This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  

496   சிதம்பரம் திருப்புகழ் ( குருஜி இராகவன் # 476 - வாரியார் # 599 )
இருளும் ஓர்கதிரணு
முன் திருப்புகழ்   அடுத்த திருப்புகழ்

தனன தானன தனன தானன      தனன தானன ...... தனதான

இருளு மோர்கதி ரணுகொ ணாதபொ      னிடம தேறியெ ...... னிருநோயும் எரிய வேமல மொழிய வேசுட      ரிலகு மூலக ...... வொளிமேவி அருவி பாயஇ னமுத மூறவுன்      அருளெ லாமென ...... தளவாக அருளி யேசிவ மகிழ வேபெற      அருளி யேயிணை ...... யடிதாராய் பரம தேசிகர் குருவி லாதவர்      பரவை வான்மதி ...... தவழ்வேணிப் பவள மேனியர் எனது தாதையர்      பரம ராசியர் ...... அருள்பாலா மருவி நாயெனை யடிமை யாமென      மகிழ்மெய் ஞானமு ...... மருள்வோனே மறைகு லாவிய புலியுர் வாழ்குற      மகள்மெ லாசைகொள் ...... பெருமாளே.

இருளும் ஓர்கதிரணுகொணாத பொனிடம தேறி என் இருநோயும் எரியவே மல மொழியவே சுடரிலகு மூலகவொளிமேவி அருவி பாயஇ னமுத மூற உன் அருளெலாம் எனது அளவாக அருளியே சிவ மகிழவேபெற அருளி யேயிணை யடிதாராய் பரம தேசிகர் குருவிலாதவர் பரவை வான்மதி தவழ்வேணி பவள மேனியர் எனது தாதையர் பரம ராசியர் அருள்பாலா மருவி நாயெனை யடிமை யாமென மகிழ்மெய் ஞானமும் அருள்வோனே மறைகுலாவிய புலியுர் வாழ் குற மகள்மெ லாசைகொள் பெருமாளே.

இருட்டும் சூரிய ஒளியின் ஒரு கதிரும் புகமுடியாத தேவலோகத்தை யான் அடைந்து, என் நல்வினை, தீவினை என்ற இரு நோய்களும் எரிந்து போகவும், ஆணவம், கன்மம், மாயை என்னும் மும்மலங்களும் ஒழிந்திடவும், ஒளி பொருந்திய மூலாதார அக்கினி பொருந்தி, அருவி பாய்வது போல இனிய தேவாமிர்தம் ஊற, உன் திருவருள் யாவும் என் வசமாகும்படியாக உதவியருளி, சிவஞானத்தை யான் மகிழ்ந்து பெறுமாறு அருள் செய்து உன் இரு திருவடிகளையும் தருவாயாக. மேலான தக்ஷிணாமூர்த்தி தேசிகரும், தமக்கு ஒரு குரு இல்லாதவரும், பரந்த கடல் போன்ற கங்கையும் வானத்துச் சந்திரனும் தவழ்கின்ற சடையரும், பவள நிற மேனியருமான எனது தந்தையாரும், பரம ரகசியமாகும் சிதம்பர ரகசியருமான சிவபிரான் அருளிய பாலனே, அடியேனிடம் வந்து கூடி, என்னை ஓர் அடிமையாக ஏற்றுக் கொண்டு, மகிழ்ந்து மெய்ஞ்ஞானத்தை அருள்வோனே, வேதங்கள் விளங்கும் புலியூர் சிதம்பரத்தில் வாழ்பவனே, குறப்பெண் வள்ளிமீது ஆசை கொண்ட பெருமாளே.

Audio/Video Link(s)

