This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

4.029   திருநாவுக்கரசர்   தேவாரம் திருச்செம்பொன்பள்ளி - திருநேரிசை அருள்தரு திருவதிகைநாயகி உடனுறை அருள்மிகு வீரட்டானேசுவரர் திருவடிகள் போற்றி

https://www.youtube.com/watch?v=kAw-cHbeOLs  https://www.youtube.com/watch?v=qqYwyD7H4to   Add audio link

ஊனினுள் ளுயிரை வாட்டி உணர்வினார்க் கெளிய ராகி வானினுள் வான வர்க்கும் அறியலா காத வஞ்சர் நானெனிற் றானே யென்னும் ஞானத்தார் பத்தர் நெஞ்சுள் தேனுமின் னமுது மானார் திருச்செம்பொன் பள்ளி யாரே.	1
நொய்யவர் விழுமி யாரு நூலினுண் ணெறியைக் காட்டும் மெய்யவர் பொய்யு மில்லார் உடலெனு மிடிஞ்சி றன்னில் நெய்யமர் திரியு மாகி நெஞ்சத்துள் விளக்கு மாகிச் செய்யவர் கரிய கண்டர் திருச்செம்பொன் பள்ளி யாரே.	2
வெள்ளியர் கரியர் செய்யர் விண்ணவ ரவர்கள் நெஞ்சுள் ஒள்ளிய ரூழி யூழி யுலகம தேத்த நின்ற பள்ளியர் நெஞ்சத் துள்ளார் பஞ்சமம் பாடி யாடும் தெள்ளியார் கள்ளந் தீர்ப்பார் திருச்செம்பொன் பள்ளி யாரே.	3
தந்தையுந் தாயு மாகித் தானவன் ஞான மூர்த்தி முந்திய தேவர் கூடி முறைமுறை யிருக்குச் சொல்லி எந்தைநீ சரண மென்றங் கிமையவர் பரவி யேத்தச் சிந்தையுட் சிவம தானார் திருச்செம்பொன் பள்ளி யாரே.	4
ஆறுடைச் சடையர் போலும் அன்பருக் கன்பர் போலும் கூறுடை மெய்யர் போலும் கோளர வரையர் போலும் நீறுடை யழகர் போலும் நெய்தலே கமழு நீர்மைச் சேறுடைக் கமல வேலித் திருச்செம்பொன் பள்ளி யாரே.	5
Go to top
ஞாலமு மறிய வேண்டில் நன்றென வாழ லுற்றீர் காலமுங் கழிய லான கள்ளத்தை யொழிய கில்லீர் கோலமும் வேண்டா வார்வச் செற்றங்கள் குரோத நீக்கில் சீலமுந் நோன்பு மாவார் திருச்செம்பொன் பள்ளி யாரே.	6
புரிகாலே நேசஞ் செய்ய விருந்தபுண் டரீகத் தாரும் எரிகாலே மூன்று மாகி யிமையவர் தொழநின் றாரும் தெரிகாலே மூன்று சந்தி தியானித்து வணங்க நின்று திரிகாலங் கண்ட வெந்தை திருச்செம்பொன் பள்ளி யாரே.	7
காருடைக் கொன்றை மாலை கதிர்மதி யரவி னோடும் நீருடைச் சடையுள் வைத்த நீதியார் நீதி யுள்ளார் பாரொடு விண்ணு மண்ணும் பதினெட்டுக் கணங்க ளேத்தச் சீரொடு பாட லானார் திருச்செம்பொன் பள்ளி யாரே.	8
ஓவாத மறைவல் லானும் ஓதநீர் வண்ணன் காணா மூவாத பிறப்பி லாரும் முனிகளா னார்க ளேத்தும் பூவான மூன்று முந்நூற் றறுபது மாகு மெந்தை தேவாதி தேவ ரென்றுந் திருச்செம்பொன் பள்ளி யாரே.	9
அங்கங்க ளாறும் நான்கும் அந்தணர்க் கருளிச் செய்து சங்கங்கள் பாட வாடுஞ் சங்கரன் மலையெ டுத்தான் அங்கங்க ளுதிர்ந்து சோர வலறிட வடர்த்து நின்றும் செங்கண்வெள் ளேற தேறுந் திருச்செம்பொன் பள்ளி யாரே.	10
Go to top

Thevaaram Link  - Shaivam Link
Other song(s) from this location: திருச்செம்பொன்பள்ளி

1.025   திருஞானசம்பந்த சுவாமிகள்   திருக்கடைக்காப்பு   மரு ஆர் குழலிமாது ஓர் Tune - தக்கராகம்   (திருச்செம்பொன்பள்ளி சொர்னபுரீசர் சுகந்தவனநாயகியம்மை)

4.029   திருநாவுக்கரசர்   தேவாரம்   ஊனினுள் உயிரை வாட்டி உணர்வினார்க்கு Tune - திருநேரிசை   (திருச்செம்பொன்பள்ளி வீரட்டானேசுவரர் திருவதிகைநாயகி)

5.036   திருநாவுக்கரசர்   தேவாரம்   கான் அறாத கடி பொழில் Tune - திருக்குறுந்தொகை   (திருச்செம்பொன்பள்ளி வீரட்டானேசுவரர் திருவதிகைநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 4.029