This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.074   திருஞானசம்பந்த சுவாமிகள்   திருக்கடைக்காப்பு திருப்புறவம் - தக்கேசி கரகரப்பிரியா காம்போதி கர்நாடக காபி ராகத்தில் திருமுறை அருள்தரு திருநிலைநாயகி உடனுறை அருள்மிகு பிரமபுரீசர் திருவடிகள் போற்றி

https://www.youtube.com/watch?v=bRUUHP2wuvg   Add audio link

நறவநிறைவண் டறைதார்க்கொன்றை நயந்து நயனத்தாற் சுறவஞ்செறிவண் கொடியோனுடலம் பொடியா விழிசெய்தான் புறவமுறைவண் பதியாமதியார் புரமூன் றெரிசெய்த இறைவன்அறவ னிமையோரேத்த வுமையோ டிருந்தானே.	1
உரவன்புலியி னுரிதோலாடை யுடைமேற் படநாகம் விரவிவிரிபூங் கச்சாவசைத்த விகிர்த னுகிர்தன்னாற் பொருவெங்களிறு பிளிறவுரித்துப் புறவம் பதியாக இரவும்பகலு மிமையோரேத்த வுமையோ டிருந்தானே.	2
பந்தமுடைய பூதம்பாடப் பாதஞ் சிலம்பார்க்கக் கந்தமல்கு குழலிகாணக் கரிகாட் டெரியாடி அந்தண்கடல்சூழ்ந் தழகார்புறவம் பதியா வமர்வெய்தி எந்தம்பெருமா னிமையோரேத்த வுமையோ டிருந்தானே.	3
நினைவார்நினைய வினியான்பனியார் மலர்தூய் நித்தலுங் கனையார்விடையொன் றுடையான்கங்கை திங்கள் கமழ்கொன்றை புனைவார்சடையின் முடியான்கடல்சூழ் புறவம் பதியாக எனையாளுடையா னிமையோரேத்த வுமையோ டிருந்தானே.	4
செங்கணரவு நகுவெண்டலையு முகிழ்வெண் டிங்களுந் தங்குசடையன் விடையனுடையன் சரிகோ வணவாடை பொங்குதிரைவண் கடல்சூழ்ந்தழகார் புறவம் பதியாக எங்கும்பரவி யிமையோரேத்த வுமையோ டிருந்தானே.	5
Go to top
பின்னுசடைகள் தாழக்கேழ லெயிறு பிறழப்போய் அன்னநடையார் மனைகடோறு மழகார் பலிதேர்ந்து புன்னைமடலின் பொழில்சூழ்ந்தழகார் புறவம் பதியாக என்னையுடையா னிமையோரேத்த வுமையோ டிருந்தானே.	6
உண்ணற்கரிய நஞ்சையுண் டொருதோ ழந்தேவர் விண்ணிற்பொலிய வமுதமளித்த விடைசேர் கொடியண்ணல் பண்ணிற்சிறைவண் டறைபூஞ்சோலைப் புறவம் பதியாக எண்ணிற்சிறந்த விமையோரேத்த வுமையோ டிருந்தானே.	7
விண்டானதிர வியனார்கயிலை வேரோ டெடுத்தான்றன் றிண்டோளுடலு முடியுநெரியச் சிறிதே யூன்றிய புண்டானொழிய வருள்செய்பெருமான் புறவம் பதியாக எண்டோளுடையா னிமையோரேத்த வுமையோ டிருந்தானே.	8
நெடியானீடா மரைமேலயனும் நேடிக் காண்கில்லாப் படியாமேனி யுடையான்பவள வரைபோற் றிருமார்பிற் பொடியார்கோல முடையான்கடல்சூழ் புறவம் பதியாக இடியார்முழவா ரிமையோரேத்த வுமையோ டிருந்தானே.	9
ஆலும்மயிலின் பீலியமண ரறிவில் சிறுதேரர் கோலும்மொழிக ளொழியக்குழுவுந் தழலு மெழில்வானும் போலும்வடிவு முடையான்கடல்சூழ் புறவம் பதியாக ஏலும்வகையா லிமையோரேத்த வுமையோ டிருந்தானே.	10
Go to top
பொன்னார்மாட நீடுஞ்செல்வப் புறவம் பதியாக மின்னாரிடையா ளுமையாளோடு மிருந்த விமலனைத் தன்னார்வஞ்செய் தமிழின்விரக னுரைத்த தமிழ்மாலை பன்னாள்பாடி யாடப்பிரியார் பரலோ கந்தானே.	11

Thevaaram Link  - Shaivam Link
Other song(s) from this location: திருப்புறவம்

1.074   திருஞானசம்பந்த சுவாமிகள்   திருக்கடைக்காப்பு   நறவம் நிறை வண்டு அறை Tune - தக்கேசி   (திருப்புறவம் பிரமபுரீசர் திருநிலைநாயகி)

1.097   திருஞானசம்பந்த சுவாமிகள்   திருக்கடைக்காப்பு   எய்யா வென்றித் தானவர் ஊர்மூன்று Tune - குறிஞ்சி   (திருப்புறவம் பிரமபுரீசர் திருநிலைநாயகி)

3.084   திருஞானசம்பந்த சுவாமிகள்   திருக்கடைக்காப்பு   பெண் இயல் உருவினர், பெருகிய Tune - சாதாரி   (திருப்புறவம் பிரமபுரீசர் திருநிலைநாயகி)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.074