This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.005   திருஞானசம்பந்த சுவாமிகள்   திருக்கடைக்காப்பு திருஅனேகதங்காவதம் (கௌரிகுண்டம்) - இந்தளம் லதாங்கி மாயாமாளவகெளளை கீதப்ரியா ராகத்தில் திருமுறை அருள்தரு மனோன்மணியம்மை உடனுறை அருள்மிகு அருள்மன்னர் திருவடிகள் போற்றி

+ Show Meaning  https://www.youtube.com/watch?v=ty0Coc7wehY   Add audio link

நீடன் மேவுநிமிர் புன்சடை மேலொர் நிலாமுளை சூடன் மேவுமறை யின்முறை யாலொர் சுலாவழல் ஆடன் மேவுமவர் மேயவ னேகதங் காவதம் பாடன் மேவுமனத் தார்வினை பற்றறுப் பார்களே.	1
சூல முண்டுமழு வுண்டவர் தொல்படை சூழ்கடல் ஆல முண்டபெரு மான்ற னனேகதங் காவதம் நீல முண்டதடங் கண்ணுமை பாக நிலாயதோர் கோல முண்டள வில்லை குலாவிய கொள்கையே.	2
செம்பி னாருமதின் மூன்றெரி யச்சின வாயதோர் அம்பி னாலெய்தருள் வில்லி யனேகதங் காவதம் கொம்பி னேரிடை யாளொடுங் கூடிக்கொல் லேறுடை நம்ப னாமநவி லாதன நாவென லாகுமே.	3
தந்தத் திந்தத்தட மென்றரு வித்திரள் பாய்ந்துபோய்ச் சிந்த வெந்தகதி ரோனொடு மாசறு திங்களார் அந்த மில்லவள வில்ல வனேகதங் காவதம் எந்தை வெந்தபொடி நீறணி வார்க்கிட மாவதே.	4
பிறையு மாசில்கதி ரோனறி யாமைப் பெயர்ந்துபோய் உறையுங் கோயில் பசும்பொன் னணியா ரசும்பார்புனல் அறையு மோசை பறைபோலு மனேகதங் காவதம் இறையெம் மீச னெம்மா னிடமாக வுகந்ததே.	5
Go to top
தேனை யேறுநறு மாமலர் கொண்டடி சேர்த்துவீர் ஆனை யேறுமணி சார லனேகதங் காவதம் வானை யேறுநெறி சென்றுண ருந்தனை வல்லிரேல் ஆனை யேறுமுடி யானருள் செய்வதும் வானையே.	6
வெருவி வேழமிரி யக்கதிர் முத்தொடு வெண்பளிங் குருவி வீழவயி ரங்கொழி யாவகி லுந்திவெள் அருவி பாயுமணி சாரல னேகதங் காவதம் மருவி வாழும்பெரு மான்கழல் சேர்வது வாய்மையே.	7
ஈர மேதுமில னாகி யெழுந்த விராவணன் வீர மேதுமில னாக விளைத்த விலங்கலான் ஆரம் பாம்ப தணிவான்ற னனேகதங் காவதம் வார மாகிநினை வார்வினை யாயின மாயுமே.	8
கண்ணன் வண்ணமல ரானொடுங் கூடியோர்க் கையமாய் எண்ணும் வண்ணமறி யாமை யெழுந்ததோ ராரழல் அண்ண னண்ணுமணி சாரல னேகதங் காவதம் நண்ணும் வண்ணமுடை யார்வினை யாயின நாசமே.	9
மாப தம்மறி யாதவர் சாவகர் சாக்கியர் ஏப தம்பட நின்றிறு மாந்துழல் வார்கள்தாம் ஆப தம்மறி வீருளி ராகில னேகதங் காப தம்மமர்ந் தான்கழல் சேர்தல் கருமமே.	10
Go to top
தொல்லையூ ழிப்பெயர் தோன்றிய தோணிபு ரத்திறை நல்லகேள் வித்தமிழ் ஞானசம் பந்தனல் லார்கண்முன் அல்லல் தீரவுரை செய்த வனேகதங் காவதம் சொல்ல நல்லவடை யும்மடை யாசுடு துன்பமே.	11

Thevaaram Link  - Shaivam Link
Other song(s) from this location: திருஅனேகதங்காவதம் (கௌரிகுண்டம்)

2.005   திருஞானசம்பந்த சுவாமிகள்   திருக்கடைக்காப்பு   நீடல் மேவு நிமிர்புன்சடைமேல் ஒர் Tune - இந்தளம்   (திருஅனேகதங்காவதம் (கௌரிகுண்டம்) அருள்மன்னர் மனோன்மணியம்மை)

This page was last modified on Thu, 11 Dec 2025 05:33:28 +0000
          send corrections and suggestions to admin-at-sivaya.org