This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  

350   காஞ்சீபுரம் திருப்புகழ் ( குருஜி இராகவன் # 440 - வாரியார் # 498 )
வம்பறாச்சில
முன் திருப்புகழ்   அடுத்த திருப்புகழ்

தந்த தாத்தன தன்ன தனந்தன      தத்தத் தத்தத் ...... தனதானா

வம்ப றாச்சில கன்ன மிடுஞ்சம      யத்துக் கத்துத் ...... திரையாளர் வன்க லாத்திரள் தன்னை யகன்றும      னத்திற் பற்றற் ...... றருளாலே தம்ப ராக்கற நின்னை யுணர்ந்துரு      கிப்பொற் பத்மக் ...... கழல்சேர்வார் தங்கு ழாத்தினி லென்னையு மன்பொடு      வைக்கச் சற்றுக் ...... கருதாதோ வெம்ப ராக்ரம மின்னயில் கொண்டொரு      வெற்புப் பொட்டுப் ...... படமாசூர் வென்ற பார்த்திப பன்னிரு திண்புய      வெட்சிச் சித்ரத் ...... திருமார்பா கம்ப ராய்ப்பணி மன்னு புயம்பெறு      கைக்குக் கற்புத் ...... தவறாதே கம்பை யாற்றினி லன்னை தவம்புரி      கச்சிச் சொக்கப் ...... பெருமாளே.

வம்பறாச்சில கன்னமிடும் சமயத்துக் கத்துத் திரையாளர் வன்கலாத்திரள் தன்னை யகன்று மனத்திற் பற்றற்று அருளாலே தம் பராக்கு அற நின்னை யுணர்ந்துருகி பொற் பத்மக் கழல்சேர்வார்தம் குழாத்தினில் என்னையும் அன்பொடு வைக்கச் சற்றுக் கருதாதோ வெம்பராக்ரம மின்னயில் கொண்டு ஒருவெற்புப் பொட்டுப் பட மாசூர் வென்ற பார்த்திப பன்னிரு திண்புய வெட்சிச் சித்ரத் திருமார்பா கம்ப ராய்ப்பணி மன்னு புயம்பெறுகைக்கு கற்புத் தவறாதே கம்பை யாற்றினில் அன்னை தவம்புரி கச்சிச் சொக்கப்பெருமாளே.

வம்பு வார்த்தைகள் நீங்காததும், சில பழைய நூல்களிலிருந்து சொற்களைத் திருடியும், சமயவாதம் செய்து அலைகடல் போல கத்தி ஆரவாரிப்பவரின் வன்மையான கலைக் கூட்டத்தினின்று விலகி, மனத்தில் உள்ள பற்றுக்கள் அனைத்தும் அறப்பெற்று, தம்மைத் தாமே நோக்கியுள்ள அகம்பாவம் அற்றுப்போய், உன்னையே உணர்ந்து உள்ளம் உருகி, அழகிய தாமரை மலரன்ன அடிகளைச் சேர்பவர்களுடைய கூட்டத்தினில் அடியேனையும் அன்போடு கூட்டிவைக்க உன் திருவுள்ளத்தில் சற்று நினைக்கலாகாதோ? வெப்பமான ஆற்றலும், ஒளியும் மிக்க வேலாயுதத்தைக் கொண்டு ஒப்பற்ற கிரெளஞ்சமலை பொடிபடும்படிச் செய்து, மாமரமாய் நின்ற சூரனை வென்ற அரசே, வலிமை மிக்க பன்னிரண்டு தோள்களை உடையவனே, வெட்சிமாலையை அணிந்த அழகிய திருமார்பனே, ஏகாம்பரேஸ்வரராய் விளங்கும் சிவபிரானின் பாம்புகள் நிலைத்துள்ள தோள்களைத் தழுவும் பொருட்டு, கற்பு நிலை தவறாமல், கம்பா நதிக்கரையில் காமாக்ஷி அம்மை தவம் செய்திருந்த கச்சி என்ற காஞ்சீபுரத்தில் அழகாக வீற்றிருக்கும் பெருமாளே.

