This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  

462   சிதம்பரம் திருப்புகழ் ( - வாரியார் # 630 )
திருடிகள் இணக்கி
முன் திருப்புகழ்   அடுத்த திருப்புகழ்

தனதன தனத்தத் தந்த தந்தன      தனதன தனத்தத் தந்த தந்தன           தனதன தனத்தத் தந்த தந்தன ...... தனதான

திருடிக ளிணக்கிச் சம்ப ளம்பறி      நடுவிகள் மயக்கிச் சங்க முண்கிகள்           சிதடிகள் முலைக்கச் சும்பல் கண்டிகள் ...... சதிகாரர் செவிடிகள் மதப்பட் டுங்கு குண்டிகள்      அசடிகள் பிணக்கிட் டும்பு றம்பிகள்           செழுமிக ளழைத்திச் சங்கொ ளுஞ்செயர் ...... வெகுமோகக் குருடிகள் நகைத்திட் டம்பு லம்புக      ளுதடிகள் கணக்கிட் டும்பி ணங்கிகள்           குசலிகள் மருத்திட் டுங்கொ டுங்குணர் ...... விழியாலே கொளுவிகள் மினுக்குச் சங்கி ரங்கிகள்      நடனமு நடித்திட் டொங்கு சண்டிகள்           குணமதில் முழுச்சுத் தசங்க்ய சங்கிக ...... ளுறவாமோ இருடிய ரினத்துற் றும்ப தங்கொளு      மறையவ னிலத்தொக் குஞ்சு கம்பெறு           மிமையவ ரினக்கட் டுங்கு லைந்திட ...... வருசூரர் இபமொடு வெதித்தச் சிங்க மும்பல      இரதமொ டெதத்திக் கும்பி ளந்திட           இவுளியி ரதத்துற் றங்க மங்கிட ...... விடும்வேலா அரிகரி யுரித்திட் டங்க சன்புர      மெரிதர நகைத்துப் பங்க யன்சிர           மளவொடு மறுத்துப் பண்ட ணிந்தவ ...... ரருள்கோனே அமரர்த மகட்கிட் டம்பு ரிந்துநல்      குறவர்த மகட்பக் கஞ்சி றந்துற           அழகிய திருச்சிற் றம்ப லம்புகு ...... பெருமாளே.

திருடிகள் இணக்கிச் சம்பளம் பறி நடுவிகள் மயக்கிச் சங்க(ம்) உண்கிகள் சிதடிகள் முலைக் கச்சு உம்பல் கண்டிகள் சதி காரர் செவிடிகள் மதப்பட்டு உங்கு(ம்) குண்டிகள் அசடிகள் பிணக்கிட்டும் புறம்பிகள் செழுமிகள் அழைத்து இச்சம் கொ(ள்)ளும் செ(ய்)யர் வெகு மோகக் குருடிகள் நகைத்து இட்டம் புலம்பு கள் உதடிகள் கணக்கிட்டும் பிணங்கிகள் குசலிகள் மருத்து இட்டும் கொடும் குணர் விழியாலே கொளுவிகள் மினுக்குச் சங்கு இரங்கிகள் நடனமு(ம்) நடித்திட்டு ஒங்கு சண்டிகள் குணம் அதில் முழுச் சுத்த அசங்க்ய சங்கிகள் உறவு ஆமோ இருடியர் இனத்து உற்று உம் பதம் கொ(ள்)ளும் மறையவன் நிலத் தொக்கும் சுகம் பெறும் இமையவர் இனக் கட்டும் குலைந்திட வரு சூரர் இபமொடு வெதித்தச் சிங்கமும் பல இரதமொடு எ(ந்)தத் திக்கும் பிளந்திட இவுளி இரதத்து உற்று அங்க(ம்) மங்கிட விடும் வேலா அரி கரி உரித்திட்டு அங்கசன் புரம் எரிதர நகைத்துப் பங்கயன் சிரம் அளவொடும் அறுத்துப் பண்டு அணிந்தவர் அருள் கோவே அமரர் த(ம்) மகட்கு இட்டம் புரிந்து நல் குறவர் த(ம்) மகள் பக்கம் சிறந்து உற அழகிய திருச் சிற்றம்பலம் புகு பெருமாளே.

