திருமுறை 4.073 Thirumurai in tamil

சிவய.திருக்கூட்டம்
sivaya.org
Please set your language preference by clicking language links. Or with Google

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian Hebrew Korean
Easy version Classic version

4.073 திருநாவுக்கரசர் தேவாரம்
திருச்சேறை (உடையார்கோவில்) - திருநேரிசை அருள்தரு ஞானவல்லியம்மை உடனுறை அருள்மிகு சென்னெறியப்பர் திருவடிகள் போற்றி

சிவானந்த முதிர்வு சிவனைத் தவிர வேறு எந்தத் தெய்வத்தையும் போற்றமாட்டேன்
+ Show Meaning https://www.youtube.com/watch?v=OvEOqME0sZc Add audio link

பெருந்திரு விமவான் பெற்ற பெண்கொடி பிரிந்த பின்னை
வருந்துவான் றவங்கள் செய்ய மாமணம் புணர்ந்து மன்னும்
அருந்திரு மேனி தன்பா லங்கொரு பாக மாகத்
திருந்திட வைத்தார் சேறைச் செந்நெறிச் செல்வ னாரே.

1

ஓர்த்துள வாறு நோக்கி யுண்மையை யுணராக் குண்டர்
வார்த்தையை மெய்யென் றெண்ணி மயக்கில்வீழ்ந் தழுந்து வேனைப்
பேர்த்தெனை யாளாக் கொண்டு பிறவிவான் பிணிக ளெல்லாம்
தீர்த்தருள் செய்தார் சேறைச் செந்நெறிச் செல்வ னாரே.

2

ஒன்றிய தவத்து மன்னி யுடையனா யுலப்பில் காலம்
நின்றுதங் கழல்க ளேத்து நீள்சிலை விசய னுக்கு
வென்றிகொள் வேட னாகி விரும்பிவெங் கான கத்துச்
சென்றருள் செய்தார் சேறைச் செந்நெறிச் செல்வ னாரே.

3

அஞ்சையு மடக்கி யாற்ற லுடையனா யநேக காலம்
வஞ்சமி றவத்து ணின்று மன்னிய பகீர தற்கு
வெஞ்சின முகங்க ளாகி விசையொடு பாயுங் கங்கை
செஞ்சடை யேற்றார் சேறைச் செந்நெறிச் செல்வ னாரே.

4

நிறைந்தமா மணலைக் கூப்பி நேசமோ டாவின் பாலைக்
கறந்துகொண் டாட்டக் கண்டு கறுத்ததன் றாதை தாளை
எறிந்த மா ணிக்கப் போதே யெழில்கொள்சண் டீச னென்னச்
சிறந்தபே றளித்தார் சேறைச் செந்நெறிச் செல்வ னாரே.

5

Go to top

விரித்தபல் கதிர்கொள் சூலம் வெடிபடு தமரு கங்கை
தரித்ததோர் கோல கால பயிரவ னாகி வேழம்
உரித்துமை யஞ்சக் கண்டு வொண்டிரு மணிவாய் விள்ளச்
சிரித்தருள் செய்தார் சேறைச் செந்நெறிச் செல்வ னாரே.

6

சுற்றுமுன் னிமையோர் நின்று தொழுதுதூ மலர்கள் தூவி
மற்றெமை யுயக்கொ ளென்ன மன்னுவான் புரங்கண் மூன்றும்
உற்றொரு நொடியின் முன்ன மொள்ளழல் வாயின் வீழச்
செற்றருள் செய்தார் சேறைச் செந்நெறிச் செல்வ னாரே.

7

முந்தியிவ் வுலக மெல்லாம் படைத்தவன் மாலி னோடும்
எந்தனி நாத னேயென் றிறைஞ்சிநின் றேத்தல் செய்ய
அந்தமில் சோதி தன்னை யடிமுடி யறியா வண்ணம்
செந்தழ லானார் சேறைச் செந்நெறிச் செல்வ னாரே.

8

ஒருவரு நிகரி லாத வொண்டிற லரக்க னோடிப்
பெருவரை யெடுத்த திண்டோள் பிறங்கிய முடிக ளிற்று
மருவியெம் பெருமா னென்ன மலரடி மெல்ல வாங்கித்
திருவருள் செய்தார் சேறைச் செந்நெறிச் செல்வ னாரே.