Add (additional) Audio/Video Link

இருளும் ஓர்கதிரணுகொணாத ... இருட்டும் சூரிய ஒளியின் ஒரு கதிரும் புகமுடியாத பொனிடம தேறி ... தேவலோகத்தை யான் அடைந்து, என் இருநோயும் எரியவே ... என் நல்வினை, தீவினை என்ற இரு நோய்களும் எரிந்து போகவும், மல மொழியவே ... ஆணவம், கன்மம், மாயை என்னும் மும்மலங்களும் ஒழிந்திடவும், சுடரிலகு மூலகவொளிமேவி ... ஒளி பொருந்திய மூலாதார அக்கினி பொருந்தி, அருவி பாயஇ னமுத மூற ... அருவி பாய்வது போல இனிய தேவாமிர்தம் ஊற, உன் அருளெலாம் எனது அளவாக ... உன் திருவருள் யாவும் என் வசமாகும்படியாக அருளியே சிவ மகிழவேபெற ... உதவியருளி, சிவஞானத்தை யான் மகிழ்ந்து பெறுமாறு அருளி யேயிணை யடிதாராய் ... அருள் செய்து உன் இரு திருவடிகளையும் தருவாயாக. பரம தேசிகர் குருவிலாதவர் ... மேலான தக்ஷிணாமூர்த்தி தேசிகரும், தமக்கு ஒரு குரு இல்லாதவரும், பரவை வான்மதி தவழ்வேணி ... பரந்த கடல் போன்ற கங்கையும் வானத்துச் சந்திரனும் தவழ்கின்ற சடையரும், பவள மேனியர் எனது தாதையர் ... பவள நிற மேனியருமான எனது தந்தையாரும், பரம ராசியர் அருள்பாலா ... பரம ரகசியமாகும் சிதம்பர ரகசியருமான சிவபிரான் அருளிய பாலனே, மருவி நாயெனை யடிமை யாமென ... அடியேனிடம் வந்து கூடி, என்னை ஓர் அடிமையாக ஏற்றுக் கொண்டு, மகிழ்மெய் ஞானமும் அருள்வோனே ... மகிழ்ந்து மெய்ஞ்ஞானத்தை அருள்வோனே, மறைகுலாவிய புலியுர் வாழ் ... வேதங்கள் விளங்கும் புலியூர் சிதம்பரத்தில் வாழ்பவனே, குற மகள்மெ லாசைகொள் பெருமாளே. ... குறப்பெண் வள்ளிமீது ஆசை கொண்ட பெருமாளே.

Similar songs:

496 - இருளும் ஓர்கதிரணு (சிதம்பரம்)

தனன தானன தனன தானன
     தனன தானன ...... தனதான

Songs from this thalam சிதம்பரம்

449 - கனகசபை மேவும்

450 - கைத்தருண சோதி

451 - இருவினையின் மதி

452 - குகனே குருபரனே

453 - வண்டையொத்து

454 - கங்குலின் குழல்

455 - கொந்தளம் புழு

456 - மந்தரமென் குவடார்

457 - வந்து வந்துவித்தூறி

458 - கதித்துப் பொங்கலு

459 - சிரித்துச் சங்கொளி

460 - தத்தையென்று

461 - தனத்தில் குங்குமத்தை

462 - திருடிகள் இணக்கி

463 - கொந்தரம் குழல்

464 - தியங்கும் சஞ்சலம்

465 - பருவம் பணை

466 - மதவெம் கரி

467 - முகசந்திர புருவம்

468 - சந்திர வோலை

469 - காய மாய வீடு

470 - அவகுண விரகனை

471 - கட்டி முண்டக

472 - நஞ்சினைப் போலுமன

473 - செம் கலச

474 - கரிய மேகமெனும்

475 - கூந்தலாழ விரிந்து

476 - அத்தன் அன்னை

477 - இருள் காட்டு

478 - முல்லைமலர் போலும்

479 - அடப்பக்கம் பிடித்து

480 - அக்குப் பீளை

481 - ஆரத்தோடு அணி

482 - காதைக் காதி

483 - கொள்ளை ஆசை

484 - தாது மாமலர்

485 - எலுப்புத் தோல்

486 - நீல மாமுகில்

487 - வாத பித்தமொடு

488 - சுரும்பு உற்ற

489 - இணங்கித் தட்பொடு

490 - விடுங்கைக்கு ஒத்த

491 - கொந்தள வோலைகள் ஆட

492 - நகையா லெத்திகள்

493 - எழுகடல் மணலை

494 - தறுகணன் மறலி

495 - இரசபா கொத்தமொழி

496 - இருளும் ஓர்கதிரணு

497 - காவி உடுத்தும்

498 - கோதிக் கோதி

499 - சகசம்பக் குடைசூழ்

500 - சகுட முந்தும்

501 - சாந்துடனே புழுகு

502 - சுடரனைய திருமேனி

503 - தத்தை மயில்

504 - துத்தி பொற்றன

505 - நாடா பிறப்பு

506 - நாலு சதுரத்த பஞ்ச

507 - நீலக் குழலார்

508 - பனி போலத் துளி

509 - மகரமொடுறு குழை

510 - மச்ச மெச்சு

511 - மதிய மண்குண

512 - மருவு கடல்முகில்

513 - மனமே உனக்குறுதி

514 - முத்த மோகன

515 - பரமகுரு நாத
 

1

send corrections and suggestions to admin-at-sivaya.org
This page was last modified on Tue, 27 Jan 2026 00:59:48 +0000