This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.036   திருநாவுக்கரசர்   தேவாரம் திருச்செம்பொன்பள்ளி - திருக்குறுந்தொகை அருள்தரு திருவதிகைநாயகி உடனுறை அருள்மிகு வீரட்டானேசுவரர் திருவடிகள் போற்றி

https://www.youtube.com/watch?v=I1IbDrUL2rE   Add audio link

கான றாத கடிபொழில் வண்டினம் தேன றாத திருச்செம்பொன் பள்ளியான் ஊன றாததோர் வெண்டலை யிற்பலி தான றாததோர் கொள்கையன் காண்மினே.	1
என்பு மாமையும் பூண்டங் குழிதர்வர்க் கன்பு மாயிடும் ஆயிழை யீரினிச் செம்பொன் பள்ளியு ளான்சிவ லோகனை நம்பொன் பள்ளியுள் கவினை நாசமே.	2
வேறு கோலத்த ராணலர் பெண்ணலர் கீறு கோவண வைதுகி லாடையர் தேற லாவதொன் றன்றுசெம் பொன்பள்ளி ஆறு சூடிய அண்ண லவனையே.	3
அருவ ராததோர் வெண்டலை யேந்திவந் திருவ ராயிடு வார்கடை தேடுவார் தெருவெ லாமுழல் வார்செம்பொன் பள்ளியார் ஒருவர் தாம்பல பேருளர் காண்மினே.	4
பூவு லாஞ்சடை மேற்புனல் சூடினான் ஏவ லாலெயின் மூன்று மெரித்தவன் தேவர் சென்றிறைஞ் சுஞ்செம்பொன் பள்ளியான் மூவ ராய்முத லாய்நின்ற மூர்த்தியே.	5
Go to top
சலவ ராயொரு பாம்பொடு தண்மதிக் கலவ ராவதின் காரண மென்கொலோ திலக நீண்முடி யார்செம்பொன் பள்ளியார் குலவில் லாலெயில் மூன்றெய்த கூத்தரே.	6
கைகொள் சூலத்தர் கட்டுவாங் கத்தினர் மைகொள் கண்டத்த ராகி யிருசுடர் செய்ய மேனிவெண் ணீற்றர்செம் பொன்பள்ளி ஐயர் கையதோ ரைந்தலை நாகமே.	7
வெங்கண் நாகம் வெருவுற ஆர்த்தவர் பைங்கண் ஆனையி னீருரி போர்த்தவர் செங்கண் மால்விடை யார்செம்பொன் பள்ளியார் அங்க ணாயடைந் தார்வினை தீர்ப்பரே.	8
நன்றி நாரணன் நான்முக னென்றிவர் நின்ற நீண்முடி யோடடி காண்புற்றுச் சென்று காண்பரி யான்செம்பொன் பள்ளியான் நின்ற சூழலில் நீளெரி யாகியே.	9
திரியும் மும்மதில் செங்கணை யொன்றினால் எரிய வெய்தன லோட்டி யிலங்கைக்கோன் நெரிய வூன்றியிட் டார்செம்பொன் பள்ளியார் அரிய வான மவரருள் செய்வரே.	10
Go to top

Thevaaram Link  - Shaivam Link
Other song(s) from this location: திருச்செம்பொன்பள்ளி

1.025   திருஞானசம்பந்த சுவாமிகள்   திருக்கடைக்காப்பு   மரு ஆர் குழலிமாது ஓர் Tune - தக்கராகம்   (திருச்செம்பொன்பள்ளி சொர்னபுரீசர் சுகந்தவனநாயகியம்மை)

4.029   திருநாவுக்கரசர்   தேவாரம்   ஊனினுள் உயிரை வாட்டி உணர்வினார்க்கு Tune - திருநேரிசை   (திருச்செம்பொன்பள்ளி வீரட்டானேசுவரர் திருவதிகைநாயகி)

5.036   திருநாவுக்கரசர்   தேவாரம்   கான் அறாத கடி பொழில் Tune - திருக்குறுந்தொகை   (திருச்செம்பொன்பள்ளி வீரட்டானேசுவரர் திருவதிகைநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.036