திருமுறை 3.052 Thirumurai in tamil

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

3.052 திருஞானசம்பந்த சுவாமிகள் திருக்கடைக்காப்பு
திருஆலவாய் (மதுரை) - கௌசிகம் அருள்தரு மீனாட்சியம்மை உடனுறை அருள்மிகு சொக்கநாதசுவாமி திருவடிகள் போற்றி
திருப்பதிகப் பாடலில் வேந்தனும் ஓங்குக என ஞான சம்பந்தர் அருளிச் செய்ததால் பாண்டியன் கூன் நிமிர்ந்து நின்றசீர் நெடு மாறன் ஆயினான். குலச்சிறையார் குதிரையின் மீது ஏறி ஏட்டினைத் தொடர்ந்து சென்றார். ஏடு எதிரேறிச் செல்வதைக் கண்ட பிள்ளையார் வன்னியும் மத்தமும் என்ற திருப்பதிகத்தை அருளிச் செய்தார். அவ் வேடு வைகையின் வடகரையிலமைந்த ஒரு கோயிலுக்கு அருகே சென்று நின்றது. ஏடு நின்ற கோயில் ஏடகம் எனப் பெற்றது. குலச் சிறையார் அதனை எடுத்து வந்து ஞானசம்பந்தரிடம் சேர்ப்பித்தார். சமணர்கள் தாங்கள் செய்த சபதத்தின்படிக் கழுவேறினர். ஞானசம்பந்தர் பாண்டியமன்னனுடன் ஆலவாய் இறைவர் திருக் கோயில் சென்று வீடலால வாயிலாய் என்ற திருப்பதிகம் பாடி வழிபட்டுத் தம் திருமடத்துக்கு எழுந்தருளினார்.
+ Show Meaning https://www.youtube.com/watch?v=bAtyDGetrng Add audio link

வீடலால வாயிலாய் விழுமியார்க ணின்கழல்
பாடலால வாயிலாய் பரவநின்ற பண்பனே
காடலால வாயிலாய் கபாலிநீள்க டிம்மதில்
கூடலால வாயிலாய் குலாயதென்ன கொள்கையே.

1

பட்டிசைந்த வல்குலாள் பாவையாளோர் பாகமா
ஒட்டிசைந்த தன்றியும் முச்சியாளொ ருத்தியாக்
கொட்டிசைந்த வாடலாய் கூடலால வாயிலாய்
எட்டிசைந்த மூர்த்தியா யிருந்தவாறி தென்னையே.

2

குற்றநீ குணங்கணீ கூடலால வாயிலாய்
சுற்றநீ பிரானுநீ தொடர்ந்திலங்கு சோதிநீ
கற்றநூற் கருத்துநீ யருத்தமின்ப மென்றிவை
முற்றுநீ புகழ்ந்துமுன் னுரைப்பதென்மு கம்மனே.

3

முதிருநீர்ச் சடைமுடி முதல்வன்நீ முழங்கழல்
அதிரவீசி யாடுவா யழகன்நீ புயங்கன்நீ
மதுரன்நீ மணாளன்நீ மதுரையால வாயிலாய்
சதுரன்நீ சதுர்முகன் கபாலமேந்து சம்புவே.

4

கோலமாய நீண்மதிற் கூடலால வாயிலாய்
பாலனாய தொண்டு செய்து பண்டுமின்று முன்னையே
நீலமாய கண்டனே நின்னையன்றி நித்தலும்
சீலமாய சிந்தையில் தேர்வதில்லை தேவரே.

5

Go to top

பொன்றயங் கிலங்கொளிந் நலங்குளிர்ந்த புன்சடை
பின்றயங்க வாடுவாய் பிஞ்ஞகா பிறப்பிலீ
கொன்றையம் முடியினாய் கூடலால வாயிலாய்
நின்றயங்கி யாடலே நினைப்பதே நியமமே.

6

ஆதியந்த மாயினா யாலவாயி லண்ணலே
சோதியந்த மாயினாய் சோதியுள்ளொர் சோதியாய்
கீதம்வந்த வாய்மையாற் கிளர்தருக்கி னார்க்கலால்
ஓதிவந்த வாய்மையா லுணர்ந்துரைக்க லாகுமே.

7

கறையிலங்கு கண்டனே கருத்திலாக் கருங்கடல்
துறையிலங்கை மன்னனைத் தோளடர ஊன்றினாய்
மறையிலங்கு பாடலாய் மதுரையால வாயிலாய்
நிறையிலங்கு நெஞ்சினால் நினைப்பதே நியமமே.

