This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.070   திருநாவுக்கரசர்   தேவாரம் திருநனிப்பள்ளி - திருநேரிசை அருள்தரு பர்வதராசபுத்திரி உடனுறை அருள்மிகு நற்றுணையப்பர் திருவடிகள் போற்றி

https://www.youtube.com/watch?v=DqQU9K5tRZw   Add audio link

முற்றுணை யாயி னானை மூவர்க்கும் முதல்வன் றன்னைச் சொற்றுணை யாயி னானைச் சோதியை யாத ரித்து உற்றுணர்ந் துருகி யூறி யுள்கசி வுடைய வர்க்கு நற்றுணை யாவர் போலு நனிபள்ளி யடிக ளாரே.	1
புலர்ந்தகால் பூவு நீருங் கொண்டடி போற்ற மாட்டா வலஞ்செய்து வாயி னூலால் வட்டணைப் பந்தர் செய்த சிலந்தியை யரைய னாக்கிச் சீர்மைக ளருள வல்லார் நலந்திகழ் சோலை சூழ்ந்த நனிபள்ளி யடிக ளாரே.	2
எண்பதும் பத்து மாறு மென்னுளே யிருந்து மன்னிக் கண்பழக் கொன்று மின்றிக் கலக்கநா னலக்க ழிந்தேன் செண்பகந் திகழும் புன்னை செழுந்திரட் குரவம் வேங்கை நண்புசெய் சோலை சூழ்ந்த நனிபள்ளி யடிக ளாரே.	3
பண்ணினார் பாட லாகிப் பழத்தினி லிரத மாகிக் கண்ணினார் பார்வை யாகிக் கருத்தொடு கற்ப மாகி எண்ணினா ரெண்ண மாகி யேழுல கனைத்து மாகி நண்ணினார் வினைக டீர்ப்பார் நனிபள்ளி யடிக ளாரே.	4
துஞ்சிருள் காலை மாலை தொடர்ச்சியை மறந்தி ராதே அஞ்செழுத் தோதி னாளு மரனடிக் கன்ப தாகும் வஞ்சனைப் பாற்சோ றாக்கி வழக்கிலா வமணர் தந்த நஞ்சமு தாக்கு வித்தார் நனிபள்ளி யடிக ளாரே.	5
Go to top
செம்மலர்க் கமலத் தோனுந் திருமுடி காண மாட்டான் அம்மலர்ப் பாதங் காண்பா னாழியா னகழ்ந்துங் காணான் நின்மல னென்றங் கேத்து நினைப்பினை யருளி நாளும் நம்மல மறுப்பர் போலு நனிபள்ளி யடிக ளாரே.	6
அரவத்தால் வரையைச் சுற்றி யமரரோ டசுரர் கூடி அரவித்துக் கடையத் தோன்று மாலநஞ் சமுதா வுண்டார் விரவித்தம் மடிய ராகி வீடிலாத் தொண்டர் தம்மை நரகத்தில் வீழ வொட்டார் நனிபள்ளி யடிக ளாரே.	7
மண்ணுளே திரியும் போது வருவன பலவுங் குற்றம் புண்ணுளே புரைபு ரையன் புழுப்பொதி பொள்ள லாக்கை இப்பாடலின் பின் அடிகள் கிடைக்கவில்லை.	8
பத்துமோ ரிரட்டி தோளான் பாரித்து மலையெ டுக்கப் பத்துமோ ரிரட்டி தோள்கள் படருடம் படர வூன்றிப் பத்துவாய் கீதம் பாடப் பரிந்தவற் கருள் கொடுத்தார் பத்தர்தாம் பரவி யேத்து நனிபள்ளிப் பரம னாரே.	9

Thevaaram Link  - Shaivam Link
Other song(s) from this location: திருநனிப்பள்ளி

2.084   திருஞானசம்பந்த சுவாமிகள்   திருக்கடைக்காப்பு   காரைகள், கூகை, முல்லை, கள, Tune - பியந்தைக்காந்தாரம்   (திருநனிப்பள்ளி நற்றுணையப்பர் பர்வதராசபுத்திரி)

4.070   திருநாவுக்கரசர்   தேவாரம்   முன்துணை ஆயினானை, மூவர்க்கும் முதல்வன் Tune - திருநேரிசை   (திருநனிப்பள்ளி நற்றுணையப்பர் பர்வதராசபுத்திரி)

7.097   சுந்தரமூர்த்தி சுவாமிகள்   திருப்பாட்டு   ஆதியன்; ஆதிரையன்(ன்) அயன் மால் Tune - பஞ்சமம்   (திருநனிப்பள்ளி நற்றுணையப்பர் பர்வதராசபுத்திரி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.070