This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.084   திருநாவுக்கரசர்   தேவாரம் மேலைத்திருக்காட்டுப்பள்ளி - திருக்குறுந்தொகை அருள்தரு அகிலாண்டநாயகியம்மை உடனுறை அருள்மிகு ஆரணியசுந்தரர் திருவடிகள் போற்றி

https://www.youtube.com/watch?v=Nvcv2kY9x6c   Add audio link

மாட்டுப் பள்ளி மகிழ்ந்துறை வீர்க்கெலாம் கேட்டுப் பள்ளிகண் டீர்கெடு வீரிது ஓட்டுப் பள்ளிவிட் டோட லுறாமுனம் காட்டுப் பள்ளியு ளான்கழல் சேர்மினே.	1
மாட்டைத் தேடி மகிழ்ந்துநீர் நும்முளே நாட்டுப் பொய்யெலாம் பேசிடு நாணிலீர் கூட்டை விட்டுயிர் போவதன் முன்னமே காட்டுப் பள்ளியு ளான்கழல் சேர்மினே.	2
தேனை வென்றசொல் லாளொடு செல்வமும் ஊனை விட்டுயிர் போவதன் முன்னமே கான வேடர் கருதுங்காட் டுப்பள்ளி ஞான நாயக னைச்சென்று நண்ணுமே.	3
அருத்த மும்மனை யாளொடு மக்களும் பொருத்த மில்லைபொல் லாதது போக்கிடும் கருத்தன் கண்ணுத லண்ணல்காட் டுப்பள்ளித் திருத்தன் சேவடி யைச்சென்று சேர்மினே.	4
சுற்ற முந்துணை யும்மனை வாழ்க்கையும் அற்ற போதணை யாரவ ரென்றென்றே கற்ற வர்கள் கருதுங்காட் டுப்பள்ளிப் பெற்ற மேறும் பிரானடி சேர்மினே.	5
Go to top
அடும்புங் கொன்றையும் வன்னியும் மத்தமும் துடும்பல் செய்சடைத் தூமணிச் சோதியான் கடம்பன் தாதை கருதுங்காட் டுப்பள்ளி உடம்பி னார்க்கோர் உறுதுணை யாகுமே.	6
மெய்யின் மாசுடை யாருடல் மூடுவார் பொய்யை மெய்யென்று புக்குடன் வீழன்மின் கையின் மானுடை யான்காட்டுப் பள்ளியெம் ஐயன் தன்னடி யேயடைந் துய்ம்மினே.	7
வேலை வென்றகண் ணாரை விரும்பிநீர் சீலங் கெட்டுத் திகையன்மின் பேதைகாள் காலையேதொழுங் காட்டுப்பள் ளிய்யுறை நீல கண்டனை நித்தல் நினைமினே.	8
இன்று ளார்நாளை யில்லை யெனும்பொருள் ஒன்றும் ஓரா துழிதரு மூமர்காள் அன்று வானவர்க் காக விடமுண்ட கண்ட னார்காட்டுப் பள்ளிகண் டுய்ம்மினே.	9
எண்ணி லாஅரக் கன்மலை யேந்திட எண்ணி நீண்முடி பத்து மிறுத்தவன் கண்ணு ளார்கரு துங்காட்டுப் பள்ளியை நண்ணு வாரவர் தம்வினை நாசமே.	10
Go to top

Thevaaram Link  - Shaivam Link
Other song(s) from this location: மேலைத்திருக்காட்டுப்பள்ளி

3.029   திருஞானசம்பந்த சுவாமிகள்   திருக்கடைக்காப்பு   வாரு மன்னும் முலை மங்கை Tune - கொல்லி   (மேலைத்திருக்காட்டுப்பள்ளி தீயாடியப்பர் வார்கொண்டமுலையம்மை)

5.084   திருநாவுக்கரசர்   தேவாரம்   மாட்டுப் பள்ளி மகிழ்ந்து உறைவீர்க்கு Tune - திருக்குறுந்தொகை   (மேலைத்திருக்காட்டுப்பள்ளி ஆரணியசுந்தரர் அகிலாண்டநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.084