திருமுறை 7.071 Thirumurai in tamil

சிவய.திருக்கூட்டம்
sivaya.org
Please set your language preference by clicking language links. Or with Google

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

7.071 சுந்தரமூர்த்தி சுவாமிகள் திருப்பாட்டு
திருமறைக்காடு (வேதாரண்யம்) - காந்தாரம் லதாங்கி நவரோசு கனநப்ரியா ராகத்தில் திருமுறை அருள்தரு யாழைப்பழித்தநாயகி உடனுறை அருள்மிகு மறைக்காட்டீசுவரர் திருவடிகள் போற்றி

சிவானந்த முதிர்வு சிவனைத் தவிர வேறு எந்தத் தெய்வத்தையும் போற்றமாட்டேன்
+ Show Meaning https://www.youtube.com/watch?v=TmGEx2Vj7cY Add audio link

யாழைப்பழித் தன்னமொழி
மங்கைஒரு பங்கன்
பேழைச்சடை முடிமேற்பிறை
வைத்தான்இடம் பேணில்
தாழைப்பொழி லூடேசென்று
பூழைத்தலை நுழைந்து
வாழைக்கனி கூழைக்குரங்
குண்ணும்மறைக் காடே

1

சிகரத்திடை இளவெண்பிறை
வைத்தான்இடந் தெரியில்
முகரத்திடை முத்தின்னொளி
பவளத்திர ளோதத்
தகரத்திடை தாழைத்திரள்
ஞாழற்றிரள் நீழல்
மகரத்தொடு சுறவங்கொணர்ந்
தெற்றும்மறைக் காடே

2

அங்கங்களும் மறைநான்குடன்
விரித்தான்இடம் அறிந்தோம்
தெங்கங்களும் நெடும்பெண்ணையும்
பழம்வீழ்மணற் படப்பைச்
சங்கங்களும் இலங்கிப்பியும்
வலம்புரிகளும் இடறி
வங்கங்களும் உயர்கூம்பொடு
வணங்கும்மறைக் காடே

3

நரைவிரவிய மயிர்தன்னொடு
பஞ்சவ்வடி மார்பன்
உரைவிரவிய உத்தமன்னிடம்
உணரல்லுறு மனமே
குரைவிரவிய குலைசேகரக்
கொண்டற்றலை விண்ட
வரைபுரைவன திரைபொருதிழிந்
தெற்றும்மறைக் காடே

4

சங்கைப்பட நினையாதெழு
நெஞ்சேதொழு தேத்தக்
கங்கைச்சடை முடியுடையவற்
கிடமாவது பரவை
அங்கைக்கடல் அருமாமணி
உந்திக்கரைக் கேற்ற
வங்கத்தொடு சுறவங்கொணர்ந்
தெற்றும்மறைக் காடே

5

Go to top

அடல்விடை யினன்மழுவா
ளினன்நல்ஆர் அணிகொன்றைப்
படருஞ்சடை முடியுடையவற்
கிடமாவது பரவைக்
கடலிடையிடை கழியருகினிற்
கடிநாறுதண் கைதை
மடலிடையிடை வெண்குருகெழு
மணிநீர்மறைக் காடே

6

முளைவளரிள மதியுடையவன்
முன்செய்தவல் வினைகள்
களைகளைந்தெனை யாளல்லுறு
கண்டன்னிடஞ் செந்நெல்
வளைவிளைவயற் கயல்பாய்தரு
குணவார்மணற் கடல்வாய்
வளைவளையொடுசலஞ் சலங்கொணர்ந்
தெற்றும்மறைக் காடே

7

நலம்பெரியன சுரும்பார்ந்தன
நங்கோனிட மறிந்தோம்
கலம்பெரியன சாருங்கடற்
கரைபொருதிழி கங்கைச்
சலம்புரிசடை முடியுடையவற்
கிடமாவது பரவை
வலம்புரியொடு சலஞ்சலங்கொணர்ந்
தெற்றும்மறைக் காடே

8

குண்டாடியுஞ் சமணாடியுங்
குற்றுடுக்கையர் தாமும்
கண்டார்கண்ட காரணம்மவை
கருதாதுகை தொழுமின்
எண்டோளினன் முக்கண்ணினன்
ஏழிசையினன் அறுகால்
வண்டாடுதண் பொழில்சூழ்ந்தெழு
மணிநீர்மறைக் காடே

9

பாரூர்பல புடைசூழ்வள
வயல்நாவலர் வேந்தன்
வாரூர்வன முலையாள்உமை
பங்கன்மறைக் காட்டை
ஆரூரன தமிழ்மாலைகள்
பாடும்மடித் தொண்டர்
நீரூர்தரு நிலனோடுயர்
புகழாகுவர் தாமே

10

Go to top

Thevaaram Link - Shaivam Link
Other song(s) from this location: திருமறைக்காடு (வேதாரண்யம்)

1.022 திருஞானசம்பந்த சுவாமிகள் திருக்கடைக்காப்பு சிலை தனை நடு இடை
Tune - நட்டபாடை (திருமறைக்காடு (வேதாரண்யம்) மறைக்காட்டீசுரர் யாழைப்பழித்தமொழியம்மை)

2.037 திருஞானசம்பந்த சுவாமிகள் திருக்கடைக்காப்பு சதுர மறைதான் துதிசெய்து வணங்கும் மதுரம்
Tune - இந்தளம் (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

2.085 திருஞானசம்பந்த சுவாமிகள் திருக்கடைக்காப்பு கோளறு பதிகம், வேய் உறு தோளி பங்கன்,
Tune - பியந்தைக்காந்தாரம் (திருமறைக்காடு (வேதாரண்யம்) )