8

தாவணவ் விடையினாய் தலைமையாக நாடொறும்
கோவணவ் வுடையினாய் கூடலால வாயிலாய்
தீவணம் மலர்மிசைத் திசைமுகனு மாலுநின்
தூவணம் மளக்கிலார் துளக்கமெய்து வார்களே.

9

தேற்றமில் வினைத்தொழிற் றேரருஞ் சமணரும்
போற்றிசைத்து நின்கழல் புகழ்ந்து புண்ணியங்கொளார்
கூற்றுதைத்த தாளினாய் கூடலால வாயிலாய்
நாற்றிசைக்கு மூர்த்தியாகி நின்றதென்ன நன்மையே.

10

Go to top

போயநீர் வளங்கொளும் பொருபுனற் புகலியான்
பாயகேள்வி ஞானசம் பந்தன்நல்ல பண்பினால்
ஆயசொல்லின் மாலைகொண்டு ஆலவாயிலண்ணலைத்
தீயதீர எண்ணுவார்கள் சிந்தையாவர் தேவரே.

11

Thevaaram Link - Shaivam Link
Other song(s) from this location: திருஆலவாய் (மதுரை)

1.094 திருஞானசம்பந்த சுவாமிகள் திருக்கடைக்காப்பு நீலமாமிடற்று ஆலவாயிலான் பால் அது ஆயினார்
Tune - குறிஞ்சி (திருஆலவாய் (மதுரை) சொக்கநாதசுவாமி மீனாட்சியம்மை)

2.066 திருஞானசம்பந்த சுவாமிகள் திருக்கடைக்காப்பு திருநீற்று பதிகம், மந்திரம் ஆவது நீறு; வானவர்
Tune - காந்தாரம் (திருஆலவாய் (மதுரை) சொக்கநாதசுவாமி மீனாட்சியம்மை)

2.070 திருஞானசம்பந்த சுவாமிகள் திருக்கடைக்காப்பு பிரமன் ஊர், வேணுபுரம், புகலி,
Tune - காந்தாரம் (திருஆலவாய் (மதுரை) பிரமபுரீசர் திருநிலைநாயகி)

3.032 திருஞானசம்பந்த சுவாமிகள் திருக்கடைக்காப்பு வன்னியும் மத்தமும் மதி பொதி
Tune - கொல்லி (திருஆலவாய் (மதுரை) )

3.039 திருஞானசம்பந்த சுவாமிகள் திருக்கடைக்காப்பு மானின் நேர் விழி மாதராய்!
Tune - கொல்லி (திருஆலவாய் (மதுரை) சொக்கநாதசுவாமி மீனாட்சியம்மை)

3.047 திருஞானசம்பந்த சுவாமிகள் திருக்கடைக்காப்பு காட்டு மா அது உரித்து,
Tune - கௌசிகம் (திருஆலவாய் (மதுரை) சொக்கநாதசுவாமி மீனாட்சியம்மை)

3.051 திருஞானசம்பந்த சுவாமிகள் திருக்கடைக்காப்பு செய்யனே! திரு ஆலவாய் மேவிய ஐயனே!
Tune - கௌசிகம் (திருஆலவாய் (மதுரை) சொக்கநாதசுவாமி மீனாட்சியம்மை)

3.052 திருஞானசம்பந்த சுவாமிகள் திருக்கடைக்காப்பு வீடு அலால் அவாய் இலாஅய்,
Tune - கௌசிகம் (திருஆலவாய் (மதுரை) சொக்கநாதசுவாமி மீனாட்சியம்மை)

3.054 திருஞானசம்பந்த சுவாமிகள் திருக்கடைக்காப்பு வாழ்க அந்தணர், வானவர், ஆன்
Tune - கௌசிகம் (திருஆலவாய் (மதுரை) )

3.087 திருஞானசம்பந்த சுவாமிகள் திருக்கடைக்காப்பு தளிர் இள வளர் ஒளி
Tune - சாதாரி (திருஆலவாய் (மதுரை) தெர்ப்பாரணியர் போகமார்த்தபூண்முலையம்மை)

3.108 திருஞானசம்பந்த சுவாமிகள் திருக்கடைக்காப்பு வேத வேள்வியை நிந்தனை செய்து
Tune - பழம்பஞ்சுரம் (திருஆலவாய் (மதுரை) சொக்கநாதசுவாமி மீனாட்சியம்மை)

3.115 திருஞானசம்பந்த சுவாமிகள் திருக்கடைக்காப்பு திரு இயமகம் பதிகம், ஆல நீழல் உகந்தது இருக்கையே;
Tune - பழம்பஞ்சுரம் (திருஆலவாய் (மதுரை) சொக்கநாதசுவாமி மீனாட்சியம்மை)

