This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian   Hebrew   Korean  
Easy version Classic version

1.067   திருஞானசம்பந்த சுவாமிகள்   திருக்கடைக்காப்பு திருப்பழனம் - தக்கேசி கரகரப்பிரியா காம்போதி கர்நாடக காபி ராகத்தில் திருமுறை அருள்தரு பெரியநாயகியம்மை உடனுறை அருள்மிகு ஆபத்சகாயர் திருவடிகள் போற்றி

https://www.youtube.com/watch?v=OL2vd0T4TY8   Add audio link

வேதமோதி வெண்ணூல்பூண்டு வெள்ளை யெருதேறிப் பூதஞ்சூழப் பொலியவருவார் புலியி னுரிதோலார் நாதாவெனவு நக்காவெனவு நம்பா வெனநின்று பாதந்தொழுவார் பாவந்தீர்ப்பார் பழன நகராரே.	1
கண்மேற்கண்ணுஞ் சடைமேற்பிறையு முடையார் காலனைப் புண்ணாறுதிர மெதிராறோடப் பொன்றப் புறந்தாளால் எண்ணாதுதைத்த வெந்தைபெருமா னிமவான் மகளோடும் பண்ணார்களிவண் டறைபூஞ்சோலைப் பழன நகராரே.	2
பிறையும்புனலுஞ் சடைமேலுடையார் பறைபோல் விழிகட்பேய் உறையுமயான மிடமாவுடையா ருலகர் தலைமகன் அறையுமலர்கொண் டடியார்பரவி யாடல் பாடல்செய் பறையுஞ்சங்கும் பலியுமோவாப் பழன நகராரே.	3
உரமன்னுயர்கோட் டுலறுகூகை யலறு மயானத்தில் இரவிற்பூதம் பாடவாடி யெழிலா ரலர்மேலைப் பிரமன்றலையி னறவமேற்ற பெம்மா னெமையாளும் பரமன்பகவன் பரமேச்சுவரன் பழன நகராரே.	4
குலவெஞ்சிலையான் மதின்மூன்றெரித்த கொல்லே றுடையண்ணல் கலவமயிலுங் குயிலும்பயிலுங் கடல்போற் காவேரி நலமஞ்சுடைய நறுமாங்கனிகள் குதிகொண் டெதிருந்திப் பலவின்கனிக டிரைமுன்சேர்க்கும் பழன நகராரே.	5
Go to top
வீளைக்குரலும் விளிச்சங்கொலியும் விழவின் னொலியோவா மூளைத்தலைகொண் டடியாரேத்தப் பொடியா மதிளெய்தார் ஈளைப்படுகி லிலையார்தெங்கிற் குலையார் வாழையின் பாளைக்கமுகின் பழம்வீழ்சோலைப் பழன நகராரே.	6
பொய்யாமொழியார் முறையாலேத்திப் புகழ்வார் திருமேனி செய்யார்கரிய மிடற்றார்வெண்ணூல் சேர்ந்த வகலத்தார் கையாடலினார் புனலான்மல்கு சடைமேற் பிறையோடும் பையாடரவ முடனேவைத்தார் பழன நகராரே.	7
மஞ்சோங்குயர முடையான்மலையை மாறா யெடுத்தான்றோள் அஞ்சோடஞ்சு மாறுநான்கு மடர வூன்றினார் நஞ்சார்சுடலைப் பொடிநீறணிந்த நம்பான் வம்பாரும் பைந்தாமரைகள் கழனிசூழ்ந்த பழன நகராரே.	8
கடியார்கொன்றைச் சுரும்பின்மாலை கமழ்புன் சடையார்விண் முடியாப்படிமூ வடியாலுலக முழுதுந் தாவிய நெடியானீடா மரைமேலயனு நேடிக் காணாத படியார்பொடியா டகலமுடையார் பழன நகராரே.	9
கண்டான்கழுவா முன்னேயோடிக் கலவைக் கஞ்சியை உண்டாங்கவர்க ளுரைக்குஞ்சிறுசொல் லோரார் பாராட்ட வண்டாமரையின் மலர்மேனறவ மதுவாய் மிகவுண்டு பண்டான்கெழும வண்டியாழ்செய்யும் பழன நகராரே.	10
Go to top
வேய்முத்தோங்கி விரைமுன்பரக்கும் வேணுபுரந் தன்னுள் நாவுய்த்தனைய திறலான்மிக்க ஞான சம்பந்தன் பேசற்கினிய பாடல்பயிலும் பெருமான் பழனத்தை வாயிற்பொலிந்த மாலைபத்தும் வல்லார் நல்லாரே.	11

Thevaaram Link  - Shaivam Link
Other song(s) from this location: திருப்பழனம்

1.067   திருஞானசம்பந்த சுவாமிகள்   திருக்கடைக்காப்பு   வேதம் ஓதி, வெண்நூல் பூண்டு, வெள்ளை எருது ஏறி Tune - தக்கேசி   (திருப்பழனம் ஆபத்சகாயர் பெரியநாயகியம்மை)

4.012   திருநாவுக்கரசர்   தேவாரம்   சொல் மாலை பயில்கின்ற குயில் Tune - பழந்தக்கராகம்   (திருப்பழனம் ஆபத்சகாயர் பெரியநாயகியம்மை)

4.036   திருநாவுக்கரசர்   தேவாரம்   ஆடினார் ஒருவர் போலும்; அலர் Tune - திருநேரிசை   (திருப்பழனம் ஆபத்சகாயர் பெரியநாயகியம்மை)

4.087   திருநாவுக்கரசர்   தேவாரம்   மேவித்து நின்று விளைந்தன, வெந்துயர் Tune - திருவிருத்தம்   (திருப்பழனம் ஆபத்சகாயர் பெரியநாயகியம்மை)

5.035   திருநாவுக்கரசர்   தேவாரம்   அருவனாய், அத்திஈர் உரி போர்த்து Tune - திருக்குறுந்தொகை   (திருப்பழனம் ஆபத்சகாயர் பெரியநாயகியம்மை)

6.036   திருநாவுக்கரசர்   தேவாரம்   அலை ஆர் கடல் நஞ்சம் Tune - திருத்தாண்டகம்   (திருப்பழனம் ஆபத்சகாயர் பெரியநாயகியம்மை)

This page was last modified on Sun, 09 Mar 2025 21:48:18 +0000
          send corrections and suggestions to admin-at-sivaya.org

thirumurai song paadal paadal orig pathigam no 1.067