Audio/Video Link(s)

Add (additional) Audio/Video Link

வம்பறாச்சில கன்னமிடும் ... வம்பு வார்த்தைகள் நீங்காததும், சில பழைய நூல்களிலிருந்து சொற்களைத் திருடியும், சமயத்துக் கத்துத் திரையாளர் ... சமயவாதம் செய்து அலைகடல் போல கத்தி ஆரவாரிப்பவரின் வன்கலாத்திரள் தன்னை யகன்று ... வன்மையான கலைக் கூட்டத்தினின்று விலகி, மனத்திற் பற்றற்று அருளாலே ... மனத்தில் உள்ள பற்றுக்கள் அனைத்தும் அறப்பெற்று, தம் பராக்கு அற ... தம்மைத் தாமே நோக்கியுள்ள அகம்பாவம் அற்றுப்போய், நின்னை யுணர்ந்துருகி ... உன்னையே உணர்ந்து உள்ளம் உருகி, பொற் பத்மக் கழல்சேர்வார்தம் ... அழகிய தாமரை மலரன்ன அடிகளைச் சேர்பவர்களுடைய குழாத்தினில் என்னையும் அன்பொடு ... கூட்டத்தினில் அடியேனையும் அன்போடு வைக்கச் சற்றுக் கருதாதோ ... கூட்டிவைக்க உன் திருவுள்ளத்தில் சற்று நினைக்கலாகாதோ? வெம்பராக்ரம மின்னயில் கொண்டு ... வெப்பமான ஆற்றலும், ஒளியும் மிக்க வேலாயுதத்தைக் கொண்டு ஒருவெற்புப் பொட்டுப் பட ... ஒப்பற்ற கிரெளஞ்சமலை பொடிபடும்படிச் செய்து, மாசூர் வென்ற பார்த்திப ... மாமரமாய் நின்ற சூரனை வென்ற அரசே, பன்னிரு திண்புய ... வலிமை மிக்க பன்னிரண்டு தோள்களை உடையவனே, வெட்சிச் சித்ரத் திருமார்பா ... வெட்சிமாலையை அணிந்த அழகிய திருமார்பனே, கம்ப ராய்ப்பணி மன்னு புயம்பெறுகைக்கு ... ஏகாம்பரேஸ்வரராய் விளங்கும் சிவபிரானின் பாம்புகள் நிலைத்துள்ள தோள்களைத் தழுவும் பொருட்டு, கற்புத் தவறாதே ... கற்பு நிலை தவறாமல், கம்பை யாற்றினில் அன்னை தவம்புரி ... கம்பா நதிக்கரையில் காமாக்ஷி அம்மை தவம் செய்திருந்த கச்சிச் சொக்கப்பெருமாளே. ... கச்சி என்ற காஞ்சீபுரத்தில் அழகாக வீற்றிருக்கும் பெருமாளே.

Similar songs:

350 - வம்பறாச்சில (காஞ்சீபுரம்)

தந்த தாத்தன தன்ன தனந்தன
     தத்தத் தத்தத் ...... தனதானா

Songs from this thalam காஞ்சீபுரம்

309 - அதி மதம் கக்க

310 - கனக தம்பத்தை

311 - செடியுடம் பத்தி

312 - கன க்ரவுஞ்சத்தில்

313 - தெரியல் அம் செச்சை

314 - புன மடந்தைக்கு

315 - கறை இலங்கும்

316 - செறிதரும் செப்பத்து

317 - அரி அயன் புட்பி

318 - கனி தரும் கொக்கு

319 - தசைதுறுந் தொக்கு

320 - புரைபடுஞ் செற்ற

321 - சலமலம் விட்ட

322 - தலை வலையத்து

323 - இதத்துப் பற்றி

324 - எனக்குச்சற்று

325 - இறைச்சிப் பற்று

326 - கடத்தைப் பற்று

327 - கருப் பற்றிப் பருத்து

328 - கறுக்கப் பற்று

329 - அற்றைக்கு இரைதேடி

330 - முட்டுப் பட்டு

331 - அற்றைக் கற்றை

332 - சுத்தச் சித்த

333 - கொக்குக்கு ஒக்க

334 - தத்தித் தத்தி

335 - பொக்குப்பை

336 - அயில் அப்பு

337 - கச்சு இட்ட அணி

338 - கமலரு சோகம்

339 - கருமமான பிறப்பற

340 - கலகலென

341 - கொத்தார் பற் கால்

342 - கோவைச் சுத்த

343 - சீசி முப்புர

344 - நச்சு அரவம் என்று

345 - படிறொழுக்கமும்

346 - மகுடக் கொப்பாட

347 - மக்கட்குக் கூற

348 - மயல் ஓதும்

349 - முத்து ரத்ந சூத்ர

350 - வம்பறாச்சில

351 - வாய்ந்தப்பிடை

352 - அறிவிலாப் பித்தர்

This page was last modified on Fri, 11 Apr 2025 05:32:46 +0000
 

1
	send corrections and suggestions to admin-at-sivaya.org thiruppugazh song lang tamil sequence no 350