This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.076   சுந்தரமூர்த்தி சுவாமிகள்   திருப்பாட்டு திருவாஞ்சியம் - பியந்தைக்காந்தாரம் கரகரப்பிரியா நவரோசு கன்னடகௌலா ராகத்தில் திருமுறை அருள்தரு வாழவந்தநாயகி உடனுறை அருள்மிகு சுகவாஞ்சிநாதர் திருவடிகள் போற்றி

https://www.youtube.com/watch?v=1UqbekXfyC4   Add audio link

பொருவ னார்புரி நூலர் புணர்முலை உமையவ ளோடு மருவ னார்மரு வார்பால் வருவதும் இல்லைநம் மடிகள் திருவ னார்பணிந் தேத்துந் திகழ்திரு வாஞ்சியத் துறையும் ஒருவனார் அடி யாரை ஊழ்வினை நலியஒட் டாரே	1
தொறுவில் ஆன்இள ஏறு துண்ணென இடிகுரல் வெருவிச் செறுவில் வாளைகள் ஓடச் செங்கயல் பங்கயத் தொதுங்கக் கறுவி லாமனத் தார்கள் காண்தகு வாஞ்சியத் தடிகள் மறுவி லாதவெண் ணீறு பூசுதல் மன்னும்ஒன் றுடைத்தே	2
தூர்த்தர் மூவெயில் எய்து சுடுநுனைப் பகழிய தொன்றால் பார்த்த னார்திரள் தோள்மேற் பல்நுனைப் பகழிகள் பாய்ச்சித் தீர்த்த மாமலர்ப் பொய்கைத் திகழ்திரு வாஞ்சியத் தடிகள் சாத்து மாமணிக் கச்சங் கொருதலை பலதலை யுடைத்தே	3
சள்ளை வெள்ளையங் குருகு தானது வாமெனக் கருதி வள்ளை வெண்மலர் அஞ்சி மறுகிஓர் வாளையின் வாயில் துள்ளு தெள்ளுநீர்ப் பொய்கைத் துறைமல்கு வாஞ்சியத் தடிகள் வெள்ளை நுண்பொடிப் பூசும் விகிர்தம்ஒன் றொழிகிலர் தாமே	4
மைகொள் கண்டர்எண் தோளர் மலைமக ளுடனுறை வாழ்க்கைக் கொய்த கூவிள மாலை குலவிய சடைமுடிக் குழகர் கைதை நெய்தலங் கழனி கமழ்புகழ் வாஞ்சியத் தடிகள் பைதல் வெண்பிறை யோடு பாம்புடன் வைப்பது பரிசே	5
Go to top
கரந்தை கூவிள மாலை கடிமலர்க் கொன்றையுஞ் சூடிப் பரந்த பாரிடஞ் சூழ வருவர்நம் பரமர்தம் பரிசால் திருந்து மாடங்கள் நீடு திகழ்தரு வாஞ்சியத் துறையும் மருந்த னார்அடி யாரை வல்வினை நலியஒட் டாரே	6
அருவி பாய்தரு கழனி அலர்தரு குவளையங் கண்ணார் குருவி யாய்கிளி சேர்ப்பக் குருகினம் இரிதரு கிடங்கில் பருவ ரால்குதி கொள்ளும் பைம்பொழில் வாஞ்சியத் துறையும் இருவ ரால்அறி யொண்ணா இறைவன தறைகழல் சரணே	7
களங்க ளார்தரு கழனி அளிதரக் களிதரு வண்டு உளங்க ளார்கலிப் பாடல் உம்பரில் ஒலித்திடுங் காட்சி குளங்க ளால்நிழற் கீழ்நற் குயில்பயில் வாஞ்சியத் தடிகள் விளங்கு தாமரைப் பாதம் நினைப்பவர் வினைநலி விலரே	8
வாழை யின்கனி தானும் மதுவிம்மு வருக்கையின் சுளையும் கூழை வானரந் தம்மிற் கூறிது சிறிதெனக் குழறித் தாழை வாழையந் தண்டாற் செருச்செய்து தருக்குவாஞ் சியத்துள் ஏழை பாகனை யல்லால் இறையெனக் கருதுதல் இலமே	9
செந்நெ லங்கலங் கழனித் திகழ்திரு வாஞ்சியத் துறையு மின்ன லங்கலஞ் சடையெம் மிறைவன தறைகழல் பரவும் பொன்ன லங்கல்நன் மாடப் பொழிலணி நாவல்ஆ ரூரன் பன்ன லங்கனன் மாலை பாடுமின் பத்தரு ளீரே	10
Go to top

Thevaaram Link  - Shaivam Link
Other song(s) from this location: திருவாஞ்சியம்

2.007   திருஞானசம்பந்த சுவாமிகள்   திருக்கடைக்காப்பு   வன்னி கொன்றை மதமத்தம் எருக்கொடு Tune - இந்தளம்   (திருவாஞ்சியம் வாஞ்சியநாதர் வாழவந்தநாயகியம்மை)

5.067   திருநாவுக்கரசர்   தேவாரம்   படையும் பூதமும் பாம்பும் புல்வாய் Tune - திருக்குறுந்தொகை   (திருவாஞ்சியம் வாஞ்சியநாதர் வாழவந்தநாயகியம்மை)

7.076   சுந்தரமூர்த்தி சுவாமிகள்   திருப்பாட்டு   பொருவனார்; புரிநூலர்; புணர் முலை Tune - பியந்தைக்காந்தாரம்   (திருவாஞ்சியம் சுகவாஞ்சிநாதர் வாழவந்தநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.076