2.091 திருஞானசம்பந்த சுவாமிகள் திருக்கடைக்காப்பு பொங்கு வெண்மணல் கானல் பொருகடல்
Tune - பியந்தைக்காந்தாரம் (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

3.076 திருஞானசம்பந்த சுவாமிகள் திருக்கடைக்காப்பு கல் பொலி சுரத்தின் எரி
Tune - சாதாரி (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

4.033 திருநாவுக்கரசர் தேவாரம் இந்திரனோடு தேவர் இருடிகள் ஏத்துகின்ற சுந்தரம்
Tune - திருநேரிசை (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

4.034 திருநாவுக்கரசர் தேவாரம் தேரையும் மேல் கடாவித் திண்ணமாத்
Tune - திருநேரிசை (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

5.009 திருநாவுக்கரசர் தேவாரம் ஓதம் மால் கடல் பரவி
Tune - திருக்குறுந்தொகை (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

5.010 திருநாவுக்கரசர் தேவாரம் பண்ணின் நேர் மொழியாள் உமைபங்கரோ!
Tune - திருக்குறுந்தொகை (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

6.023 திருநாவுக்கரசர் தேவாரம் தூண்டு சுடர் அனைய சோதி
Tune - திருத்தாண்டகம் (திருமறைக்காடு (வேதாரண்யம்) வேதாரணியேசுவரர் யாழைப்பழித்தமொழியம்மை)

7.071 சுந்தரமூர்த்தி சுவாமிகள் திருப்பாட்டு யாழைப் பழித் தன்ன மொழி
Tune - காந்தாரம் (திருமறைக்காடு (வேதாரண்யம்) மறைக்காட்டீசுவரர் யாழைப்பழித்தநாயகி)

send corrections and suggestions to admin-at-sivaya.org
This page was last modified on Sun, 01 Mar 2026 07:27:15 +0000

யாழைப்பழித் தன்னமொழி மங்கைஒரு பங்கன் பேழைச்சடை முடிமேற்பிறை வைத்தான்இடம் பேணில் தாழைப்பொழி லூடேசென்று பூழைத்தலை நுழைந்து வாழைக்கனி கூழைக்குரங் குண்ணும்மறைக் காடே	1
சிகரத்திடை இளவெண்பிறை வைத்தான்இடந் தெரியில் முகரத்திடை முத்தின்னொளி பவளத்திர ளோதத் தகரத்திடை தாழைத்திரள் ஞாழற்றிரள் நீழல் மகரத்தொடு சுறவங்கொணர்ந் தெற்றும்மறைக் காடே	2
அங்கங்களும் மறைநான்குடன் விரித்தான்இடம் அறிந்தோம் தெங்கங்களும் நெடும்பெண்ணையும் பழம்வீழ்மணற் படப்பைச் சங்கங்களும் இலங்கிப்பியும் வலம்புரிகளும் இடறி வங்கங்களும் உயர்கூம்பொடு வணங்கும்மறைக் காடே	3
நரைவிரவிய மயிர்தன்னொடு பஞ்சவ்வடி மார்பன் உரைவிரவிய உத்தமன்னிடம் உணரல்லுறு மனமே குரைவிரவிய குலைசேகரக் கொண்டற்றலை விண்ட வரைபுரைவன திரைபொருதிழிந் தெற்றும்மறைக் காடே	4
சங்கைப்பட நினையாதெழு நெஞ்சேதொழு தேத்தக் கங்கைச்சடை முடியுடையவற் கிடமாவது பரவை அங்கைக்கடல் அருமாமணி உந்திக்கரைக் கேற்ற வங்கத்தொடு சுறவங்கொணர்ந் தெற்றும்மறைக் காடே	5
Go to top
அடல்விடை யினன்மழுவா ளினன்நல்ஆர் அணிகொன்றைப் படருஞ்சடை முடியுடையவற் கிடமாவது பரவைக் கடலிடையிடை கழியருகினிற் கடிநாறுதண் கைதை மடலிடையிடை வெண்குருகெழு மணிநீர்மறைக் காடே	6
முளைவளரிள மதியுடையவன் முன்செய்தவல் வினைகள் களைகளைந்தெனை யாளல்லுறு கண்டன்னிடஞ் செந்நெல் வளைவிளைவயற் கயல்பாய்தரு குணவார்மணற் கடல்வாய் வளைவளையொடுசலஞ் சலங்கொணர்ந் தெற்றும்மறைக் காடே	7
நலம்பெரியன சுரும்பார்ந்தன நங்கோனிட மறிந்தோம் கலம்பெரியன சாருங்கடற் கரைபொருதிழி கங்கைச் சலம்புரிசடை முடியுடையவற் கிடமாவது பரவை வலம்புரியொடு சலஞ்சலங்கொணர்ந் தெற்றும்மறைக் காடே	8
குண்டாடியுஞ் சமணாடியுங் குற்றுடுக்கையர் தாமும் கண்டார்கண்ட காரணம்மவை கருதாதுகை தொழுமின் எண்டோளினன் முக்கண்ணினன் ஏழிசையினன் அறுகால் வண்டாடுதண் பொழில்சூழ்ந்தெழு மணிநீர்மறைக் காடே	9
பாரூர்பல புடைசூழ்வள வயல்நாவலர் வேந்தன் வாரூர்வன முலையாள்உமை பங்கன்மறைக் காட்டை ஆரூரன தமிழ்மாலைகள் பாடும்மடித் தொண்டர் நீரூர்தரு நிலனோடுயர் புகழாகுவர் தாமே	10
Go to top