This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.044   திருஞானசம்பந்த சுவாமிகள்   திருக்கடைக்காப்பு திருஆமாத்தூர் - சீகாமரம் தீரசங்கராபரணம் நாதநாமக்கிரியை கஜகௌரி ராகத்தில் திருமுறை அருள்தரு அழகியநாயகியம்மை உடனுறை அருள்மிகு அழகியநாதேசுவரர் திருவடிகள் போற்றி

https://www.youtube.com/watch?v=WRhi23nltl0   Add audio link

துன்னம்பெய் கோவணமுந் தோலு முடையாடை பின்னஞ் சடைமேலோர் பிள்ளை மதிசூடி அன்னஞ்சேர் தண்கான லாமாத்தூ ரம்மான்றன் பொன்னங் கழல்பரவாப் பொக்கமும் பொக்கமே.	1
கைம்மாவின் றோல்போர்த்த காபாலி வானுலகில் மும்மா மதிலெய்தான் முக்கணான் பேர்பாடி அம்மா மலர்ச்சோலை யாமாத்தூ ரம்மானெம் பெம்மானென் றேத்தாதார் பேயரிற் பேயரே.	2
பாம்பரைச் சாத்தியோர் பண்டரங்கன் விண்டதோர் தேம்ப லிளமதியஞ் சூடிய சென்னியான் ஆம்பலம்பூம் பொய்கை யாமாத்தூ ரம்மான்றன் சாம்ப லகலத்தார் சார்பல்லாற் சார்பிலமே.	3
கோணாகப் பேரல்குற் கோல்வளைக்கை மாதராள் பூணாகம் பாகமாப் புல்கி யவளோடும் ஆணாகங் காதல்செய் ஆமாத்தூ ரம்மானைக் காணாத கண்ணெல்லாங் காணாத கண்களே.	4
பாட னெறிநின்றான் பைங்கொன்றைத் தண்டாரே சூட னெறிநின்றான் சூலஞ்சேர் கையினான் ஆட னெறிநின்றா னாமாத்தூ ரம்மான்றன் வேட நெறிநில்லா வேடமும் வேடமே.	5
Go to top
சாமவரை வில்லாகச் சந்தித்த வெங்கணையால் காவன் மதிலெய்தான் கண்ணுடை நெற்றியான் யாவருஞ் சென்றேத்து மாமாத்தூ ரம்மானத் தேவர் தலைவணங்குந் தேவர்க்குந் தேவனே.	6
மாறாத வெங்கூற்றை மாற்றி மலைமகளை வேறாக நில்லாத வேடமே காட்டினான் ஆறாத தீயாடி யாமாத்தூ ரம்மானைக் கூறாத நாவெல்லாங் கூறாத நாக்களே.	7
தாளா லரக்கன்றோள் சாய்த்த தலைமகன்றன் நாளா திரையென்றே நம்பன்ற னாமத்தால் ஆளானார் சென்றேத்து மாமாத்தூ ரம்மானைக் கேளாச் செவியெல்லாங் கேளாச் செவிகளே.	8
புள்ளுங் கமலமுங் கைக்கொண்டார் தாமிருவர் உள்ளு மவன்பெருமை யொப்பளக்குந் தன்மையதே அள்ளல் விளைகழனி யாமாத்தூ ரம்மானெம் வள்ளல் கழல்பரவா வாழ்க்கையும் வாழ்க்கையே.	9
பிச்சை பிறர்பெய்யப் பின்சாரக் கோசாரக் கொச்சை புலானாற வீருரிவை போர்த்துகந்தான் அச்சந்தன் மாதேவிக் கீந்தான்ற னாமாத்தூர் நிச்ச னினையாதார் நெஞ்சமு நெஞ்சமே.	10
Go to top
ஆட லரவசைத்த வாமாத்தூ ரம்மானைக் கோட லிரும்புறவிற் கொச்சை வயத்தலைவன் நாட லரியசீர் ஞானசம் பந்தன்றன் பாட லிவைவல்லார்க் கில்லையாம் பாவமே.	11

Thevaaram Link  - Shaivam Link
Other song(s) from this location: திருஆமாத்தூர்

2.044   திருஞானசம்பந்த சுவாமிகள்   திருக்கடைக்காப்பு   துன்னம் பெய் கோவணமும் தோலும் Tune - சீகாமரம்   (திருஆமாத்தூர் அழகியநாதேசுவரர் அழகியநாயகியம்மை)

2.050   திருஞானசம்பந்த சுவாமிகள்   திருக்கடைக்காப்பு   குன்ற வார்சிலை, நாண் அரா, Tune - சீகாமரம்   (திருஆமாத்தூர் அழகியநாதேசுவரர் அழகியநாயகியம்மை)

7.045   சுந்தரமூர்த்தி சுவாமிகள்   திருப்பாட்டு   காண்டனன் காண்டனன், காரிகையாள் தன் Tune - கொல்லிக்கௌவாணம்   (திருஆமாத்தூர் அழகியநாதர் அழகியநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.044