This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

5.023   திருநாவுக்கரசர்   தேவாரம் திருநின்றியூர் - திருக்குறுந்தொகை அருள்தரு உலகநாயகியம்மை உடனுறை அருள்மிகு மகாலட்சுமியீசுவரர் திருவடிகள் போற்றி

https://www.youtube.com/watch?v=0Tjzc5wDpvw   Add audio link

கொடுங்கண் வெண்தலை கொண்டு குறைவிலைப் படுங்க ணொன்றில ராய்ப்பலி தேர்ந்துண்பர் நெடுங்கண் மங்கைய ராட்டயர் நின்றியூர்க் கடுங்கைக் கூற்றுதைத் திட்ட கருத்தரே.	1
வீதி வேல்நெடுங் கண்ணியர் வெள்வளை நீதி யேகொளற் பாலது நின்றியூர் வேத மோதி விளங்குவெண் தோட்டராய்க் காதில் வெண்குழை வைத்தவெங் கள்வரே.	2
புற்றி னாரர வம்புலித் தோல்மிசைச் சுற்றி னார்சுண்ணப் போர்வைகொண் டார்சுடர் நெற்றிக் கண்ணுடை யாரமர் நின்றியூர் பற்றி னாரைப்பற் றாவினை பாவமே.	3
பறையி னோசையும் பாடலி னோசையும் மறையி னோசையும் மல்கி யயலெலாம் நிறையும் பூம்பொழில் சூழ்திரு நின்றியூர் உறையு மீசனை யுள்குமென் னுள்ளமே.	4
சுனையுள் நீலஞ் சுளியும் நெடுங்கணாள் இனைய னென்றென்று மேசுவ தென்கொலோ நினையுந் தண்வயல் சூழ்திரு நின்றியூர்ப் பனையின் ஈருரி போர்த்த பரமரே.	5
Go to top
உரைப்பக் கேண்மின்நும் உச்சியு ளான்றனை நிரைப்பொன் மாமதில் சூழ்திரு நின்றியூர் உரைப்பொற் கற்றைய ராரிவ ரோவெனில் திரைத்துப் பாடித் திரிதருஞ் செல்வரே.	6
கன்றி யூர்முகில் போலுங் கருங்களிறு இன்றி ஏறல னாலிது என்கொலோ நின்றி யூர்பதி யாக நிலாயவன் வென்றி யேறுடை யெங்கள் விகிர்தனே.	7
நிலையி லாவெள்ளை மாலையன் நீண்டதோர் கொலைவி லாலெயி லெய்த கொடியவன் நிலையி னார்வயல் சூழ்திரு நின்றியூர் உரையி னால்தொழு வார்வினை யோயுமே.	8
அஞ்சி யாகிலு மன்புபட் டாகிலும் நெஞ்சம் வாழி நினைநின்றி யூரைநீ இஞ்சி மாமதி லெய்திமை யோர்தொழக் குஞ்சி வான்பிறை சூடிய கூத்தனே.	9
எளிய னாமொழி யாவிலங் கைக்கிறை களியி னாற்கயி லாய மெடுத்தவன் நெளிய வூன்றவல் லானமர் நின்றியூர் அளியி னாற்றொழு வார்வினை யல்குமே.	10
Go to top

Thevaaram Link  - Shaivam Link
Other song(s) from this location: திருநின்றியூர்

1.018   திருஞானசம்பந்த சுவாமிகள்   திருக்கடைக்காப்பு   சூலம் படை; சுண்ணப்பொடி சாந்தம், Tune - நட்டபாடை   (திருநின்றியூர் இலட்சுமியீசுவரர் உலகநாயகியம்மை)

5.023   திருநாவுக்கரசர்   தேவாரம்   கொடுங் கண் வெண்தலை கொண்டு, Tune - திருக்குறுந்தொகை   (திருநின்றியூர் மகாலட்சுமியீசுவரர் உலகநாயகியம்மை)

7.019   சுந்தரமூர்த்தி சுவாமிகள்   திருப்பாட்டு   அற்றவனார், அடியார் தமக்கு; ஆயிழை Tune - நட்டராகம்   (திருநின்றியூர் மகாலட்சுமியீசுவரர் உலகநாயகியம்மை)

7.065   சுந்தரமூர்த்தி சுவாமிகள்   திருப்பாட்டு   திருவும், வண்மையும், திண் திறல் Tune - தக்கேசி   (திருநின்றியூர் இலட்சுமிவரதர் உலகநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 5.023