This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.008   திருஞானசம்பந்த சுவாமிகள்   திருக்கடைக்காப்பு திருச்சிக்கல் - இந்தளம் லதாங்கி மாயாமாளவகெளளை கீதப்ரியா ராகத்தில் திருமுறை அருள்தரு வேனெடுங்கண்ணியம்மை உடனுறை அருள்மிகு நவநீதநாதர் திருவடிகள் போற்றி

https://www.youtube.com/watch?v=oLtSekfKGMY   Add audio link

வானு லாவுமதி வந்துல வும்மதின் மாளிகை தேனு லாவுமலர்ச் சோலைமல் குந்திகழ் சிக்கலுள் வேனல் வேளைவிழித் திட்டவெண் ணெய்ப்பெரு மானடி ஞான மாகநினை வார்வினை யாயின நையுமே.	1
மடங்கொள் வாளைகுதி கொள்ளு மணமலர்ப் பொய்கைசூழ் திடங்கொண் மாமறை யோரவர் மல்கிய சிக்கலுள் விடங்கொள் கண்டத்துவெண் ணெய்ப்பெரு மானடி மேவியே அடைந்து வாழும்மடி யாரவ ரல்ல லறுப்பரே.	2
நீல நெய்தனில விம்மல ருஞ்சுனை நீடிய சேலுமா லுங்கழ னிவ்வளம் மல்கிய சிக்கலுள் வேலொண் கண்ணியி னாளையொர் பாகன்வெண் ணெய்ப்பிரான் பாலவண் ணன்கழ லேத்தநம் பாவம் பறையுமே.	3
கந்த முந்தக் கைதைபூத்துக் கமழ்ந்துசே ரும்பொழிற் செந்துவண் டின்னிசைப் பாடன்மல் குந்திகழ் சிக்கலுள் வெந்தவெண் ணீற்றண்ணல் வெண்ணைய்ப் பிரான்விரை யார்கழல் சிந்தைசெய் வார்வினை யாயின தேய்வது திண்ணமே.	4
மங்குல்தங் கும்மறை யோர்கண்மா டத்தய லேமிகு தெங்குதுங் கப்பொழிற் செல்வமல் குந்திகழ் சிக்கலுள் வெங்கண்வெள் ளேறுடை வெண்ணெய்ப்பி ரானடி மேவவே தங்கு மேற்சர தந்திரு நாளுந் தகையுமே.	5
Go to top
வண்டி ரைத்துமது விம்மிய மாமலர்ப் பொய்கைசூழ் தெண்டி ரைக்கொள்புனல் வந்தொழு கும்வயற் சிக்கலுள் விண்டி ரைத்தமல ராற்றிகழ் வெண்ணெய்ப் பிரானடி கண்டி ரைத்துமன மேமதி யாய்கதி யாகவே.	6
முன்னுமா டம்மதின் மூன்றுட னேயெரி யாய்விழத் துன்னுவார் வெங்கணை யொன்று செலுத்திய சோதியான் செந்நெலா ரும்வயற் சிக்கல்வெண் ணெய்ப்பெரு மானடி உன்னிநீ டம்மன மேநினை யாய்வினை யோயவே.	7
தெற்ற லாகிய தென்னிலங் கைக்கிறை வன்மலை பற்றி னான்முடி பத்தொடு தோள்கணெ ரியவே செற்ற தேவனஞ் சிக்கல்வெண் ணெய்ப்பெரு மானடி உற்று நீநினை யாய்வினை யாயின வோயவே.	8
மாலி னோடரு மாமறை வல்ல முனிவனும் கோலி னார்குறு கச்சிவன் சேவடி கோலியும் சீலந் தாமறி யார்திகழ் சிக்கல்வெண் ணெய்ப்பிரான் பாலும் பன்மலர் தூவப் பறையுநம் பாவமே.	9
பட்டை நற்றுவ ராடையி னாரொடும் பாங்கிலாக் கட்ட மண்கழுக் கள்சொல் லினைக்கரு தாதுநீர் சிட்டன் சிக்கல்வெண் ணெய்ப்பெரு மான்செழு மாமறைப் பட்டன் சேவடி யேபணி மின்பிணி போகவே.	10
Go to top
கந்த மார்பொழிற் காழியுண் ஞானசம் பந்தன்நல் செந்தண் பூம்பொழிற் சிக்கல்வெண் ணெய்ப்பெரு மானடிச் சந்த மாச்சொன்ன செந்தமிழ் வல்லவர் வானிடை வெந்த நீறணியும்பெரு மானடி மேவரே.	11

Thevaaram Link  - Shaivam Link
Other song(s) from this location: திருச்சிக்கல்

2.008   திருஞானசம்பந்த சுவாமிகள்   திருக்கடைக்காப்பு   வான் உலாவும் மதி வந்து Tune - இந்தளம்   (திருச்சிக்கல் நவநீதநாதர் வேனெடுங்கண்ணியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.008