This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.075   சுந்தரமூர்த்தி சுவாமிகள்   திருப்பாட்டு திருவானைக்கா - காந்தாரம் லதாங்கி நவரோசு கனநப்ரியா ராகத்தில் திருமுறை அருள்தரு அகிலாண்டநாயகியம்மை உடனுறை அருள்மிகு சம்புகேசுவரர் திருவடிகள் போற்றி

https://www.youtube.com/watch?v=CRFY6t5JXpA   Add audio link

மறைக ளாயின நான்கும் மற்றுள பொருள்களும் எல்லாத் துறையும் தோத்திரத் திறையும் தொன்மையும் நன்மையும் ஆய அறையும் பூம்புனல் ஆனைக் காவுடை ஆதியை நாளும் இறைவன் என்றடி சேர்வார் எம்மையும் ஆளுடை யாரே	1
வங்கம் மேவிய வேலை நஞ்செழ வஞ்சர்கள் கூடித் தங்கள் மேல்அட ராமை உண்ணென உண்டிருள் கண்டன் அங்கம் ஓதிய ஆனைக் காவுடை ஆதியை நாளும் எங்கள் ஈசன்என் பார்கள் எம்மையும் ஆளுடை யாரே	2
நீல வண்டறை கொன்றை நேரிழை மங்கை ஓர்திங்கள் சால வாள்அர வங்கள் தங்கிய செஞ்சடை எந்தை ஆல நீழலுள் ஆனைக் காவுடை ஆதியை நாளும் ஏலு மாறுவல் லார்கள் எம்மையும் ஆளுடை யாரே	3
தந்தை தாய்உல குக்கோர் தத்துவன் மெய்த்தவத் தோர்க்குப் பந்த மாயின பெருமான் பரிசுடை யவர்திரு வடிகள் அந்தண் பூம்புனல் ஆனைக் காவுடை ஆதியை நாளும் எந்தை என்றடி சேர்வார் எம்மையும் ஆளுடை யாரே	4
கணைசெந் தீஅர வம்நாண் கல்வளை யுஞ்சிலை யாகத் துணைசெ யும்மதில் மூன்றுஞ் சுட்டவ னேயுல குய்ய அணையும் பூம்புனல் ஆனைக் காவுடை ஆதியை நாளும் இணைகொள் சேவடி சேர்வார் எம்மையும் ஆளுடை யாரே	5
Go to top
விண்ணின் மாமதி சூடி விலையிலி கலனணி விமலன் பண்ணின் நேர்மொழி மங்கை பங்கினன் பசுவுகந் தேறி அண்ண லாகிய ஆனைக் காவுடை ஆதியை நாளும் எண்ணு மாறுவல் லார்கள் எம்மையும் ஆளுடை யாரே	6
தார மாகிய பொன்னித் தண்டுறை ஆடி விழுத்து நீரில் நின்றடி போற்றி நின்மலா கொள்ளென ஆங்கே ஆரங் கொண்டஎம் ஆனைக் காவுடை ஆதியை நாளும் ஈரம் உள்ளவர் நாளும் எம்மையும் ஆளுடை யாரே	7
உரவம் உள்ளதொர் உழையின் உரிபுலி யதள்உடை யானை விரைகொள் கொன்றையி னானை விரிசடை மேற்பிறை யானை அரவம் வீக்கிய ஆனைக் காவுடை ஆதியை நாளும் இரவும் எல்லியும் ஏத்து வார்எம்மை ஆளுடை யாரே	8
வலங்கொள் வாரவர் தங்கள் வல்வினை தீர்க்கு மருந்து கலங்கக் காலனைக் காலாற் காமனைக் கண்சிவப் பானை அலங்கல் நீர்பொரும் ஆனைக் காவுடை ஆதியை நாளும் இலங்கு சேவடி சேர்வார் எம்மையும் ஆளுடை யாரே	9
ஆழி யாற்கருள் ஆனைக் காவுடை ஆதிபொன் னடியின் நீழ லேசர ணாக நின்றருள் கூர நினைந்து வாழ வல்லவன் றொண்டன் வண்டமிழ் மாலைவல் லார்போய் ஏழு மாபிறப் பற்று எம்மையும் ஆளுடை யாரே	10
Go to top

Thevaaram Link  - Shaivam Link
Other song(s) from this location: திருவானைக்கா

2.023   திருஞானசம்பந்த சுவாமிகள்   திருக்கடைக்காப்பு   மழை ஆர் மிடறா! மழுவாள் Tune - இந்தளம்   (திருவானைக்கா சம்புகேசுவரர் அகிலாண்டநாயகியம்மை)

3.053   திருஞானசம்பந்த சுவாமிகள்   திருக்கடைக்காப்பு   வானைக் காவல் வெண்மதி மல்கு Tune - கௌசிகம்   (திருவானைக்கா சம்புகேசுவரர் அகிலாண்டநாயகியம்மை)

3.109   திருஞானசம்பந்த சுவாமிகள்   திருக்கடைக்காப்பு   மண் அது உண்ட(அ)ரி மலரோன் Tune - பழம்பஞ்சுரம்   (திருவானைக்கா )

5.031   திருநாவுக்கரசர்   தேவாரம்   கோனைக் காவிக் குளிர்ந்த மனத்தராய்த் Tune - திருக்குறுந்தொகை   (திருவானைக்கா சம்புகேசுவரர் அகிலாண்டநாயகியம்மை)

6.062   திருநாவுக்கரசர்   தேவாரம்   எத் தாயர், எத் தந்தை, Tune - திருத்தாண்டகம்   (திருவானைக்கா சம்புகேசுவரர் அகிலாண்டநாயகியம்மை)

6.063   திருநாவுக்கரசர்   தேவாரம்   முன் ஆனைத்தோல் போர்த்த மூர்த்தி Tune - திருத்தாண்டகம்   (திருவானைக்கா சம்புகேசுவரர் அகிலாண்டநாயகியம்மை)

7.075   சுந்தரமூர்த்தி சுவாமிகள்   திருப்பாட்டு   மறைகள் ஆயின நான்கும், மற்று Tune - காந்தாரம்   (திருவானைக்கா சம்புகேசுவரர் அகிலாண்டநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.075