This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

2.007   திருஞானசம்பந்த சுவாமிகள்   திருக்கடைக்காப்பு திருவாஞ்சியம் - இந்தளம் லதாங்கி மாயாமாளவகெளளை கீதப்ரியா ராகத்தில் திருமுறை அருள்தரு வாழவந்தநாயகியம்மை உடனுறை அருள்மிகு வாஞ்சியநாதர் திருவடிகள் போற்றி

https://sivaya.org/audio/2.007 vanni KonRai.mp3  https://www.youtube.com/watch?v=pVjS5m3tgMs   Add audio link

வன்னி கொன்றைமத மத்த மெருக்கொடு கூவிளம் பொன்னி யன்றசடை யிற்பொலி வித்தபு ராணனார் தென்ன வென்றுவரி வண்டிசை செய்திரு வாஞ்சியம் என்னை யாளுடை யானிட மாக வுகந்ததே.	1
கால காலர்கரி கானிடை மாநட மாடுவர் மேலர் வேலைவிட முண்டிருள் கின்ற மிடற்றினர் மாலை கோலமதி மாடமன் னுந்திரு வாஞ்சியம் ஞாலம் வந்து பணியப்பொலி கோயில் நயந்ததே.	2
மேவி லொன்றர் விரிவுற்ற விரண்டினர் மூன்றுமாய் நாவி னாலருட லஞ்சின ராறரே ழோசையர் தேவி லெட்டர்திரு வாஞ்சிய மேவிய செல்வனார் பாவந் தீர்ப்பர்பழி போக்குவர் தம்மடி யார்கட்கே.	3
சூல மேந்திவளர் கையினர் மெய்சுவண் டாகவே சால நல்லபொடிப் பூசுவர் பேசுவர் மாமறை சீல மேவுபுக ழாற்பெரு குந்திரு வாஞ்சியம் ஆல முண்டவடி கள்ளிடம் ஆக வமர்ந்ததே.	4
கையி லங்குமறி யேந்துவர் காந்தளம் மெல்விரல் தையல் பாகமுடை யாரடை யார்புரஞ் செற்றவர் செய்ய மேனிக்கரி யமிடற் றார்திரு வாஞ்சியத் தையர் பாதமடை வார்க்கடை யாவரு நோய்களே.	5
Go to top
அரவம் பூண்பரணி யுஞ்சிலம் பார்க்க வகந்தொறும் இரவி னல்லபலி பேணுவர் நாணிலர் நாமமே பரவு வார்வினை தீர்க்கநின் றார்திரு வாஞ்சியம் மருவி யேத்தமட மாதொடு நின்றவெம் மைந்தரே.	6
விண்ணி லானபிறை சூடுவர் தாழ்ந்து விளங்கவே கண்ணி னாலநங் கன்னுட லம்பொடி யாக்கினார் பண்ணி லானவிசை பாடன்மல் குந்திரு வாஞ்சியத் தண்ணலார் தம்மடி போற்றவல் லார்க்கில்லை யல்லலே.	7
மாட நீடுகொடி மன்னிய தென்னிலங் கைக்குமன் வாடியூ டவரை யாலடர்த் தன்றருள் செய்தவர் வேட வேடர்திரு வாஞ்சிய மேவிய வேந்தரைப் பாட நீடுமனத் தார்வினை பற்றறுப் பார்களே.	8
செடிகொ ணோயினடை யார்திறம் பார்செறு தீவினை கடிய கூற்றமுங் கண்டக லும்புகல் தான்வரும் நெடிய மாலொடய னேத்தநின் றார்திரு வாஞ்சியத் தடிகள் பாதமடைந் தாரடி யாரடி யார்கட்கே.	9
பிண்ட முண்டுதிரி வார்பிரி யுந்துவ ராடையார் மிண்டர் மிண்டுமொழி மெய்யல பொய்யிலை யெம்மிறை வண்டு கெண்டிமரு வும்பொழில் சூழ்திரு வாஞ்சியத் தண்ட வாணனடி கைதொழு வார்க்கில்லை யல்லலே.	10
Go to top
தென்றல் துன்றுபொழில் சென்றணை யுந்திரு வாஞ்சியத் தென்று நின்றவிறை யானை யுணர்ந்தடி யேத்தலால் நன்று காழிமறை ஞானசம் பந்தன செந்தமிழ் ஒன்று முள்ளமுடை யாரடை வாருயர் வானமே.	11

Thevaaram Link  - Shaivam Link
Other song(s) from this location: திருவாஞ்சியம்

2.007   திருஞானசம்பந்த சுவாமிகள்   திருக்கடைக்காப்பு   வன்னி கொன்றை மதமத்தம் எருக்கொடு Tune - இந்தளம்   (திருவாஞ்சியம் வாஞ்சியநாதர் வாழவந்தநாயகியம்மை)

5.067   திருநாவுக்கரசர்   தேவாரம்   படையும் பூதமும் பாம்பும் புல்வாய் Tune - திருக்குறுந்தொகை   (திருவாஞ்சியம் வாஞ்சியநாதர் வாழவந்தநாயகியம்மை)

7.076   சுந்தரமூர்த்தி சுவாமிகள்   திருப்பாட்டு   பொருவனார்; புரிநூலர்; புணர் முலை Tune - பியந்தைக்காந்தாரம்   (திருவாஞ்சியம் சுகவாஞ்சிநாதர் வாழவந்தநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 2.007