(வந்தவர்கள் பணத்தைத்) திருடுவோர். தம் விருப்பப்படி கைப்பொருளைப் பறிக்கும் நீதி பூண்டவர்கள். மயங்க வைத்துக் கலவி செய்பவர்கள். அறிவிலர். கச்சு அணிந்த மலை போன்ற மார்பகங்களைக் கொண்டவர்கள். கண்டித்துப் பேசுபவர்கள். எப்போதும் சதி செய்பவர்கள். (வேண்டுமென) காது கேளாதவர்கள் போல் நடிப்பவர்கள். அகங்காரம் கொண்டு உங்கார ஒலியை எழுப்பும் இழிந்தவர். முட்டாள்கள். ஊடல் செய்துகொண்டு ஒழுக்கத்துக்குப் புறம்பானவர்கள். செழிப்பான அழகு கொண்டவர்கள். வருபவர்களை அழைத்து தமது இச்சையை நிறைவேற்றிக் கொள்ளும் செயல் திறத்தைக் கொண்டவர்கள். மிக்க காமம் பூண்ட குருடிகள். சிரித்துக் கொண்டே தமது விருப்பத்தை வெளியிடும், கள்ளுண்ட உதட்டினர். (பெற்ற பொருளைக்) கணக்குப் பார்த்துப் பார்த்து பிணக்கம் கொள்ளுபவர்கள். தந்திரவாதிகள். (வருபவரின் உணவில்) மருந்து வைத்து மயக்கும் கொடிய குணம் படைத்தவர்கள். கண்களால் (தம் பக்கம்) இழுத்துக் கொள்ளுபவர்கள். நடனம் செய்து விளங்கும் பிடிவாத குணம் படைத்தவர்கள். குணத்தைப் பற்றிக் கூறுங்கால், முழுமையும் கணக்கற்ற பேர்களுடன் சம்பந்தம் உடையவர்கள் (ஆகிய விலைமாதர்களின்) இணக்கம் நல்லதோ? ரிஷிகள் இனத்தோர் கூட்டமும், உமது பதவியில் இருக்கும் பிரமன் படைத்த மண்ணுள்ளோர் கூட்டமும், சுகம் பெற்றிருந்த தேவர் கூட்ட மிகுதியும் நிலை குலையும்படி வந்த சூரர்கள், அவர்களுடைய யானைக் கூட்டங்களோடு, வேறுபட்ட சிங்கங்களும், பல தேர்களும் எந்தத் திக்கும் பிளவு உண்டு அழிய, குதிரைகள் பூட்டப்பட்ட தேரில் உள்ள உடல்கள் நாசம் அடைய வேலைச் செலுத்தியவனே, சிங்கத்தையும் யானையையும் தோலை உரித்து, மன்மதனையும் திரி புரங்களையும் எரிபட்டு அழியச் சிரித்து, பிரமனுடைய (ஐந்து) தலைகளில் ஒன்றை ஒரு கணக்காக அறுத்து முன்பு பிரம கபாலத்தை அணிந்தவராகிய சிவபெருமான் தந்தருளிய தலைவனே, தேவர்களின் மகளான தேவயானையிடம் விருப்பத்தைக் காட்டி, குறப் பெண்ணாகிய வள்ளி (உனது) வலப் புறத்தில் சிறப்புற்று வீற்றிருக்க, அழகிய சிதம்பரத்தில் புக்கு விளங்கும் பெருமாளே.

