திருமுறை 7.022 Thirumurai in tamil - SF Bay Area Thirumurai & Thiruppugazh Group

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

7.022 சுந்தரமூர்த்தி சுவாமிகள் திருப்பாட்டு
திருப்பழமண்ணிப்படிக்கரை - நட்டராகம் நடபைரவி பந்துவாராளி கனகவசந்தம் ராகத்தில் திருமுறை அருள்தரு வடிக்கண்ணமுதகரநாயகியம்மை உடனுறை அருள்மிகு நீலகண்டேசுவரர் திருவடிகள் போற்றி
+ Show Meaning https://www.youtube.com/watch?v=1nr1Tdgfwpc Add audio link

முன்னவன் எங்கள்பிரான் முதல்
காண்பரி தாயபிரான்
சென்னியில் எங்கள்பிரான் திரு
நீல மிடற்றெம்பிரான்
மன்னிய எங்கள்பிரான் மறை
நான்குங்கல் லால்நிழற்கீழ்ப்
பன்னிய எங்கள்பிரான் பழ
மண்ணிப் படிக்கரையே.
1

அண்ட கபாலஞ்சென்னி அடி
மேல்அலர் இட்டுநல்ல
தொண்டங் கடிபரவித் தொழு
தேத்திநின் றாடுமிடம்
வெண்டிங்கள் வெண்மழுவன் விரை
யார்கதிர் மூவிலைய
பண்டங்கன் மேயவிடம் பழ
மண்ணிப் படிக்கரையே.
2

ஆடுமின் அன்புடையீர் அடிக்
காட்பட்ட தூளிகொண்டு
சூடுமின் தொண்டருள்ளீர் உம
ரோடெமர் சூழவந்து
வாடுமிவ் வாழ்க்கைதன்னை வருந்
தாமல் திருந்தச்சென்று
பாடுமின் பத்தருள்ளீர் பழ
மண்ணிப் படிக்கரையே.
3

அடுதலை யேபுரிந்தான் அவை
அந்தர மூவெயிலும்
கெடுதலை யேபுரிந்தான் கிள
ருஞ்சிலை நாணியிற்கோல்
நடுதலை யேபுரிந்தான் நரி
கான்றிட்ட எச்சில்வெள்ளைப்
படுதலை யேபுரிந்தான் பழ
மண்ணிப் படிக்கரையே.
4

உங்கைக ளாற்கூப்பி உகந்
தேத்தித்தொழு மின்தொண்டீர்
மங்கையொர் கூறுடையான் வா
னோர்முத லாயபிரான்
அங்கையில் வெண்மழுவன் அலை
யார்கதிர் மூவிலைய
பங்கய பாதனிடம் பழ
மண்ணிப் படிக்கரையே.
5

Go to top

செடிபடத் தீவிளைத்தான் சிலை
யார்மதிற் செம்புனஞ்சேர்
கொடிபடு மூரிவெள்ளை எரு
தேற்றையும் ஏறக்கொண்டான்
கடியவன் காலன்றன்னைக் கறுத்
தான்கழற் செம்பவளப்
படியவன் பாசுபதன் பழ
மண்ணிப் படிக்கரையே.
6

கடுத்தவன் தேர்கொண்டோடிக் கயி
லாயநன் மாமலையை
எடுத்தவன் ஈரைந்துவாய் அரக்
கன்முடி பத்தலற
விடுத்தவன் கைநரம்பால் வேத
கீதங்கள் பாடலுறப்
படுத்தவன் பால்வெண்ணீற்றன் பழ
மண்ணிப் படிக்கரையே.
7

திரிவன மும்மதிலும் மெரித்
தான்இமை யோர்பெருமான்
அரியவன் அட்டபுட்பம் மவை
கொண்டடி போற்றிநல்ல
கரியவன் நான்முகனும் மடி
யும்முடி காண்பரிய
பரியவன் பாசுபதன் பழ
மண்ணிப் படிக்கரையே.
8

வெற்றரைக் கற்றமணும் விரை
யாதுவிண் டாலமுண்ணும்
துற்றரைத் துற்றறுப்பான் துன்ன
ஆடைத் தொழிலுடையீர்
பெற்றரைப் பித்தரென்று கரு
தேன்மின் படிக்கரையுள்
பற்றரைப் பற்றிநின்று பழி
பாவங்கள் தீர்மின்களே.
9

பல்லுயிர் வாழுந்தெண்ணீர்ப் பழ
மண்ணிப் படிக்கரையை
அல்லியந் தாமரைத்தார் ஆ
ரூரன் உரைத்ததமிழ்
சொல்லுதல் கேட்டல்வல்லா ரவர்க்
குந்தமர்க் குங்கிளைக்கும்
எல்லியும் நன்பகலும் மிடர்
கூருதல் இல்லையன்றே.
10

