This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.013   திருஞானசம்பந்த சுவாமிகள்   திருக்கடைக்காப்பு திருவியலூர் - நட்டபாடை சலநாட்டை கம்பீரநாட்டை ராகத்தில் திருமுறை அருள்தரு சவுந்தரநாயகியம்மை (எ) சாந்தநாயகியம்மை உடனுறை அருள்மிகு யோகாநந்தேசுவரர் திருவடிகள் போற்றி

https://www.youtube.com/watch?v=yEIrdDSLnys   Add audio link

குரவங்கமழ் நறுமென்குழல் அரிவையவள் வெருவப் பொருவெங்கரி படவென்றதன் உரிவையுட லணிவோன் அரவும்மலை புனலும்மிள மதியும்நகு தலையும் விரவுஞ்சடை யடிகட்கிடம் விரிநீர்விய லூரே.	1
ஏறார்தரு மொருவன்பல வுருவன்னிலை யானான் ஆறார்தரு சடையன்அனல் உருவன்புரி வுடையான் மாறார்புர மெரியச்சிலை வளைவித்தவன் மடவாள் வீறார்தர நின்றானிடம் விரிநீர்விய லூரே.	2
செம்மென்சடை யவைதாழ்வுற மடவார்மனை தோறும் பெய்ம்மின்பலி யெனநின்றிசை பகர்வாரவ ரிடமாம் உம்மென்றெழு மருவித்திரள் வரைபற்றிட வுரைமேல் விம்மும்பொழில் கெழுவும்வயல் விரிநீர்விய லூரே.	3
அடைவாகிய வடியார்தொழ வலரோன்றலை யதனில் மடவாரிடு பலிவந்துண லுடையானவ னிடமாம் கடையார்தர வகிலார்கழை முத்தம்நிரை சிந்தி மிடையார்பொழில் புடைசூழ்தரு விரிநீர்விய லூரே.	4
எண்ணார்தரு பயனாயய னவனாய்மிகு கலையாய்ப் பண்ணார்தரு மறையாயுயர் பொருளாயிறை யவனாய்க் கண்ணார்தரு முருவாகிய கடவுள்ளிட மெனலாம் விண்ணோரொடு மண்ணோர்தொழும் விரிநீர்விய லூரே.	5
Go to top
வசைவிற்கொடு வருவேடுவ னவனாய்நிலை யறிவான் திசையுற்றவர் காணச்செரு மலைவானிலை யவனை அசையப்பொரு தசையாவண மவனுக்குயர் படைகள் விசையற்கருள் செய்தானிடம் விரிநீர்விய லூரே.	6
மானார்அர வுடையானிர வுடையான்பகல் நட்டம் ஊனார்தரு முயிரானுயர் விசையான்விளை பொருள்கள் தானாகிய தலைவன்னென நினைவாரவ ரிடமாம் மேனாடிய விண்ணோர்தொழும் விரிநீர்விய லூரே.	7
பொருவாரெனக் கெதிராரெனப் பொருப்பையெடுத் தான்றன் கருமால்வரை கரந்தோளுரங் கதிர்நீண்முடி நெரிந்து சிரமாயின கதறச்செறி கழல்சேர்திரு வடியின் விரலாலடர் வித்தானிடம் விரிநீர்விய லூரே.	8
வளம்பட்டலர் மலர்மேலயன் மாலும்மொரு வகையால் அளம்பட்டறி வொண்ணாவகை யழலாகிய வண்ணல் உளம்பட்டெழு தழற்றூணதன் நடுவேயொரு வுருவம் விளம்பட்டருள் செய்தானிடம் விரிநீர்விய லூரே.	9
தடுக்காலுடன் மறைப்பாரவர் தவர்சீவர மூடிப் பிடக்கேயுரை செய்வாரொடு பேணார்நமர் பெரியோர் கடல்சேர்தரு விடமுண்டமு தமரர்க்கருள் செய்த விடைசேர்தரு கொடியானிடம் விரிநீர்விய லூரே.	10
Go to top
விளங்கும்பிறை சடைமேலுடை விகிர்தன்விய லூரைத் தளங்கொண்டதொர் புகலித்தகு தமிழ்ஞானசம் பந்தன் துளங்கில்தமிழ் பரவித்தொழு மடியாரவ ரென்றும் விளங்கும்புக ழதனோடுயர் விண்ணும்முடை யாரே.	11

Thevaaram Link  - Shaivam Link
Other song(s) from this location: திருவியலூர்

1.013   திருஞானசம்பந்த சுவாமிகள்   திருக்கடைக்காப்பு   குரவம் கமழ் நறு மென் Tune - நட்டபாடை   (திருவியலூர் யோகாநந்தேசுவரர் சவுந்தரநாயகியம்மை (எ) சாந்தநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.013