This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.086   திருஞானசம்பந்த சுவாமிகள்   திருக்கடைக்காப்பு திருநல்லூர் - குறிஞ்சி தீரசங்கராபரணம் குறிஞ்சி ராகத்தில் திருமுறை அருள்தரு திரிபுரசுந்தரியம்மை உடனுறை அருள்மிகு பெரியாண்டேசுவரர் திருவடிகள் போற்றி

https://www.youtube.com/watch?v=Ctmd0yeKnNY   Add audio link

கொட்டும் பறைசீராற் குழும வனலேந்தி நட்டம் பயின்றாடு நல்லூர்ப் பெருமானை முட்டின் றிருபோது முனியா தெழுந்தன்பு பட்ட மனத்தார்க ளறியார் பாவமே.	1
ஏறி லெருதேறு மெழிலா யிழையோடும் வேறும் முடனுமாம் விகிர்த ரவரென்ன நாறும் மலர்ப்பொய்கை நல்லூர்ப் பெருமானைக் கூறும் மடியார்கட் கடையா குற்றமே.	2
சூடு மிளந்திங்கட் சுடர்பொற் சடைதாழ ஓடுண் கலனாக வூரூ ரிடுபிச்சை நாடுந் நெறியானை நல்லூர்ப் பெருமானைப் பாடும் மடியார்கட் கடையா பாவமே.	3
நீத்த நெறியானை நீங்காத் தவத்தானை நாத்த நெறியானை நல்லூர்ப் பெருமானைக் காத்த நெறியானைக் கைகூப் பித்தொழு தேத்து மடியார்கட் கில்லை யிடர்தானே.	4
ஆகத் துமைகேள்வ னரவச் சடைதாழ நாகம் மசைத்தானை நல்லூர்ப் பெருமானைத் தாகம் புகுந்தண்மித் தாள்கள் தொழுந்தொண்டர் போக மனத்தராய்ப் புகழத் திரிவாரே.	5
Go to top
கொல்லுங் களியானை யுரிபோர்த் துமையஞ்ச நல்ல நெறியானை நல்லூர்ப் பெருமானைச் செல்லு நெறியானைச் சேர்ந்தா ரிடர்தீரச் சொல்லு மடியார்க ளறியார் துக்கமே.	6
எங்கள் பெருமானை யிமையோர் தொழுதேத்தும் நங்கள் பெருமானை நல்லூர் பிரிவில்லாத் தங்கை தலைக்கேற்றி யாளென் றடிநீழல் தங்கு மனத்தார்கள் தடுமாற் றறுப்பாரே.	7
காம னெழில்வாட்டிக் கடல்சூ ழிலங்கைக்கோன் நாம மிறுத்தானை நல்லூர்ப் பெருமானை ஏம மனத்தாரா யிகழா தெழுந்தொண்டர் தீப மனத்தார்க ளறியார் தீயவே.	8
வண்ண மலரானும் வைய மளந்தானும் நண்ண லரியானை நல்லூர்ப் பெருமானைத் தண்ண மலர்தூவித் தாள்க டொழுதேத்த எண்ணு மடியார்கட் கில்லை யிடுக்கணே.	9
பிச்சக் குடைநீழற் சமணர் சாக்கியர் நிச்ச மலர்தூற்ற நின்ற பெருமானை நச்சு மிடற்றானை நல்லூர்ப் பெருமானை எச்சு மடியார்கட் கில்லை யிடர்தானே.	10
Go to top
தண்ணம் புனற்காழி ஞான சம்பந்தன் நண்ணும் புனல்வேலி நல்லூர்ப் பெருமானை வண்ணம் புனைமாலை வைக லேத்துவார் விண்ணுந் நிலனுமாய் விளங்கும் புகழாரே.	11

Thevaaram Link  - Shaivam Link
Other song(s) from this location: திருநல்லூர்

1.086   திருஞானசம்பந்த சுவாமிகள்   திருக்கடைக்காப்பு   கொட்டும் பறை சீரால் குழும, Tune - குறிஞ்சி   (திருநல்லூர் பெரியாண்டேசுவரர் திரிபுரசுந்தரியம்மை)

2.057   திருஞானசம்பந்த சுவாமிகள்   திருக்கடைக்காப்பு   பெண் அமரும் திருமேனி உடையீர்! Tune - காந்தாரம்   (திருநல்லூர் பெரியாண்டேசுவரர் திரிபுரசுந்தரியம்மை)

3.083   திருஞானசம்பந்த சுவாமிகள்   திருக்கடைக்காப்பு   வண்டு இரிய விண்ட மலர் Tune - சாதாரி   (திருநல்லூர் பெரியாண்டேசுவரர் திரிபுரசுந்தரியம்மை)

4.097   திருநாவுக்கரசர்   தேவாரம்   அட்டுமின், இல் பலி! என்று Tune - திருவிருத்தம்   (திருநல்லூர் சிவக்கொழுந்தீசுவரர் பெரியநாயகியம்மை)

6.014   திருநாவுக்கரசர்   தேவாரம்   நினைந்து உருகும் அடியாரை நைய Tune - திருத்தாண்டகம்   (திருநல்லூர் பெரியாண்டேசுவரர் திரிபுரசுந்தரியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.086