நண்புடை ஞானசம் பந்தனம் பானுறை விண்பொழிற் கோழம்ப மேவிய பத்திவை பண்கொளப் பாடவல் லார்க்கில்லை பாவமே.	11

Thevaaram Link  - Shaivam Link
Other song(s) from this location: திருக்கோழம்பம்

2.013   திருஞானசம்பந்த சுவாமிகள்   திருக்கடைக்காப்பு   நீற்றானை, நீள்சடைமேல் நிறைவு உள்ளது Tune - இந்தளம்   (திருக்கோழம்பம் கோகுலேசுவரர் சவுந்தரியம்மை)

5.064   திருநாவுக்கரசர்   தேவாரம்   வேழம்பத்து ஐவர் வேண்டிற்று வேண்டிப் Tune - திருக்குறுந்தொகை   (திருக்கோழம்பம் கோகுலேசுவரர் சவுந்தரியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.013