This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.066   திருநாவுக்கரசர்   தேவாரம் திருநாகேச்சரம் - திருநேரிசை அருள்தரு குன்றமுலைநாயகியம்மை உடனுறை அருள்மிகு சண்பகாரண்ணியேசுவரர் திருவடிகள் போற்றி

https://www.youtube.com/watch?v=L0ZzU3V5SJ0   Add audio link

கச்சைசே ரரவர் போலுங் கறையணி மிடறர் போலும் பிச்சைகொண் டுண்பர் போலும் பேரரு ளாளர் போலும் இச்சையான் மலர்கள் தூவி யிரவொடு பகலுந் தம்மை நச்சுவார்க் கினியர் போலும் நாகவீச் சரவ னாரே.	1
வேடுறு வேட ராகி விசயனோ டெய்தார் போலும் காடுறு பதியர் போலுங் கடிபுனற் கங்கை நங்கை சேடெறி சடையர் போலுந் தீவினை தீர்க்க வல்ல நாடறி புகழர் போலும் நாகவீச் சரவ னாரே.	2
கற்றுணை வில்ல தாகக் கடியரண் செற்றார் போலும் பொற்றுணைப் பாதர் போலும் புலியத ளுடையர் போலும் சொற்றுணை மாலை கொண்டு தொழுதெழு வார்கட் கெல்லாம் நற்றுணை யாவர் போலும் நாகவீச் சரவ னாரே.	3
கொம்பனாள் பாகர் போலுங் கொடியுடை விடையர் போலும் செம்பொனா ருருவர் போலுந் திகழ்திரு நீற்றர் போலும் எம்பிரா னெம்மை யாளு மிறைவனே யென்று தம்மை நம்புவார்க் கன்பர் போலும் நாகவீச் சரவ னாரே.	4
கடகரி யுரியர் போலுங் கனன்மழு வாளர் போலும் படவர வரையர் போலும் பாரிடம் பலவுங் கூடிக் குடமுடை முழவ மார்ப்பக் கூளிகள் பாட நாளும் நடநவி லடிகள் போலும் நாகவீச் சரவ னாரே.	5
Go to top
பிறையுறு சடையர் போலும் பெண்ணொரு பாகர் போலும் மறையுறு மொழியர் போலும் நான்மறை யவன்ற னோடும் முறைமுறை யமரர் கூடி முடிகளால் வணங்க நின்ற நறவமர் கழலர் போலும் நாகவீச் சரவ னாரே.	6
வஞ்சகர்க் கரியர் போலும் மருவினோர்க் கெளியர் போலும் குஞ்சரத் துரியர் போலுங் கூற்றினைக் குமைப்பர் போலும் விஞ்சைய ரிரிய வன்று வேலைவாய் வந்தெ ழுந்த நஞ்சணி மிடற்றர் போலும் நாகவீச் சரவ னாரே.	7
போகமார் மோடி கொங்கை புணர்தரு புனிதர் போலும் வேகமார் விடையர் போலும் வெண்பொடி யாடு மேனிப் பாகமா லுடையர் போலும் பருப்பத வில்லர் போலும் நாகநா ணுடையர் போலும் நாகவீச்ச சரவ னாரே.	8
கொக்கரை தாளம் வீணை பாணிசெய் குழகர் போலும் அக்கரை யணிவர் போலும் ஐந்தலை யரவர் போலும் வக்கரை யமர்வர் போலும் மாதரை மையல் செய்யும் நக்கரை யுருவர் போலும் நாகவீச் சரவ னாரே.	9
வின்மையாற் புரங்கண் மூன்றும் வெந்தழல் விரித்தார் போலும் தன்மையா லமரர் தங்க டலைவர்க்குந் தலைவர் போலும் வன்மையான் மலையெ டுத்தான் வலியினைத் தொலைவித் தாங்கே நன்மையா லளிப்பர் போலும் நாகவீச் சரவ னாரே.	10
Go to top

Thevaaram Link  - Shaivam Link
Other song(s) from this location: திருநாகேச்சரம்

4.066   திருநாவுக்கரசர்   தேவாரம்   கச்சை சேர் அரவர் போலும்; Tune - திருநேரிசை   (திருநாகேச்சரம் சண்பகாரண்ணியேசுவரர் குன்றமுலைநாயகியம்மை)

5.052   திருநாவுக்கரசர்   தேவாரம்   நல்லர்; நல்லது ஓர் நாகம் Tune - திருக்குறுந்தொகை   (திருநாகேச்சரம் செண்பகாரணியேசுவரர் குன்றமுலைநாயகியம்மை)

6.066   திருநாவுக்கரசர்   தேவாரம்   தாய் அவனை, வானோர்க்கும் ஏனோருக்கும் Tune - திருத்தாண்டகம்   (திருநாகேச்சரம் சண்பகாரண்ணியேசுவரர் குன்றமுலைநாயகியம்மை)

7.099   சுந்தரமூர்த்தி சுவாமிகள்   திருப்பாட்டு   பிறை அணி வாள் நுதலாள் Tune - பஞ்சமம்   (திருநாகேச்சரம் செண்பகாரணியேசுவரர் குன்றமுலையம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.066