This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.086   திருநாவுக்கரசர்   தேவாரம் திருவொற்றியூர் - திருவிருத்தம் அருள்தரு வடிவுடையம்மை உடனுறை அருள்மிகு மாணிக்கத்தியாகர் திருவடிகள் போற்றி

https://www.youtube.com/watch?v=LUfkIoXphyA   Add audio link

செற்றுக் களிற்றுரி கொள்கின்ற ஞான்றுசெருவெண் கொம்பொன் றிற்றுக் கிடந்தது போலு மிளம்பிறை பாம்பதனைச் சுற்றிக் கிடந்தது கிம்புரி போலச் சுடரிமைக்கும் நெற்றிக்கண் மற்றதன் முத்தொக்கு மாலொற்றி யூரனுக்கே.	1
சொல்லக் கருதிய தொன்றுண்டு கேட்கிற்றொண் டாயடைந்தார் அல்லற் படக்கண்டு பின்னென் கொடுத்தி யலைகொண்முந்நீர் மல்லற் றிரைச்சங்க நித்திலங் கொண்டுவம் பக்கரைக்கே ஒல்லைத் திரைகொணர்ந் தெற்றொற்றி யூருறை யுத்தமனே.	2
பரவை வருதிரை நீர்க்கங்கை பாய்ந்துக்க பல்சடைமேல் அரவ மணிதரு கொன்றை யிளந்திங்கள் சூடியதோர் குரவ நறுமலர் கோங்க மணிந்து குலாயசென்னி உரவு திரைகொணர்ந் தெற்றொற்றி யூருறை யுத்தமனே.	3
தானகங் காடரங் காக வுடையது தன்னடைந்தார் ஊனக நாறு முடைதலை யிற்பலி கொள்வதுந்தான் தேனக நாறுந் திருவொற்றி யூருறை வாரவர்தாம் தானக மேவந்து போனகம் வேண்டி யுழிதர்வரே.	4
வேலைக் கடனஞ்ச முண்டுவெள் ளேற்றொடும் வீற்றிருந்த மாலைச் சடையார்க் குறைவிட மாவது வாரிகுன்றா ஆலைக் கரும்பொடு செந்நெற் கழனி யருகணைந்த சோலைத் திருவொற்றி யூரையெப் போதுந் தொழுமின்களே.	5
Go to top
புற்றினில் வாழு மரவுக்குந் திங்கட்குங் கங்கையென்னும் சிற்றிடை யாட்குஞ் செறிதரு கண்ணிக்குஞ் சேர்விடமாம் பெற்றுடை யான்பெரும் பேச்சுடை யான்பிரி யாதெனையாள் விற்றுடை யானொற்றி யூருடை யான்றன் விரிசடையே.	6
இன்றரைக் கண்ணுடை யாரெங்கு மில்லை யிமயமென்னும் குன்றரைக் கண்ணன் குலமகட் பாவைக்குக் கூறிட்டநா ளன்றரைக் கண்ணுங் கொடுத்துமை யாளையும் பாகம்வைத்த ஒன்றரைக் கண்ணன்கண் டீரொற்றி யூருறை யுத்தமனே.	7
சுற்றிவண் டியாழ்செயுஞ் சோலையுங் காவுந் துதைந்திலங்கு பெற்றிகண் டான்மற்றி யாவருங் கொள்வர் பிறரிடைநீ ஒற்றிகொண் டாயொற்றி யூரையுங் கைவிட் டுறுமென்றெண்ணி விற்றிகண் டாய்மற் றிதுவொப்ப தில்லிடம் வேதியனே.	8
சுற்றிக் கிடந்தொற்றி யூரனென் சிந்தை பிரிவறியான் ஒற்றித் திரிதந்து நீயென்ன செய்தி யுலகமெல்லாம் பற்றித் திரிதந்து பல்லொடு நாமென்று கண்குழித்துத் தெற்றித் திருப்பதல் லாலென்ன செய்யுமித் தீவினையே.	9
அங்கட் கடுக்கைக்கு முல்லைப் புறவ முறுவல்செய்யும் பைங்கட் டலைக்குச் சுடலைக் களரி பருமணிசேர் கங்கைக்கு வேலை யரவுக்குப் புற்றுக் கலைநிரம்பாத் திங்கட்கு வானந் திருவொற்றி யூரர் திருமுடியே.	10
Go to top
தருக்கின வாளரக் கன்முடி பத்திறப் பாதந்தன்னால் ஒருக்கின வாறடி யேனைப் பிறப்பறுத் தாளவல்லான் நெருக்கின வானவர் தானவர் கூடிக் கடைந்தநஞ்சைப் பருக்கினவா றென்செய்கே னொற்றி யூருறை பண்டங்கனே.	11

Thevaaram Link  - Shaivam Link
Other song(s) from this location: திருவொற்றியூர்

3.057   திருஞானசம்பந்த சுவாமிகள்   திருக்கடைக்காப்பு   விடையவன், விண்ணும் மண்ணும் தொழ Tune - பஞ்சமம்   (திருவொற்றியூர் மாணிக்கத்தியாகர் வடிவுடையம்மை)

4.045   திருநாவுக்கரசர்   தேவாரம்   வெள்ளத்தைச் சடையில் வைத்த வேத Tune - திருநேரிசை:கொல்லி   (திருவொற்றியூர் மாணிக்கத்தியாகர் வடிவுடையம்மை)

4.046   திருநாவுக்கரசர்   தேவாரம்   ஓம்பினேன் கூட்டை, வாளா உள்ளத்து Tune - திருநேரிசை   (திருவொற்றியூர் மாணிக்கத்தியாகர் வடிவுடையம்மை)

4.086   திருநாவுக்கரசர்   தேவாரம்   செற்றுக் களிற்று உரி கொள்கின்ற Tune - திருவிருத்தம்   (திருவொற்றியூர் மாணிக்கத்தியாகர் வடிவுடையம்மை)

5.024   திருநாவுக்கரசர்   தேவாரம்   ஒற்றி ஊரும் ஒளி மதி, Tune - திருக்குறுந்தொகை   (திருவொற்றியூர் மாணிக்கத்தியாகர் வடிவுடையம்மை)

6.045   திருநாவுக்கரசர்   தேவாரம்   வண்டு ஓங்கு செங்கமலம் கழுநீர் Tune - திருத்தாண்டகம்   (திருவொற்றியூர் மாணிக்கத்தியாகர் வடிவுடையம்மை)

7.054   சுந்தரமூர்த்தி சுவாமிகள்   திருப்பாட்டு   அழுக்கு மெய் கொடு உன் Tune - தக்கேசி   (திருவொற்றியூர் படம்பக்கநாதர் - மாணிக்கத்தியாகர் வடிவுடையம்மை)

7.091   சுந்தரமூர்த்தி சுவாமிகள்   திருப்பாட்டு   பாட்டும் பாடிப் பரவித் திரிவார் Tune - குறிஞ்சி   (திருவொற்றியூர் படம்பக்கநாதர் - மாணிக்கத்தியாகர் வடிவுடையம்மை)

11.030   பட்டினத்துப் பிள்ளையார்   திருவொற்றியூர் ஒருபா ஒருபது   திருவொற்றியூர் ஒருபா ஒருபது Tune -   (திருவொற்றியூர் )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.086