9

Thevaaram Link - Shaivam Link
Other song(s) from this location: திருச்சேறை (உடையார்கோவில்)

3.086 திருஞானசம்பந்த சுவாமிகள் திருக்கடைக்காப்பு முறி உறு நிறம் மல்கு
Tune - சாதாரி (திருச்சேறை (உடையார்கோவில்) சென்னெறியப்பர் ஞானவல்லியம்மை)

4.073 திருநாவுக்கரசர் தேவாரம் பெருந் திரு இமவான் பெற்ற
Tune - திருநேரிசை (திருச்சேறை (உடையார்கோவில்) சென்னெறியப்பர் ஞானவல்லியம்மை)

5.077 திருநாவுக்கரசர் தேவாரம் பூரியா வரும், புண்ணியம்; பொய்
Tune - திருக்குறுந்தொகை (திருச்சேறை (உடையார்கோவில்) சென்னெறியப்பர் ஞானவல்லியம்மை)

send corrections and suggestions to admin-at-sivaya.org
This page was last modified on Sun, 01 Mar 2026 07:27:15 +0000

பெருந்திரு விமவான் பெற்ற பெண்கொடி பிரிந்த பின்னை வருந்துவான் றவங்கள் செய்ய மாமணம் புணர்ந்து மன்னும் அருந்திரு மேனி தன்பா லங்கொரு பாக மாகத் திருந்திட வைத்தார் சேறைச் செந்நெறிச் செல்வ னாரே.	1
ஓர்த்துள வாறு நோக்கி யுண்மையை யுணராக் குண்டர் வார்த்தையை மெய்யென் றெண்ணி மயக்கில்வீழ்ந் தழுந்து வேனைப் பேர்த்தெனை யாளாக் கொண்டு பிறவிவான் பிணிக ளெல்லாம் தீர்த்தருள் செய்தார் சேறைச் செந்நெறிச் செல்வ னாரே.	2
ஒன்றிய தவத்து மன்னி யுடையனா யுலப்பில் காலம் நின்றுதங் கழல்க ளேத்து நீள்சிலை விசய னுக்கு வென்றிகொள் வேட னாகி விரும்பிவெங் கான கத்துச் சென்றருள் செய்தார் சேறைச் செந்நெறிச் செல்வ னாரே.	3
அஞ்சையு மடக்கி யாற்ற லுடையனா யநேக காலம் வஞ்சமி றவத்து ணின்று மன்னிய பகீர தற்கு வெஞ்சின முகங்க ளாகி விசையொடு பாயுங் கங்கை செஞ்சடை யேற்றார் சேறைச் செந்நெறிச் செல்வ னாரே.	4
நிறைந்தமா மணலைக் கூப்பி நேசமோ டாவின் பாலைக் கறந்துகொண் டாட்டக் கண்டு கறுத்ததன் றாதை தாளை எறிந்த மா ணிக்கப் போதே யெழில்கொள்சண் டீச னென்னச் சிறந்தபே றளித்தார் சேறைச் செந்நெறிச் செல்வ னாரே.	5
Go to top
விரித்தபல் கதிர்கொள் சூலம் வெடிபடு தமரு கங்கை தரித்ததோர் கோல கால பயிரவ னாகி வேழம் உரித்துமை யஞ்சக் கண்டு வொண்டிரு மணிவாய் விள்ளச் சிரித்தருள் செய்தார் சேறைச் செந்நெறிச் செல்வ னாரே.	6
சுற்றுமுன் னிமையோர் நின்று தொழுதுதூ மலர்கள் தூவி மற்றெமை யுயக்கொ ளென்ன மன்னுவான் புரங்கண் மூன்றும் உற்றொரு நொடியின் முன்ன மொள்ளழல் வாயின் வீழச் செற்றருள் செய்தார் சேறைச் செந்நெறிச் செல்வ னாரே.	7
முந்தியிவ் வுலக மெல்லாம் படைத்தவன் மாலி னோடும் எந்தனி நாத னேயென் றிறைஞ்சிநின் றேத்தல் செய்ய அந்தமில் சோதி தன்னை யடிமுடி யறியா வண்ணம் செந்தழ லானார் சேறைச் செந்நெறிச் செல்வ னாரே.	8
ஒருவரு நிகரி லாத வொண்டிற லரக்க னோடிப் பெருவரை யெடுத்த திண்டோள் பிறங்கிய முடிக ளிற்று மருவியெம் பெருமா னென்ன மலரடி மெல்ல வாங்கித் திருவருள் செய்தார் சேறைச் செந்நெறிச் செல்வ னாரே.	9