திருமுறை 1.089 Thirumurai in tamil

சிவய.திருக்கூட்டம்
sivaya.org
Please set your language preference by clicking language links. Or with Google

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

1.089 திருஞானசம்பந்த சுவாமிகள் திருக்கடைக்காப்பு
திருஎருக்கத்தம்புலியூர் (இராசேந்திரப்பட்டிணம்) - குறிஞ்சி தீரசங்கராபரணம் குறிஞ்சி ராகத்தில் திருமுறை அருள்தரு நீலமலர்க்கண்ணம்மை உடனுறை அருள்மிகு நீலகண்டேசுரர் திருவடிகள் போற்றி
+ Show Meaning https://www.youtube.com/watch?v=yMdIOYz2ckU Add audio link

படையார் தருபூதப் பகடார் உரிபோர்வை
உடையான் உமையோடும் உடனா யிடுகங்கைச்
சடையான் எருக்கத்தம் புலியூர்த் தகுகோயில்
விடையான் அடியேத்த மேவா வினைதானே.

1

இலையார் தருசூலப் படையெம் பெருமானாய்
நிலையார் மதில்மூன்று நீறாய் விழவெய்த
சிலையான் எருக்கத்தம் புலியூர்த் திகழ்கோயில்
கலையான் அடியேத்தக் கருதா வினைதானே.

2

விண்ணோர் பெருமானே விகிர்தா விடையூர்தீ
பெண்ணாண் அலியாகும் பித்தா பிறைசூடீ
எண்ணார் எருக்கத்தம் புலியூ ருறைகின்ற
அண்ணா எனவல்லார்க் கடையா வினைதானே.

3

அரையார் தருநாகம் அணிவான் அலர்மாலை
விரையார் தருகொன்றை யுடையான் விடையேறி
வரையான் எருக்கத்தம் புலியூர் மகிழ்கின்ற
திரையார் சடையானைச் சேரத்திரு வாமே.

4

வீறார் முலையாளைப் பாகம் மிகவைத்துச்
சீறா வருகாலன் சினத்தை யழிவித்தான்
ஏறான் எருக்கத்தம் புலியூ ரிறையானை
வேறா நினைவாரை விரும்பா வினைதானே.

5

Go to top

நகுவெண் டலையேந்தி நானா விதம்பாடிப்
புகுவா னயம்பெய்யப் புலித்தோல் பியற்கிட்டுத்
தகுவான் எருக்கத்தம் புலியூர்த் தகைந்தங்கே
தொகுவான் கழலேத்தத் தொடரா வினைதானே.

6

இப்பாடல் கிடைக்கவில்லை.

7

ஆவா வெனஅரக்கன் அலற அடர்த்திட்டுத்
தேவா எனஅருளார் செல்வங் கொடுத்திட்ட
கோவே எருக்கத்தம் புலியூர் மிகுகோயில்
தேவே யெனஅல்லல் தீர்தல் திடமாமே.

8

மறையான் நெடுமால்காண் பரியான் மழுவேந்தி
நிறையா மதிசூடி நிகழ்முத் தின்தொத்தே
இறையான் எருக்கத்தம் புலியூ ரிடங்கொண்ட
கறையார்மிடற்றானைக் கருதக் கெடும்வினையே.

9

புத்தர் அருகர்தம் பொய்கள் புறம்போக்கிச்
சுத்தி தரித்துறையுஞ் சோதி யுமையோடும்
நித்தன் எருக்கத்தம் புலியூர் நிகழ்வாய
அத்தன் அறவன்தன் அடியே அடைவோமே.

10

Go to top

Thevaaram Link - Shaivam Link
Other song(s) from this location: திருஎருக்கத்தம்புலியூர் (இராசேந்திரப்பட்டிணம்)

1.089 திருஞானசம்பந்த சுவாமிகள் திருக்கடைக்காப்பு படை ஆர்தரு பூதப் பகடு
Tune - குறிஞ்சி (திருஎருக்கத்தம்புலியூர் (இராசேந்திரப்பட்டிணம்) நீலகண்டேசுரர் நீலமலர்க்கண்ணம்மை)

send corrections and suggestions to admin-at-sivaya.org
This page was last modified on Tue, 27 Jan 2026 00:59:47 +0000

படையார் தருபூதப் பகடார் உரிபோர்வை உடையான் உமையோடும் உடனா யிடுகங்கைச் சடையான் எருக்கத்தம் புலியூர்த் தகுகோயில் விடையான் அடியேத்த மேவா வினைதானே.	1
இலையார் தருசூலப் படையெம் பெருமானாய் நிலையார் மதில்மூன்று நீறாய் விழவெய்த சிலையான் எருக்கத்தம் புலியூர்த் திகழ்கோயில் கலையான் அடியேத்தக் கருதா வினைதானே.	2
விண்ணோர் பெருமானே விகிர்தா விடையூர்தீ பெண்ணாண் அலியாகும் பித்தா பிறைசூடீ எண்ணார் எருக்கத்தம் புலியூ ருறைகின்ற அண்ணா எனவல்லார்க் கடையா வினைதானே.	3
அரையார் தருநாகம் அணிவான் அலர்மாலை விரையார் தருகொன்றை யுடையான் விடையேறி வரையான் எருக்கத்தம் புலியூர் மகிழ்கின்ற திரையார் சடையானைச் சேரத்திரு வாமே.	4
வீறார் முலையாளைப் பாகம் மிகவைத்துச் சீறா வருகாலன் சினத்தை யழிவித்தான் ஏறான் எருக்கத்தம் புலியூ ரிறையானை வேறா நினைவாரை விரும்பா வினைதானே.	5
Go to top
நகுவெண் டலையேந்தி நானா விதம்பாடிப் புகுவா னயம்பெய்யப் புலித்தோல் பியற்கிட்டுத் தகுவான் எருக்கத்தம் புலியூர்த் தகைந்தங்கே தொகுவான் கழலேத்தத் தொடரா வினைதானே.	6
இப்பாடல் கிடைக்கவில்லை.	7
ஆவா வெனஅரக்கன் அலற அடர்த்திட்டுத் தேவா எனஅருளார் செல்வங் கொடுத்திட்ட கோவே எருக்கத்தம் புலியூர் மிகுகோயில் தேவே யெனஅல்லல் தீர்தல் திடமாமே.	8
மறையான் நெடுமால்காண் பரியான் மழுவேந்தி நிறையா மதிசூடி நிகழ்முத் தின்தொத்தே இறையான் எருக்கத்தம் புலியூ ரிடங்கொண்ட கறையார்மிடற்றானைக் கருதக் கெடும்வினையே.	9
புத்தர் அருகர்தம் பொய்கள் புறம்போக்கிச் சுத்தி தரித்துறையுஞ் சோதி யுமையோடும் நித்தன் எருக்கத்தம் புலியூர் நிகழ்வாய அத்தன் அறவன்தன் அடியே அடைவோமே.	10
Go to top