This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.087   திருநாவுக்கரசர்   தேவாரம் திருப்பழனம் - திருவிருத்தம் அருள்தரு பெரியநாயகியம்மை உடனுறை அருள்மிகு ஆபத்சகாயர் திருவடிகள் போற்றி

https://www.youtube.com/watch?v=xEIhCMkZD9U   Add audio link

மேவித்து நின்று விளைந்தன வெந்துயர் துக்கமெல்லாம் ஆவித்து நின்று கழிந்தன வல்ல லவையறுப்பான் பாவித்த பாவனை நீயறி வாய்பழ னத்தரசே கூவித்துக் கொள்ளுந் தனையடி யேனைக் குறிக்கொள்வதே.	1
சுற்றிநின் றார்புறங் காவ லமரர் கடைத்தலையில் மற்றுநின் றார்திரு மாலொடு நான்முகன் வந்தடிக்கீழ்ப் பற்றிநின் றார்பழ னத்தர சேயுன் பணியறிவான் உற்றுநின் றாரடி யேனைக் குறிக்கொண் டருளுவதே.	2
ஆடிநின் றாயண்ட மேழுங் கடந்துபோய் மேலவையும் கூடிநின் றாய்குவி மென்முலை யாளையுங் கொண்டுடனே பாடிநின் றாய்பழ னத்தர சேயங்கொர் பான்மதியம் சூடிநின் றாயடி யேனையஞ் சாமைக் குறிக்கொள்வதே.	3
எரித்துவிட் டாயம்பி னாற்புர மூன்றுமுன் னேபடவும் உரித்துவிட் டாயுமை யாண்டுக் கெய்தவொர் குஞ்சரத்தைப் பரித்துவிட் டாய்பழனத் தர சேகங்கை வார்சடைமேல் தரித்துவிட் டாயடி யேனைக் குறிக்கொண் டருளுவதே.	4
முன்னியு முன்னி முளைத்தன மூவெயி லும்முடனே மன்னியு மங்கு மிருந்தனை மாய மனத்தவர்கள் பன்னிய நூலின் பரிசறி வாய்பழ னத்தரசே முன்னியு முன்னடி யேனைக் குறிக்கொண் டருளுவதே.	5
Go to top
ஏய்ந்தறுத் தாயின்ப னாயிருந் தேபடைத் தான்றலையைக் காய்ந்தறுத் தாய்கண்ணி னாலன்று காமனைக் காலனையும் பாய்ந்தறுத் தாய்பழ னத்தர சேயென் பழவினை நோய் ஆய்ந்தறுத் தாயடி யேனைக் குறிக்கொண் டருளுவதே.	6
மற்றுவைத் தாயங்கொர் மாலொரு பாக மகிழ்ந்துடனே உற்றுவைத் தாயுமை யாளொடுங் கூடும் பரிசெனவே பற்றிவைத் தாய்பழ னத்தர சேயங்கொர் பாம்பொருகை சுற்றிவைத் தாயடி யேனைக் குறிக்கொண் டருளுவதே.	7
ஊரினின் றாயொன்றி நின்றுவிண் டாரையு மொள்ளழலால் போரினின் றாய்பொறை யாயுயி ராவி சுமந்துகொண்டு பாரினின் றாய்பழ னத்தர சேபணி செய்பவர்கட் காரநின் றாயடி யேனைக் குறிக்கொண் டருளுவதே.	8
போகம்வைத் தாய்புரி புன்சடை மேலொர் புனலதனை யாகம்வைத் தாய்மலை யான்மட மங்கை மகிழ்ந்துடனே பாகம்வைத் தாய்பழ னத்தர சேயுன் பணியருளால் ஆகம்வைத் தாயடி யேனைக் குறிக்கொண் டருளுவதே.	9
அடுத்திருந் தாயரக் கன்முடி வாயொடு தோணெரியக் கெடுத்திருந் தாய்கிளர்ந் தார்வலி யைக்கிளை யோடுடனே படுத்திருந் தாய்பழ னத்தர சேபுலி யின்னுரிதோல் உடுத்திருந் தாயடி யேனைக் குறிக்கொண் டருளுவதே.	10
Go to top

Thevaaram Link  - Shaivam Link
Other song(s) from this location: திருப்பழனம்

1.067   திருஞானசம்பந்த சுவாமிகள்   திருக்கடைக்காப்பு   வேதம் ஓதி, வெண்நூல் பூண்டு, வெள்ளை எருது ஏறி Tune - தக்கேசி   (திருப்பழனம் ஆபத்சகாயர் பெரியநாயகியம்மை)

4.012   திருநாவுக்கரசர்   தேவாரம்   சொல் மாலை பயில்கின்ற குயில் Tune - பழந்தக்கராகம்   (திருப்பழனம் ஆபத்சகாயர் பெரியநாயகியம்மை)

4.036   திருநாவுக்கரசர்   தேவாரம்   ஆடினார் ஒருவர் போலும்; அலர் Tune - திருநேரிசை   (திருப்பழனம் ஆபத்சகாயர் பெரியநாயகியம்மை)

4.087   திருநாவுக்கரசர்   தேவாரம்   மேவித்து நின்று விளைந்தன, வெந்துயர் Tune - திருவிருத்தம்   (திருப்பழனம் ஆபத்சகாயர் பெரியநாயகியம்மை)

5.035   திருநாவுக்கரசர்   தேவாரம்   அருவனாய், அத்திஈர் உரி போர்த்து Tune - திருக்குறுந்தொகை   (திருப்பழனம் ஆபத்சகாயர் பெரியநாயகியம்மை)

6.036   திருநாவுக்கரசர்   தேவாரம்   அலை ஆர் கடல் நஞ்சம் Tune - திருத்தாண்டகம்   (திருப்பழனம் ஆபத்சகாயர் பெரியநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.087