This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.063   திருநாவுக்கரசர்   தேவாரம் திருத்தென்குரங்காடுதுறை - திருக்குறுந்தொகை அருள்தரு அழகுசடைமுடியம்மை உடனுறை அருள்மிகு குலைவணங்குநாதர் திருவடிகள் போற்றி

https://www.youtube.com/watch?v=HwPVfvSDzSI   Add audio link

இரங்கா வன்மனத் தார்க ளியங்குமுப் புரங்கா வல்அழி யப்பொடி யாக்கினான் தரங்கா டுந்தட நீர்ப்பொன்னித் தென்கரைக் குரங்காடு துறைக் கோலக்க பாலியே.	1
முத்தி னைமணி யைப்பவ ளத்தொளிர் தொத்தி னைச்சுடர்ச் சோதியைச் சோலைசூழ் கொத்த லர்குரங் காடு துறையுறை அத்த னென்னஅண் ணித்திட்டிருந்ததே.	2
குளிர்பு னற்குரங் காடுது றையனைத் தளிர்நி றத்தையல் பங்கனைத் தண்மதி ஒளிய னைந்நினைந் தேனுக்கென் னுள்ளமும் தெளிவி னைத்தெளி யத்தெளிந் திட்டதே.	3
மணவன் காண்மலை யாள்நெடு மங்கலக் கணவன் காண்கலை ஞானிகள் காதலெண் குணவன் காண்குரங் காடுதுறைதனில் அணவன் காண்அன்பு செய்யு மடியர்க்கே.	4
ஞாலத் தார்தொழு தேத்திய நன்மையன் காலத் தான்உயிர் போக்கிய காலினன் நீலத் தார்மிடற் றான்வெள்ளை நீறணி கோலத் தான்குரங் காடு துறையனே.	5
Go to top
ஆட்டி னான்முன் அமணரோ டென்றனைப் பாட்டி னான்றன பொன்னடிக் கின்னிசை வீட்டி னான்வினை மெய்யடி யாரொடும் கூட்டி னான்குரங் காடு துறையனே.	6
மாத்தன் தான்மறை யார்முறை யான்மறை ஓத்தன் தாரகன் றன்னுயி ருண்டபெண் போத்தன் தானவன் பொங்கு சினந்தணி கூத்தன் தான்குரங் காடு துறையனே.	7
நாடி நந்தம ராயின தொண்டர்காள் ஆடு மின்அழு மின்தொழு மின்னடி பாடு மின்பர மன்பயி லும்மிடம் கூடு மின்குரங் காடு துறையையே.	8
தென்றல் நன்னெடுந் தேருடை யானுடல் பொன்ற வெங்கனல் பொங்க விழித்தவன் அன்ற வந்தக னைஅயிற் சூலத்தால் கொன்ற வன்குரங் காடு துறையனே.	9
நற்ற வம்செய்த நால்வர்க்கு நல்லறம் உற்ற நன்மொழி யாலருள் செய்தநல் கொற்ற வன்குரங் காடு துறைதொழப் பற்றுந் தீவினை யாயின பாறுமே.	10
Go to top
கடுத்த தோரரக் கன்கயி லைம்மலை எடுத்த தோள்தலை யிற்றல றவ்விரல் அடுத்த லும்மவ னின்னிசை கேட்டருள் கொடுத்த வன்குரங் காடு துறையனே.	11

Thevaaram Link  - Shaivam Link
Other song(s) from this location: திருத்தென்குரங்காடுதுறை

2.035   திருஞானசம்பந்த சுவாமிகள்   திருக்கடைக்காப்பு   பரவக் கெடும், வல்வினை பாரிடம் Tune - இந்தளம்   (திருத்தென்குரங்காடுதுறை குலைவணங்குநாதர் அழகுசடைமுடியம்மை)

5.063   திருநாவுக்கரசர்   தேவாரம்   இரங்கா வன் மனத்தார்கள் இயங்கும் Tune - திருக்குறுந்தொகை   (திருத்தென்குரங்காடுதுறை குலைவணங்குநாதர் அழகுசடைமுடியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.063