This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.027   திருஞானசம்பந்த சுவாமிகள்   திருக்கடைக்காப்பு இந்திரநீலப்பருப்பதம் (நீலகண்டசிகரம்) - இந்தளம் லதாங்கி மாயாமாளவகெளளை கீதப்ரியா ராகத்தில் திருமுறை அருள்தரு நீலாம்பிகையம்மை உடனுறை அருள்மிகு நீலாசலநாதர் திருவடிகள் போற்றி

https://www.youtube.com/watch?v=_RLOwoMa06k   Add audio link

குலவு பாரிடம் போற்ற வீற்றிருந் திலகு மான்மழு வேந்து மங்கையன் நிலவு மிந்திர நீலப் பர்ப்பதத் துலவி னானடி யுள்க நல்குமே.	1
குறைவி லார்மதி சூடி யாடல்வண் டறையு மாமலர்க் கொன்றை சென்னிசேர் இறைவ னிந்திர நீலப் பர்ப்பதத் துறைவி னான்றனை யோதி யுய்ம்மினே.	2
என்பொ னென்மணி யென்ன வேத்துவார் நம்ப னான்மறை பாடு நாவினான் இன்ப னிந்திர நீலப் பர்ப்பதத் தன்பன் பாதமே யடைந்து வாழ்மினே.	3
நாச மாம்வினை நன்மை தான்வரும் தேச மார்புக ழாய செம்மையெம் ஈச னிந்திர நீலப் பர்ப்பதம் கூசி வாழ்த்துதுங் குணம தாகவே.	4
மருவு மான்மட மாதொர் பாகமாய்ப் பரவு வார்வினை தீர்த்த பண்பினான் இரவ னிந்திர நீலப் பர்ப்பதத் தருவி சூடிடு மடிகள் வண்ணமே.	5
Go to top
வெண்ணி லாமதி சூடும் வேணியன் எண்ணி லார்மதி லெய்த வில்லினன் அண்ண லிந்திர நீலப் பர்ப்பதத் துண்ணி லாவுறு மொருவ னல்லனே.	6
கொடிகொள் ஏற்றினர் கூற்று தைத்தவர் பொடிகொள் மேனியிற் பூண்ட பாம்பினர் அடிகள் இந்திர நீலப் பர்ப்பதம் உடைய வாண ருகந்த கொள்கையே.	7
எடுத்த வல்லரக் கன்க ரம்புயம் அடர்த்த தோர்விர லானவ னையாட் படுத்த னிந்திர நீலப் பர்ப்பதம் முடித்த லம்முற முயலு மின்பமே.	8
பூவி னானொடு மாலும் போற்றுறும் தேவ னிந்திர நீலப் பர்ப் பதம் பாவி யாவெழு வாரைத் தம்வினை கோவி யாவருங் கொல்லுங் கூற்றமே.	9
கட்டர் குண்டமண் டேரர் சீரிலர் விட்ட ரிந்திர நீலப் பர்ப்பதம் எட்ட னைநினை யாத தென்கொலோ சிட்ட தாயுறை யாதி சீர்களே.	10
Go to top
கந்த மார்பொழில் சூழ்ந்த காழியான் இந்தி ரன்றொழு நீலப் பர்ப்பதத் தந்த மில்லியை யேத்து ஞானசம் பந்தன் பாடல்கொண் டோதி வாழ்மினே.	11

Thevaaram Link  - Shaivam Link
Other song(s) from this location: இந்திரநீலப்பருப்பதம் (நீலகண்டசிகரம்)

2.027   திருஞானசம்பந்த சுவாமிகள்   திருக்கடைக்காப்பு   குலவு பாரிடம் போற்ற வீற்றிருந்து இலகு Tune - இந்தளம்   (இந்திரநீலப்பருப்பதம் (நீலகண்டசிகரம்) நீலாசலநாதர் நீலாம்பிகையம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.027