This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

7.052   சுந்தரமூர்த்தி சுவாமிகள்   திருப்பாட்டு திருவாலங்காடு (பழையனூர்) - பழம்பஞ்சுரம் யாகப்பிரியா சங்கராபரணம் கலஹம்சா ராகத்தில் திருமுறை அருள்தரு வண்டார்குழலியம்மை உடனுறை அருள்மிகு ஊர்த்துவதாண்டவேசுவரர் திருவடிகள் போற்றி

https://www.youtube.com/watch?v=mb5NfyLtknA   Add audio link

முத்தா முத்தி தரவல்ல முகிழ்மென் முலையாள் உமைபங்கா சித்தா சித்தித் திறங்காட்டுஞ் சிவனே தேவர் சிங்கமே பத்தா பத்தர் பலர்போற்றும் பரமா பழைய னூர்மேய அத்தா ஆலங் காடாஉன் னடியார்க் கடியேன் ஆவேனே.	1
பொய்யே செய்து புறம்புறமே திரிவேன் றன்னைப் போகாமே மெய்யே வந்திங் கெனையாண்ட மெய்யா மெய்யர் மெய்ப்பொருளே பையா டரவம் அரைக்கசைத்த பரமா பழைய னூர்மேய ஐயா ஆலங் காடாஉன் னடியார்க் கடியேன் ஆவேனே.	2
தூண்டா விளக்கின் நற்சோதீ தொழுவார் தங்கள் துயர்தீர்ப்பாய் பூண்டாய் எலும்பைப் புரம்மூன்றும் பொடியாச் செற்ற புண்ணியனே பாண்டாழ் வினைக ளவைதீர்க்கும் பரமா பழைய னூர்மேய ஆண்டா ஆலங் காடாஉன் னடியார்க் கடியேன் ஆவேனே.	3
மறிநே ரொண்கண் மடநல்லார் வலையிற் பட்டு மதிமயங்கி அறிவே யழிந்தேன் ஐயாநான் மையார் கண்ட முடையானே பறியா வினைக ளவைதீர்க்கும் பரமா பழைய னூர்மேய அறிவே யாலங் காடாஉன் னடியார்க் கடியேன் ஆவேனே.	4
வேலங் காடு தடங்கண்ணார் வலையுட் பட்டுன் நெறிமறந்து மாலங் காடி மறந்தொழிந்தேன் மணியே முத்தே மரகதமே பாலங் காடீ நெய்யாடீ படர்புன் சடையாய் பழையனூர் ஆலங் காடா உன்னுடைய அடியார்க் கடியேன் ஆவேனே.	5
Go to top
எண்ணார் தங்கள் எயில்எய்த எந்தாய் எந்தை பெருமானே கண்ணாய் உலகங் காக்கின்ற கருத்தா திருத்த லாகாதாய் பண்ணார் இசைக ளவைகொண்டு பலரும் ஏத்தும் பழையனூர் அண்ணா ஆலங் காடாஉன் னடியார்க் கடியேன் ஆவேனே.	6
வண்டார் குழலி உமைநங்கை பங்கா கங்கை மணவாளா விண்டார் புரங்கள் எரிசெய்த விடையாய் வேத நெறியானே பண்டாழ் வினைகள் பலதீர்க்கும் பரமா பழைய னூர்மேய அண்டா ஆலங் காடாஉன் னடியார்க் கடியேன் ஆவேனே.	7
பேழ்வாய் அரவின் அணையானும் பெரிய மலர்மேல் உறைவானும் தாழா துன்றன் சரண்பணியத் தழலாய் நின்ற தத்துவனே பாழாம் வினைக ளவைதீர்க்கும் பரமா பழைய னூர்தன்னை ஆள்வாய் ஆலங் காடாஉன் னடியார்க் கடியேன் ஆவேனே.	8
எம்மான் எந்தை மூத்தப்பன் ஏழேழ் படிகால் எமையாண்ட பெம்மான் ஈமப் புறங்காட்டிற் பேயோ டாடல் புரிவானே பன்மா மலர்க ளவைகொண்டு பலரும் ஏத்தும் பழையனூர் அம்மா ஆலங் காடாஉன் னடியார்க் கடியேன் ஆவேனே.	9
பத்தர் சித்தர் பலர்ஏத்தும் பரமன் பழைய னூர்மேய அத்தன் ஆலங் காடன்றன் அடிமைத் திறமே அன்பாகிச் சித்தர் சித்தம் வைத்தபுகழ்ச் சிறுவன் ஊரன் ஒண்டமிழ்கள் பத்தும் பாடி ஆடுவார் பரமன் னடியே பணிவாரே.	10
Go to top

Thevaaram Link  - Shaivam Link
Other song(s) from this location: திருவாலங்காடு (பழையனூர்)

1.045   திருஞானசம்பந்த சுவாமிகள்   திருக்கடைக்காப்பு   துஞ்ச வருவாரும், தொழுவிப்பாரும், வழுவிப் Tune - தக்கராகம்   (திருவாலங்காடு (பழையனூர்) ஊர்த்ததாண்டவேசுரர் வண்டார்குழலியம்மை)

4.068   திருநாவுக்கரசர்   தேவாரம்   வெள்ள நீர்ச் சடையர் போலும்; Tune - திருநேரிசை   (திருவாலங்காடு (பழையனூர்) ஊர்த்ததாண்டவேசுவரர் வண்டார்குழலியம்மை)

6.078   திருநாவுக்கரசர்   தேவாரம்   ஒன்றா உலகு அனைத்தும் ஆனார் Tune - திருத்தாண்டகம்   (திருவாலங்காடு (பழையனூர்) ஊர்த்ததாண்டவேசுவரர் வண்டார்குழலியம்மை)

7.052   சுந்தரமூர்த்தி சுவாமிகள்   திருப்பாட்டு   முத்தா! முத்தி தர வல்ல Tune - பழம்பஞ்சுரம்   (திருவாலங்காடு (பழையனூர்) ஊர்த்துவதாண்டவேசுவரர் வண்டார்குழலியம்மை)

11.002   காரைக்கால் அம்மையார்    திருஆலங்காட்டு மூத்த திருப்பதிகம்-1   திருஆலங்காட்டு மூத்த திருப்பதிகம் Tune -   (திருவாலங்காடு (பழையனூர்) )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 7.052