This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.077   திருநாவுக்கரசர்   தேவாரம் பொது -தனித் திருநேரிசை - திருநேரிசை அருள்தரு உடனுறை அருள்மிகு திருவடிகள் போற்றி

https://www.youtube.com/watch?v=cGo7sTd0afU   Add audio link

கடும்பக னட்ட மாடிக் கையிலோர் கபால மேந்தி இடும்பலிக் கில்லந் தோறு முழிதரு மிறைவ னீரே நெடும்பொறை மலையர் பாவை நேரிழை நெறிமென் கூந்தற் கொடுங்குழை புகுந்த வன்றுங் கோவண மரைய தேயோ.	1
கோவண முடுத்த வாறுங் கோளர வசைத்த வாறும் தீவணச் சாம்பர் பூசித் திருவுரு விருந்த வாறும் பூவணக் கிழவ னாரைப் புலியுரி யரைய னாரை ஏவணச் சிலையி னாரை யாவரே யெழுது வாரே.	2
விளக்கினார் பெற்ற வின்ப மெழுக்கினாற் பதிற்றி யாகும் துளக்கினன் மலர்தொ டுத்தாற் றூயவிண் ணேற லாகும் விளக்கிட்டார் பேறு சொல்லின் மெய்ஞ்ஞெறி ஞான மாகும் அளப்பில கீதஞ் சொன்னார்க் கடிகடா மருளு மாறே.	3
சந்திரற் சடையில் வைத்த சங்கரன் சாம வேதி அந்தரத் தமரர் பெம்மா னானல்வெள் ளூர்தி யான்றன் மந்திர நமச்சி வாய வாகநீ றணியப் பெற்றால் வெந்தறும் வினையு நோயும் வெவ்வழல் விறகிட் டன்றே.	4
புள்ளுவ ரைவர் கள்வர் புனத்திடைப் புகுந்து நின்று துள்ளுவர் சூறை கொள்வர் தூநெறி விளைய வொட்டார் முள்ளுடை யவர்க டம்மை முக்கணான் பாத நீழல் உள்ளிடை மறைந்து நின்றங் குணர்வினா லெய்ய லாமே.	5
Go to top
தொண்ட னேன்பிறந்து வாளாத் தொல்வினைக் குழியில் வீழ்ந்து பிண்டமே சுமந்து நாளும் பெரியதோ ரவாவிற் பட்டேன் அண்டனே யமரர் கோவே யறிவனே யஞ்ச லென்னாய் தெண்டிரைக் கங்கை சூடுந் திகழ்தரு சடையி னானே.	6
பாறினாய் பாவி நெஞ்சே பன்றிபோ லளற்றிற் பட்டுத் தேறிநீ நினைதி யாயிற் சிவகதி திண்ண மாகும் ஊறலே யுவர்ப்பு நாறி யுதிரமே யொழுகும் வாசல் கூறையான் மூடக் கண்டு கோலமாக் கருதி னாயே.	7
உய்த்தகா லுதயத் தும்ப ருமையவ ணடுக்கந் தீர வைத்தகா லரக்க னோதன் வான்முடி தனக்கு நேர்ந்தான் மொய்த்தகான் முகிழ்வெண் டிங்கண் மூர்த்தியெ னுச்சி தன்மேல் வைத்தகால் வருந்து மென்று வாடிநா னொடுங்கி னேனே.	8

Thevaaram Link  - Shaivam Link
Other song(s) from this location: பொது -தனித் திருநேரிசை

4.075   திருநாவுக்கரசர்   தேவாரம்   தொண்டனேன் பட்டது என்னே! தூய Tune - கொல்லி   (பொது -தனித் திருநேரிசை )

4.076   திருநாவுக்கரசர்   தேவாரம்   மருள் அவா மனத்தன் ஆகி Tune - திருநேரிசை   (பொது -தனித் திருநேரிசை )

4.077   திருநாவுக்கரசர்   தேவாரம்   கடும்பகல் நட்டம் ஆடி, கையில் Tune - திருநேரிசை   (பொது -தனித் திருநேரிசை )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.077