Add (additional) Audio/Video Link

திருடிகள் இணக்கிச் சம்பளம் பறி நடுவிகள் மயக்கிச் சங்க(ம்) உண்கிகள் ... (வந்தவர்கள் பணத்தைத்) திருடுவோர். தம் விருப்பப்படி கைப்பொருளைப் பறிக்கும் நீதி பூண்டவர்கள். மயங்க வைத்துக் கலவி செய்பவர்கள். சிதடிகள் முலைக் கச்சு உம்பல் கண்டிகள் சதி காரர் செவிடிகள் மதப்பட்டு உங்கு(ம்) குண்டிகள் ... அறிவிலர். கச்சு அணிந்த மலை போன்ற மார்பகங்களைக் கொண்டவர்கள். கண்டித்துப் பேசுபவர்கள். எப்போதும் சதி செய்பவர்கள். (வேண்டுமென) காது கேளாதவர்கள் போல் நடிப்பவர்கள். அகங்காரம் கொண்டு உங்கார ஒலியை எழுப்பும் இழிந்தவர். அசடிகள் பிணக்கிட்டும் புறம்பிகள் செழுமிகள் அழைத்து இச்சம் கொ(ள்)ளும் செ(ய்)யர் வெகு மோகக் குருடிகள் ... முட்டாள்கள். ஊடல் செய்துகொண்டு ஒழுக்கத்துக்குப் புறம்பானவர்கள். செழிப்பான அழகு கொண்டவர்கள். வருபவர்களை அழைத்து தமது இச்சையை நிறைவேற்றிக் கொள்ளும் செயல் திறத்தைக் கொண்டவர்கள். மிக்க காமம் பூண்ட குருடிகள். நகைத்து இட்டம் புலம்பு கள் உதடிகள் கணக்கிட்டும் பிணங்கிகள் குசலிகள் மருத்து இட்டும் கொடும் குணர் விழியாலே கொளுவிகள் ... சிரித்துக் கொண்டே தமது விருப்பத்தை வெளியிடும், கள்ளுண்ட உதட்டினர். (பெற்ற பொருளைக்) கணக்குப் பார்த்துப் பார்த்து பிணக்கம் கொள்ளுபவர்கள். தந்திரவாதிகள். (வருபவரின் உணவில்) மருந்து வைத்து மயக்கும் கொடிய குணம் படைத்தவர்கள். கண்களால் (தம் பக்கம்) இழுத்துக் கொள்ளுபவர்கள். மினுக்குச் சங்கு இரங்கிகள் நடனமு(ம்) நடித்திட்டு ஒங்கு சண்டிகள் குணம் அதில் முழுச் சுத்த அசங்க்ய சங்கிகள் உறவு ஆமோ ... நடனம் செய்து விளங்கும் பிடிவாத குணம் படைத்தவர்கள். குணத்தைப் பற்றிக் கூறுங்கால், முழுமையும் கணக்கற்ற பேர்களுடன் சம்பந்தம் உடையவர்கள் (ஆகிய விலைமாதர்களின்) இணக்கம் நல்லதோ? இருடியர் இனத்து உற்று உம் பதம் கொ(ள்)ளும் மறையவன் நிலத் தொக்கும் சுகம் பெறும் இமையவர் இனக் கட்டும் குலைந்திட வரு சூரர் ... ரிஷிகள் இனத்தோர் கூட்டமும், உமது பதவியில் இருக்கும் பிரமன் படைத்த மண்ணுள்ளோர் கூட்டமும், சுகம் பெற்றிருந்த தேவர் கூட்ட மிகுதியும் நிலை குலையும்படி வந்த சூரர்கள், இபமொடு வெதித்தச் சிங்கமும் பல இரதமொடு எ(ந்)தத் திக்கும் பிளந்திட இவுளி இரதத்து உற்று அங்க(ம்) மங்கிட விடும் வேலா ... அவர்களுடைய யானைக் கூட்டங்களோடு, வேறுபட்ட சிங்கங்களும், பல தேர்களும் எந்தத் திக்கும் பிளவு உண்டு அழிய, குதிரைகள் பூட்டப்பட்ட தேரில் உள்ள உடல்கள் நாசம் அடைய வேலைச் செலுத்தியவனே, அரி கரி உரித்திட்டு அங்கசன் புரம் எரிதர நகைத்துப் பங்கயன் சிரம் அளவொடும் அறுத்துப் பண்டு அணிந்தவர் அருள் கோவே ... சிங்கத்தையும் யானையையும் தோலை உரித்து, மன்மதனையும் திரி புரங்களையும் எரிபட்டு அழியச் சிரித்து, பிரமனுடைய (ஐந்து) தலைகளில் ஒன்றை ஒரு கணக்காக அறுத்து முன்பு பிரம கபாலத்தை அணிந்தவராகிய சிவபெருமான் தந்தருளிய தலைவனே, அமரர் த(ம்) மகட்கு இட்டம் புரிந்து நல் குறவர் த(ம்) மகள் பக்கம் சிறந்து உற அழகிய திருச் சிற்றம்பலம் புகு பெருமாளே. ... தேவர்களின் மகளான தேவயானையிடம் விருப்பத்தைக் காட்டி, குறப் பெண்ணாகிய வள்ளி (உனது) வலப் புறத்தில் சிறப்புற்று வீற்றிருக்க, அழகிய சிதம்பரத்தில் புக்கு விளங்கும் பெருமாளே.

