This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.116   திருஞானசம்பந்த சுவாமிகள்   திருக்கடைக்காப்பு திருநாகைக்காரோணம் (நாகப்பட்டினம்) - செவ்வழி ரசிகப்ரியா எதுகுல காம்போதி இஷ்டாங்கிணி ராகத்தில் திருமுறை அருள்தரு நீலாயதாட்சியம்மை உடனுறை அருள்மிகு காயாரோகணேசுவரர் திருவடிகள் போற்றி

https://www.youtube.com/watch?v=Y6doJGVjkEM   Add audio link

கூனல்திங்கட் குறுங்கண்ணி கான்றந்நெடு வெண்ணிலா ஏனற்பூத்தம் மராங்கோதை யோடும்விரா வுஞ்சடை வானநாடன் அமரர்பெரு மாற்கிட மாவது கானல்வேலி கழிசூழ் கடல்நாகைக் காரோணமே.	1
விலங்கலொன்று சிலையாமதில் மூன்றுடன் வீட்டினான் இலங்குகண்டத் தெழிலாமை பூண்டாற் கிடமாவது மலங்கியோங்கிவ் வருவெண்டிரை மல்கிய மால்கடல் கலங்கலோதங் கழிசூழ் கடல்நாகைக் காரோணமே.	2
வெறிகொளாருங் கடற்கைதை நெய்தல்விரி பூம்பொழில் முறிகொண்ஞாழல் முடப்புன்னை முல்லைமுகை வெண்மலர் நறைகொள்கொன்றைந் நயந்தோங்கு நாதற் கிடமாவது கறைகொளோதங் கழிசூழ் கடல்நாகைக் காரோணமே.	3
வண்டுபாட வளர்கொன்றை மாலைமதி யோடுடன் கொண்டகோலங் குளிர்கங்கை தங்குங்குருள் குஞ்சியுள் உண்டுபோலும் மெனவைத்து கந்தவொரு வற்கிடம் கண்டல்வேலி கழிசூழ் கடல்நாகைக் காரோணமே.	4
வார்கொள்கோலம் முலைமங்கை நல்லார்மகிழ்ந் தேத்தவே நீர்கொள்கோலச் சடைநெடு வெண்திங்கள் நிகழ்வெய்தவே போர்கொள்சூலப் படைபுல்கு கையார்க் கிடமாவது கார்கொளோதங் கழிசூழ் கடல்நாகைக் காரோணமே.	5
Go to top
விடையதேறிவ் விடவர வசைத்தவ் விகிர்தரவர் படைகொள்பூதம் பலபாட ஆடும்பர மரவர் உடைகொள்வேங்கை யுரிதோ லுடையார்க் கிடமாவது கடைகொள்செல்வங் கழிசூழ் கடல்நாகைக் காரோணமே.	6
பொய்துவாழ்வார் மனம்பாழ் படுக்கும் மலர்ப்பூசனை செய்துவாழ்வார் சிவன்சேவடிக்கே செலுஞ் சிந்தையார் எய்தவாழ்வார் எழில்நக்க ரெம்மாற் கிடமாவது கைதல்வேலி கழிசூழ் கடல்நாகைக் காரோணமே.	7
பத்திரட்டி திரடோ ளுடையான் முடிபத்திற வத்திரட்டி விரலா லடர்த்தார்க் கிடமாவது மைத்திரட்டிவ் வருவெண்டிரை மல்கிய மால்கடல் கத்திரட்டுங் கழிசூழ் கடனாகைக் காரோணமே.	8
நல்லபோதில் லுறைவானு மாலுந் நடுக்கத்தினால் அல்லராவ ரெனநின்ற பெம்மாற் கிடமாவது மல்லலோங்கிவ் வருவெண்டிரை மல்கிய மால்கடல் கல்லலோதங் கழிசூழ் கடனாகைக் காரோணமே.	9
உயர்ந்தபோதின் னுருவத் துடைவிட் டுழல்வார்களும் பெயர்ந்தமண்டை யிடுபிண்ட மாவுண் டுழல்வார்களும் நயந்துகாணா வகைநின்ற நாதர்க் கிடமாவது கயங்கொளோதங் கழிசூழ் கடல்நாகைக் காரோணமே.	10
Go to top
மல்குதண்பூம் புனல்வாய்ந் தொழுகும்வயற் காழியான் நல்லகேள்வித் தமிழ்ஞான சம்பந்தன்நல் லார்கள்முன் வல்லவாறே புனைந்தேத்துங் காரோணத்து வண்தமிழ் சொல்லுவார்க்கும் இவைகேட்ப வர்க்குந்துய ரில்லையே.	11

Thevaaram Link  - Shaivam Link
Other song(s) from this location: திருநாகைக்காரோணம் (நாகப்பட்டினம்)

1.084   திருஞானசம்பந்த சுவாமிகள்   திருக்கடைக்காப்பு   புனையும் விரிகொன்றைக் கடவுள், புனல் Tune - குறிஞ்சி   (திருநாகைக்காரோணம் (நாகப்பட்டினம்) காயாரோகணேசுவரர் நீலாயதாட்சியம்மை)

2.116   திருஞானசம்பந்த சுவாமிகள்   திருக்கடைக்காப்பு   கூனல் திங்கள் குறுங்கண்ணி கான்ற(ந்) Tune - செவ்வழி   (திருநாகைக்காரோணம் (நாகப்பட்டினம்) காயாரோகணேசுவரர் நீலாயதாட்சியம்மை)

4.071   திருநாவுக்கரசர்   தேவாரம்   மனைவி தாய் தந்தை மக்கள் Tune - திருநேரிசை   (திருநாகைக்காரோணம் (நாகப்பட்டினம்) காயாரோகணேசுவரர் நீலாயதாட்சியம்மை)

4.103   திருநாவுக்கரசர்   தேவாரம்   வடிவு உடை மாமலைமங்கை பங்கா! Tune - திருவிருத்தம்   (திருநாகைக்காரோணம் (நாகப்பட்டினம்) முல்லைவனேசுவரர் கரும்பனையாளம்மை)

5.083   திருநாவுக்கரசர்   தேவாரம்   பாணத்தால் மதில் மூன்றும் எரித்தவன்; Tune - திருக்குறுந்தொகை   (திருநாகைக்காரோணம் (நாகப்பட்டினம்) காயாரோகணேசுவரர் நீலாயதாட்சியம்மை)

6.022   திருநாவுக்கரசர்   தேவாரம்   பாரார் பரவும் பழனத்தானை, பருப்பதத்தானை, Tune - திருத்தாண்டகம்   (திருநாகைக்காரோணம் (நாகப்பட்டினம்) காயாரோகணேசுவரர் நீலாயதாட்சியம்மை)

7.046   சுந்தரமூர்த்தி சுவாமிகள்   திருப்பாட்டு   பத்து ஊர் புக்கு, இரந்து, Tune - கொல்லிக்கௌவாணம்   (திருநாகைக்காரோணம் (நாகப்பட்டினம்) காயாரோகணேசுவரர் நீலாயதாட்சியம்மை)

7.101   சுந்தரமூர்த்தி சுவாமிகள்   திருப்பாட்டு   பொன் ஆம் இதழி விரை Tune -   (திருநாகைக்காரோணம் (நாகப்பட்டினம்) )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.116