Go to top

Thevaaram Link - Shaivam Link
Other song(s) from this location: திருப்பழமண்ணிப்படிக்கரை

7.022 சுந்தரமூர்த்தி சுவாமிகள் திருப்பாட்டு முன்னவன், எங்கள் பிரான், முதல்
Tune - நட்டராகம் (திருப்பழமண்ணிப்படிக்கரை நீலகண்டேசுவரர் வடிக்கண்ணமுதகரநாயகியம்மை)

This page was last modified on Thu, 13 Aug 2026 07:11:09 +0000
send corrections and suggestions to admin-at-sivaya.org or to this WhatsApp Group

முன்னவன் எங்கள்பிரான் முதல் காண்பரி தாயபிரான் சென்னியில் எங்கள்பிரான் திரு நீல மிடற்றெம்பிரான் மன்னிய எங்கள்பிரான் மறை நான்குங்கல் லால்நிழற்கீழ்ப் பன்னிய எங்கள்பிரான் பழ மண்ணிப் படிக்கரையே.	1
அண்ட கபாலஞ்சென்னி அடி மேல்அலர் இட்டுநல்ல தொண்டங் கடிபரவித் தொழு தேத்திநின் றாடுமிடம் வெண்டிங்கள் வெண்மழுவன் விரை யார்கதிர் மூவிலைய பண்டங்கன் மேயவிடம் பழ மண்ணிப் படிக்கரையே.	2
ஆடுமின் அன்புடையீர் அடிக் காட்பட்ட தூளிகொண்டு சூடுமின் தொண்டருள்ளீர் உம ரோடெமர் சூழவந்து வாடுமிவ் வாழ்க்கைதன்னை வருந் தாமல் திருந்தச்சென்று பாடுமின் பத்தருள்ளீர் பழ மண்ணிப் படிக்கரையே.	3
அடுதலை யேபுரிந்தான் அவை அந்தர மூவெயிலும் கெடுதலை யேபுரிந்தான் கிள ருஞ்சிலை நாணியிற்கோல் நடுதலை யேபுரிந்தான் நரி கான்றிட்ட எச்சில்வெள்ளைப் படுதலை யேபுரிந்தான் பழ மண்ணிப் படிக்கரையே.	4
உங்கைக ளாற்கூப்பி உகந் தேத்தித்தொழு மின்தொண்டீர் மங்கையொர் கூறுடையான் வா னோர்முத லாயபிரான் அங்கையில் வெண்மழுவன் அலை யார்கதிர் மூவிலைய பங்கய பாதனிடம் பழ மண்ணிப் படிக்கரையே.	5
Go to top
செடிபடத் தீவிளைத்தான் சிலை யார்மதிற் செம்புனஞ்சேர் கொடிபடு மூரிவெள்ளை எரு தேற்றையும் ஏறக்கொண்டான் கடியவன் காலன்றன்னைக் கறுத் தான்கழற் செம்பவளப் படியவன் பாசுபதன் பழ மண்ணிப் படிக்கரையே.	6
கடுத்தவன் தேர்கொண்டோடிக் கயி லாயநன் மாமலையை எடுத்தவன் ஈரைந்துவாய் அரக் கன்முடி பத்தலற விடுத்தவன் கைநரம்பால் வேத கீதங்கள் பாடலுறப் படுத்தவன் பால்வெண்ணீற்றன் பழ மண்ணிப் படிக்கரையே.	7
திரிவன மும்மதிலும் மெரித் தான்இமை யோர்பெருமான் அரியவன் அட்டபுட்பம் மவை கொண்டடி போற்றிநல்ல கரியவன் நான்முகனும் மடி யும்முடி காண்பரிய பரியவன் பாசுபதன் பழ மண்ணிப் படிக்கரையே.	8
வெற்றரைக் கற்றமணும் விரை யாதுவிண் டாலமுண்ணும் துற்றரைத் துற்றறுப்பான் துன்ன ஆடைத் தொழிலுடையீர் பெற்றரைப் பித்தரென்று கரு தேன்மின் படிக்கரையுள் பற்றரைப் பற்றிநின்று பழி பாவங்கள் தீர்மின்களே.	9
பல்லுயிர் வாழுந்தெண்ணீர்ப் பழ மண்ணிப் படிக்கரையை அல்லியந் தாமரைத்தார் ஆ ரூரன் உரைத்ததமிழ் சொல்லுதல் கேட்டல்வல்லா ரவர்க் குந்தமர்க் குங்கிளைக்கும் எல்லியும் நன்பகலும் மிடர் கூருதல் இல்லையன்றே.	10
Go to top