This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.069   திருஞானசம்பந்த சுவாமிகள்   திருக்கடைக்காப்பு திருவண்ணாமலை - தக்கேசி கரகரப்பிரியா காம்போதி கர்நாடக காபி ராகத்தில் திருமுறை அருள்தரு உண்ணாமுலையம்மை உடனுறை அருள்மிகு அருணாசலேசுவரர் திருவடிகள் போற்றி

https://www.youtube.com/watch?v=4pRXAcISp6o   Add audio link

பூவார்மலர்கொண் டடியார்தொழுவார் புகழ்வார் வானோர்கள் மூவார்புரங்க ளெரித்தவன்று மூவர்க் கருள்செய்தார் தூமாமழைநின் றதிரவெருவித் தொறுவின் னிரையோடும் ஆமாம்பிணைவந் தணையுஞ்சாரல் அண்ணா மலையாரே.	1
மஞ்சைப்போழ்ந்த மதியஞ்சூடும் வானோர் பெருமானார் நஞ்சைக்கண்டத் தடக்குமதுவு நன்மைப் பொருள்போலும் வெஞ்சொற்பேசும் வேடர்மடவா ரிதண மதுவேறி அஞ்சொற்கிளிக ளாயோவென்னும் அண்ணா மலையாரே.	2
ஞானத்திரளாய் நின்றபெருமா னல்ல வடியார்மேல் ஊனத்திரளை நீக்குமதுவு முண்மைப் பொருள்போலும் ஏனத்திரளோ டினமான்கரடி யிழியு மிரவின்கண் ஆனைத்திரள்வந் தணையுஞ்சாரல் அண்ணா மலையாரே.	3
இழைத்தவிடையா ளுமையாள்பங்க ரிமையோர் பெருமானார் தழைத்தசடையார் விடையொன்றேறித் தரியார் புரமெய்தார் பிழைத்தபிடியைக் காணாதோடிப் பெருங்கை மதவேழம் அழைத்துத்திரிந்தங் குறங்குஞ்சாரல் அண்ணா மலையாரே.	4
உருவிற்றிகழு முமையாள்பங்க ரிமையோர் பெருமானார் செருவில்லொருகால் வளையவூன்றிச் செந்தீ யெழுவித்தார் பருவிற்குறவர் புனத்திற்குவித்த பருமா மணிமுத்தம் அருவித்திரளோ டிழியுஞ்சாரல் அண்ணா மலையாரே.	5
Go to top
எனைத்தோரூழி யடியாரேத்த விமையோர் பெருமானார் நினைத்துத்தொழுவார் பாவந்தீர்க்கும் நிமல ருறைகோயில் கனைத்தமேதி காணாதாயன் கைம்மேற் குழலூத அனைத்துஞ்சென்று திரளுஞ்சாரல் அண்ணா மலையாரே.	6
வந்தித்திருக்கு மடியார்தங்கள் வருமேல் வினையோடு பந்தித்திருந்த பாவந்தீர்க்கும் பரம னுறைகோயில் முந்தியெழுந்த முழவினோசை முதுகல் வரைகண்மேல் அந்திப்பிறைவந் தணையுஞ்சாரல் அண்ணா மலையாரே.	7
மறந்தான்கருதி வலியைநினைந்து மாறா யெடுத்தான்றோள் நிறந்தான்முரிய நெரியவூன்றி நிறைய வருள்செய்தார் திறந்தான்காட்டி யருளாயென்று தேவ ரவர்வேண்ட அறந்தான்காட்டி யருளிச்செய்தார் அண்ணா மலையாரே.	8
தேடிக்காணார் திருமால்பிரமன் றேவர் பெருமானை மூடியோங்கி முதுவேயுகுத்த முத்தம் பலகொண்டு கூடிக்குறவர் மடவார்குவித்துக் கொள்ள வம்மினென் றாடிப்பாடி யளக்குஞ்சாரல் அண்ணா மலையாரே.	9
தட்டையிடுக்கித் தலையைப்பறித்துச் சமணே நின்றுண்ணும் பிட்டர்சொல்லுக் கொள்ளவேண்டா பேணித் தொழுமின்கள் வட்டமுலையா ளுமையாள்பங்கர் மன்னி யுறைகோயில் அட்டமாளித் திரள்வந்தணையும் அண்ணா மலையாரே.	10
Go to top
அல்லாடரவ மியங்குஞ்சாரல் அண்ணா மலையாரை நல்லார்பரவப் படுவான்காழி ஞான சம்பந்தன் சொல்லான்மலிந்த பாடலான பத்து மிவைகற்று வல்லாரெல்லாம் வானோர்வணங்க மன்னி வாழ்வாரே.	11

Thevaaram Link  - Shaivam Link
Other song(s) from this location: திருவண்ணாமலை

1.010   திருஞானசம்பந்த சுவாமிகள்   திருக்கடைக்காப்பு   உண்ணாமுலை உமையாளொடும் உடன் ஆகிய Tune - நட்டபாடை   (திருவண்ணாமலை அருணாசலேசுவரர் உண்ணாமுலையம்மை)

1.069   திருஞானசம்பந்த சுவாமிகள்   திருக்கடைக்காப்பு   பூ ஆர் மலர் கொண்டு Tune - தக்கேசி   (திருவண்ணாமலை அருணாசலேசுவரர் உண்ணாமுலையம்மை)

4.063   திருநாவுக்கரசர்   தேவாரம்   ஓதி மா மலர்கள் தூவி-உமையவள் Tune - திருநேரிசை   (திருவண்ணாமலை அருணாசலேசுவரர் உண்ணாமுலையம்மை)

5.004   திருநாவுக்கரசர்   தேவாரம்   வட்டனை(ம்), மதிசூடியை, வானவர்- சிட்டனை, Tune - திருக்குறுந்தொகை   (திருவண்ணாமலை அருணாசலேசுவரர் உண்ணாமுலையம்மை)

5.005   திருநாவுக்கரசர்   தேவாரம்   பட்டி ஏறு உகந்து ஏறி, Tune - திருக்குறுந்தொகை   (திருவண்ணாமலை அருணாசலேசுவரர் உண்ணாமுலையம்மை)

8.107   மாணிக்க வாசகர்    திருவாசகம்   திருவெம்பாவை - ஆதியும் அந்தமும் Tune -   (திருவண்ணாமலை )

8.108   மாணிக்க வாசகர்    திருவாசகம்   திரு அம்மானை - செங்கண் நெடுமாலுஞ் Tune - தன்னானே நானே நனே; தாநானே தானனே தனே   (திருவண்ணாமலை )

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.069