Similar songs:

462 - திருடிகள் இணக்கி (சிதம்பரம்)

தனதன தனத்தத் தந்த தந்தன
     தனதன தனத்தத் தந்த தந்தன
          தனதன தனத்தத் தந்த தந்தன ...... தனதான

Songs from this thalam சிதம்பரம்

449 - கனகசபை மேவும்

450 - கைத்தருண சோதி

451 - இருவினையின் மதி

452 - குகனே குருபரனே

453 - வண்டையொத்து

454 - கங்குலின் குழல்

455 - கொந்தளம் புழு

456 - மந்தரமென் குவடார்

457 - வந்து வந்துவித்தூறி

458 - கதித்துப் பொங்கலு

459 - சிரித்துச் சங்கொளி

460 - தத்தையென்று

461 - தனத்தில் குங்குமத்தை

462 - திருடிகள் இணக்கி

463 - கொந்தரம் குழல்

464 - தியங்கும் சஞ்சலம்

465 - பருவம் பணை

466 - மதவெம் கரி

467 - முகசந்திர புருவம்

468 - சந்திர வோலை

469 - காய மாய வீடு

470 - அவகுண விரகனை

471 - கட்டி முண்டக

472 - நஞ்சினைப் போலுமன

473 - செம் கலச

474 - கரிய மேகமெனும்

475 - கூந்தலாழ விரிந்து

476 - அத்தன் அன்னை

477 - இருள் காட்டு

478 - முல்லைமலர் போலும்

479 - அடப்பக்கம் பிடித்து

480 - அக்குப் பீளை

481 - ஆரத்தோடு அணி

482 - காதைக் காதி

483 - கொள்ளை ஆசை

484 - தாது மாமலர்

485 - எலுப்புத் தோல்

486 - நீல மாமுகில்

487 - வாத பித்தமொடு

488 - சுரும்பு உற்ற

489 - இணங்கித் தட்பொடு

490 - விடுங்கைக்கு ஒத்த

491 - கொந்தள வோலைகள் ஆட

492 - நகையா லெத்திகள்

493 - எழுகடல் மணலை

494 - தறுகணன் மறலி

495 - இரசபா கொத்தமொழி

496 - இருளும் ஓர்கதிரணு

497 - காவி உடுத்தும்

498 - கோதிக் கோதி

499 - சகசம்பக் குடைசூழ்

500 - சகுட முந்தும்

501 - சாந்துடனே புழுகு

502 - சுடரனைய திருமேனி

503 - தத்தை மயில்

504 - துத்தி பொற்றன

505 - நாடா பிறப்பு

506 - நாலு சதுரத்த பஞ்ச

507 - நீலக் குழலார்

508 - பனி போலத் துளி

509 - மகரமொடுறு குழை

510 - மச்ச மெச்சு

511 - மதிய மண்குண

512 - மருவு கடல்முகில்

513 - மனமே உனக்குறுதி

514 - முத்த மோகன

515 - பரமகுரு நாத

This page was last modified on Fri, 11 Apr 2025 05:32:46 +0000
 

1
	send corrections and suggestions to admin-at-sivaya.org thiruppugazh song lang tamil sequence no 462