3.120 திருஞானசம்பந்த சுவாமிகள் திருக்கடைக்காப்பு மங்கையர்க்கு அரசி வளவர்கோன் பாவை,
Tune - புறநீர்மை (திருஆலவாய் (மதுரை) சொக்கநாதசுவாமி மீனாட்சியம்மை)

4.062 திருநாவுக்கரசர் தேவாரம் வேதியா! வேதகீதா! விண்ணவர் அண்ணா!
Tune - கொல்லி (திருஆலவாய் (மதுரை) சொக்கநாதசுவாமி மீனாட்சியம்மை)

6.019 திருநாவுக்கரசர் தேவாரம் முளைத்தானை, எல்லார்க்கும் முன்னே தோன்றி;
Tune - திருத்தாண்டகம் (திருஆலவாய் (மதுரை) சொக்கநாதசுவாமி மீனாட்சியம்மை)

send corrections and suggestions to admin-at-sivaya.org
This page was last modified on Sat, 04 Apr 2026 04:53:34 +0000

வீடலால வாயிலாய் விழுமியார்க ணின்கழல் பாடலால வாயிலாய் பரவநின்ற பண்பனே காடலால வாயிலாய் கபாலிநீள்க டிம்மதில் கூடலால வாயிலாய் குலாயதென்ன கொள்கையே.	1
பட்டிசைந்த வல்குலாள் பாவையாளோர் பாகமா ஒட்டிசைந்த தன்றியும் முச்சியாளொ ருத்தியாக் கொட்டிசைந்த வாடலாய் கூடலால வாயிலாய் எட்டிசைந்த மூர்த்தியா யிருந்தவாறி தென்னையே.	2
குற்றநீ குணங்கணீ கூடலால வாயிலாய் சுற்றநீ பிரானுநீ தொடர்ந்திலங்கு சோதிநீ கற்றநூற் கருத்துநீ யருத்தமின்ப மென்றிவை முற்றுநீ புகழ்ந்துமுன் னுரைப்பதென்மு கம்மனே.	3
முதிருநீர்ச் சடைமுடி முதல்வன்நீ முழங்கழல் அதிரவீசி யாடுவா யழகன்நீ புயங்கன்நீ மதுரன்நீ மணாளன்நீ மதுரையால வாயிலாய் சதுரன்நீ சதுர்முகன் கபாலமேந்து சம்புவே.	4
கோலமாய நீண்மதிற் கூடலால வாயிலாய் பாலனாய தொண்டு செய்து பண்டுமின்று முன்னையே நீலமாய கண்டனே நின்னையன்றி நித்தலும் சீலமாய சிந்தையில் தேர்வதில்லை தேவரே.	5
Go to top
பொன்றயங் கிலங்கொளிந் நலங்குளிர்ந்த புன்சடை பின்றயங்க வாடுவாய் பிஞ்ஞகா பிறப்பிலீ கொன்றையம் முடியினாய் கூடலால வாயிலாய் நின்றயங்கி யாடலே நினைப்பதே நியமமே.	6
ஆதியந்த மாயினா யாலவாயி லண்ணலே சோதியந்த மாயினாய் சோதியுள்ளொர் சோதியாய் கீதம்வந்த வாய்மையாற் கிளர்தருக்கி னார்க்கலால் ஓதிவந்த வாய்மையா லுணர்ந்துரைக்க லாகுமே.	7
கறையிலங்கு கண்டனே கருத்திலாக் கருங்கடல் துறையிலங்கை மன்னனைத் தோளடர ஊன்றினாய் மறையிலங்கு பாடலாய் மதுரையால வாயிலாய் நிறையிலங்கு நெஞ்சினால் நினைப்பதே நியமமே.	8
தாவணவ் விடையினாய் தலைமையாக நாடொறும் கோவணவ் வுடையினாய் கூடலால வாயிலாய் தீவணம் மலர்மிசைத் திசைமுகனு மாலுநின் தூவணம் மளக்கிலார் துளக்கமெய்து வார்களே.	9
தேற்றமில் வினைத்தொழிற் றேரருஞ் சமணரும் போற்றிசைத்து நின்கழல் புகழ்ந்து புண்ணியங்கொளார் கூற்றுதைத்த தாளினாய் கூடலால வாயிலாய் நாற்றிசைக்கு மூர்த்தியாகி நின்றதென்ன நன்மையே.	10
Go to top
போயநீர் வளங்கொளும் பொருபுனற் புகலியான் பாயகேள்வி ஞானசம் பந்தன்நல்ல பண்பினால் ஆயசொல்லின் மாலைகொண்டு ஆலவாயிலண்ணலைத் தீயதீர எண்ணுவார்கள் சிந்தையாவர் தேவரே.	11